ابغى حمااااااااااااااااااااااااااااسكم وهمتكم معايا ^^

[لومانا]

السلام عليكم ورحمة الله وبركاته
اللهم صل على محمد وعلى آله وصحبه أجمعين
كيفكم ياحلوين ان شالله في اكوس حال ^^

ابغى اقولكم اناصراحه نفسي احفظ سورة البقره في رمضان
واتمنى انكم تحفظوها معايا اوكي

سويت حسبه بسيطه
عدد ايات البقره 286
قسمت 30 يوم=9.5
يعني الي يبغى يحفظها كامله يحفظ يوميا 9 ايات تقريبا

ويكون يوميا ان شالله جلستين
وحده للحفظ ووحده لمراجعة الايات السابقه وتكون في وقت متفرق

شوفو الوقت الي يناسبكم
انا ان شالله عن نفسي حأحفظ بعد صلاة الفجر واراجع بعد التراويح
اتمنى انكم تحفظو معايا علشين نتحمس سوا^^

وكمان اتمنى انكم تنصحوني



ايش اهم نصائح والملاحظات اللازم اسويها علشين احفظ مزبوط ومانسى؟؟

والي حاب يدخل هينا ويسمع
نو بربلم
بس انا عن نفسي محادخل
لاني عارفه انو جدولي الرمضاني مزدحم
اتمنى لكم التوفيق
وصيام رمضان وقيامه
واستغلال كل ثانيه فيلو
في الخير والفائده
لاتنسو انو شهر في السنه لايعوض ويمر بسرعه>>احلفي
خطيطولو كويس
اوكي
وبث

دعواتكم^^
اللهم صلي ع محمد وع اله وصحبه اجمعين

[لومانا]

لا تخافو حفظ القران في رمضان مرح يشغلكم عن ختم القران

بالعكس حيطرح البركه في وقتكم اكثر سبحان الله!!
وهنا ع الرابط في طرق ابداعيه تخليك تحفظ القران
>>بالطريقه الصحيحه<<
بحيث انك تختصر وقت في الحفظ وماتنسى ان شالله

http://www.skaau.com/vb/showthread.p...45#post2550345

يالله وروني
حماااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااسكم

[يلدرم]

حسب علمي ان مشرفة القسم الاسلامي حفظت سورة البقرة في رمضان الماضي وكانت تبغى تسوي موضوع عن حفظ السورة فممكن تتواصلي معها

[لومانا]

شكرا لك

[لومانا]

شكرا لك

[بحر الحرية]

أهلين أختي لومانا..

مشاا الله فكرتك مره حلوة، والسورة جدا سهلة في الحفظ على طولها وطول بعض آياتها..
لأنها مترابطة في معظم آياتها والانتقال من آية لآية فيها مترابط ف كتير من الآيات فيها..

على العموم:

انتبهي تحفظي آية خطأ، لأنك بداية حفظ، واللي تحفظيها غلط راح ترسخ معاكي على طول، والتغيير راح يكون شوية صعب.. لأن في سورة البقرة بعض الآيات أو الكلمات لازم تركزي وانتي تقريها سواء في التشكيل أو في الحروف أو غيرها.

فأقترح عليكي تسمعي الآيات قبل ما تحفظيها، وتقريها مزبوط، أو تقريها على أي أحد حافظ مثلا.. بس المهم تكوني واثقة من اللي يسمعلك إنه حافظ بطريقة صحيحة..
والتكرار في الآيات راح يساعدك في الحفظ، ومشاا الله 9 آيات يوميا جدا سهلة، لكن لا تخليها بعدد الآيات، خليها بعلامات النجوم، أو بالمقدار اللي تقدري عليه في الحفظ يوميا وتشوفي إنه قدر مناسب لكي..

إلا لو كنتي فعلا راح تجتهدي في الحفظ بعدد الآيات حتى لو طالت، فما عندك مشكلة في حفظ تسع آيات يوميا..

لأنه بعض الآيات في السورة تجيكي طويلة، وتسعة آيات ممكن توصل معاكي لقريب الثلاثة صفاحات، وبعض الأحيان راح تجي معاكي لأقل من صفحة.. وكلها سهلة في الحفظ، لكن بس حبيت أعطيكي فكرة..

ع العموم فكرتك مرة حلوة، وإنشاا الله راح أكون معاكي فيها، والله يسهل وييسر على الجميع يارب، ويكتبلنا الخير في هذا الشهر الكريم..

كل عام وانتي بخير أختي..

وفقنا الله وإياكم لكل خير؛؛

[الكريم ابن الكرام]

والله ما شاء الله فكرتك مرة حلوة

الواحد ما ينقصه شيء، بس يحتاج شوية همة وإرادة

الله ييسر لك حفظ الكتاب كامل مو بس سورة البقرة

خيركم من تعلم القرآن وعلمه

دمتي بحفظ الرحمن

[JuStice]

.

وعليكم السلام ورحمة الله وبركاته ,

الله يوفقك لحفظ كتابه ..

أنصحك بإنك قبل لا تحفظي الآيات تسمعيها مرة واتنين عشان تعرفي القراءة الصحيحة لها

.

[ستأتي أيامي]

مشروع جميل والله ..
أحاول أكون معاكي ..

[فاقدة أبوها]

وعليكم السلااام ورحمة الله وبركاته

موضوعك رااائع ومحمس لومانا
وان شاءالله بحاول احفظ سورة آل عمران واراجع معك سورة البقرة,
وربي يقدرنا جميعاً,

من الأفكار اللي ممكن تساعدك انك ماتحفظي لوحدك ولو تخلي أحد يشاركك الحفظ يكون افضل عشان لما تفتر الهمّة تلقي تشجيع,
وياريت التسميع يكون بوقت يومي محدد عشان نبتعد عن التسويف,
وحملي سورة البقرة على جهازك لقارئ تحبي صوته زي مثلاً الشيخ أحمد العجمي والشيخ ماهر المعيقلي وشيخ أبوبكر الشاطري ,
وافتحي المصحف واقرأي معاه قبل الحفظ.
والآيات اللي حفظتيها صلّي فيها عشان تثبت,
وادعي ربنا يعينك على حفظ كتابه,
واهم شي الإخلاص ثم الإخلاص,

عن نفسي حفظتها في دار التحفيظ (مو دار رسمي بس عملنا قروب وسوينا تجمع يومي بعد التراويح حفظ ومحاضرات ومسابقات وجوائز وكان مرة ممتع)

ومشاا الله 9 آيات يوميا جدا سهلة، لكن لا تخليها بعدد الآيات، خليها بعلامات النجوم، أو بالمقدار اللي تقدري عليه في الحفظ يوميا وتشوفي إنه قدر مناسب لكي.. إلا لو كنتي فعلا راح تجتهدي في الحفظ بعدد الآيات حتى لو طالت، فما عندك مشكلة في حفظ تسع آيات يوميا.. لأنه بعض الآيات في السورة تجيكي طويلة، وتسعة آيات ممكن توصل معاكي لقريب الثلاثة صفاحات، وبعض الأحيان راح تجي معاكي لأقل من صفحة.. وكلها سهلة في الحفظ، لكن بس حبيت أعطيكي فكرة

نفس الرأي لأن بعض آيات سورة البقرة طويلة وتبغى تركيز أكبر,

وربي يوفقك وييسر لك أمرك ويسهل لك حفظ كتابه والعمل بمافيه.