كيف احضر مع طلاب الانتظام؟؟؟

[إن غدا لنظيره قادم...]

سلام اخواني/ اخواتي...
انا ابغا استفسر عن شئ ممكن هو سبب توتري واني ما عشت يوم حلو من يوم ماعرفت اني انتساب..
ابغا ادوام كل يوم مع طالبات الانتظام.. انا مهووسه دراسه ...
ونسبتي والله عاليه 99.55 بس اش نقول؟؟!!
انا تقريبا ماعرف شئ عن الانتساب لانو انا كان في بالي انو انتظام وجمعت ملعومات واستعديت انو انا انتظام والفاجعه كانت انو انا انتساب ... عشان كدا ابغا احد يشرحلي الطريقه يعني دوامهم غير عن دوامنا كيف اداوم معاهم يعني عادي ادخل في قاعتهم ولا اش انا معرف ولا شئ ....
ابغا احد نفس حالتي ويشرحلي ...
عارفه طولت عليكم بس انا حاسه اني بين اهلي وصحابتي عشان كدا عادي لو طولت صح

[روزليندا]

هلا بك حبيبيتي في منتدانا اول شئ تقدري تحضري وكل يوووووم مع الانتظام بس لازم تعرفي ولو وحده من صحباتك عشان الجدول تاخديه من عندها واذا ماتعرفي احد تقدري تدخلي ملتقى الانتظام للسنه التحضيريه وتاخدي الجدوول وراح تروحي طبعا بس تستأذني اول مره من الدكتوره بعد كدا يكون الوضع اووردي وانا انصحك قلبي تحضري كل يوم والدوام من 8 الى 2 وعلى حسب بس بصراحه صحباتي اللي حضروا مع الانتظام ماشاء الله معدلاااتهم ماتقل عن 4 واتمنى لك من كل قلبي التوفيق والسدااد اختك روز

[إن غدا لنظيره قادم...]

مشكوووووورة اختي ماقصرتي ...
انا للحين ماخذت بطاقتي معرف كيف الدوام وكيف اروح ؟؟؟
يعني عادي لو رحت اول يوم دوام الانتظام؟؟

[عـ,,,ـل]

اول يوم عاده اللي اعرفو تعارف وكدا مافي دروس

بس زي ماقالتلك روزاليندا

خدي جدول اي وحده واحضري عادي انا كنت احضر مع الانتظام وكلو تمام

والله يوفقك يارب

[سنيوره جده]

ايوه ياعسل تقدري تحضري انتظام والله يوفقك

انتي ماشاء الله شطوره بس غريبه ماقبلوكي انتظام؟!

بالتوفيق

[إن غدا لنظيره قادم...]

مشكورررررين ماقصرتو رديتو الروح فيني..
ماقبلوني ياست سنيورة لاني اجنبيه ...
عجبا اتحدث العربيه وعربيه حتى النخاع ... وبسجلاتهم اجنبيه
ماعلينا اهم شئ الاخلاق

[سنيوره جده]

اي والله ترى حتى انا زيك

بس نسبتي اقل منك شويه

ياشيخه خليها على ربك

انا سمعت انه يقبلوا اذا كانت نسبتك مع القدرات 90 ومافوق

الله يوفقنا جميعا

[إن غدا لنظيره قادم...]

طولت عليكم بأسالتي سامحوني...
بس حاطين دعوة للبرنامج الارشادي >>>
المسار الاداري الانساني والانتساب:يوم الثلاثاء 12/10/1431هـ
اي مبنى ؟؟؟
والكل يحضر؟؟

[عـ,,,ـل]

هادي في قاعه المؤتمرات مادري فينها بالزبط

ومو شرط تحضريها يعني منتي مجبوره

بس ازا تبغي تروحي روحي

[إحساس ناجح]

أختي أنا إنتساب وحضرت مواد الرياضيات والثقافة واللغة العربية مع الإنتظام ترم كامل بس تروحين لقسم كل مادة مثلا الرياضيات قسم الرياضيات تروحي كلية العلوم تدخلي على أي دكتور وإسأليها تدرس طلاب الإنتظام سنة تحضيرية إذا قالت نعم قولي أنا إنتساب وحاب أحضر مع الإنتظام إذا ممكن راح توافق تحضرين معاهم بس عليك حضور الدرس لكن الواجبات وغيرها مو عليكي إذا رفضت أن تحضري معاها فهذا يعني أن القاعة عندها ممتلئة ولايوجد كرسي فاضي روحي لدكتورة ثانية .
بالتوفيق