محتااااااااااااااااااااااارة ومافي وقت ابدااا.....

[al jooory]

السلام عليكم ..
ارجوا منكم افادتي انا مررررررة محتااارة وما بقى وقت ..
تم ترشيحي الحمد لله للبعثة واوراقي كاملة الحمد لله ،، انا كان ودي اروح استراليا لانو اخويا هناك وهوا محرمي طبعا ،، بس لانو قفلو استراليا فخليت الدولة كندا وعندي عمو هناك بس عمو دكتور وكلها سنة ورح ينتقل لمدينة ثانية وصعبة انقل انا معاه من جامعة لجامعة في اي وقت ،، وفي كل الظروف حيخلص هوا قبلي + انو اجازاتو بتختلف عن اجازاتي ..
فانا محتااارة ومو عارفة ايش اسوي ..
الحمد لله انا تقديري ممتاز مع مرتبة الشرف الاولى ..استشرت ناس قالو لي اروح موعد المطابقة واشرح لهم ظروفي واحتمال يقبلو يخلوني اروح استراليا ..
وناس قالولي اروح كندا وبعدها اطلب تغيير لاستراليا تبعا لظروفي واحتمال مو اكيد يقبلو + انو صعبة اسافر لكندا لوحدي عشان عمو هناك وبعدين اسافر برضو لاستراليا لوحدي والمسافة بعيدة يعني خوف وكمان مرمطة ..
وناس قالولي اروح استراليا على حسابي الخاص وبعدها التحق بالبعثة ،، ولما استشرت ناس قالو لي انو مو أكيد يقبلوني اذا التحقت لانو استراليا مقفلة...
وانا في حيرة من أمري وما ابغى اضيع الفرصة ..
اعطوني آراءاكم الله يجزاكم خير والله اني جدا محتاااارة..
واللي عندو اي معلومات عن الكلام اللي قلته ياليت يفيدني..