الي يعرف ياريت يفيدني لإني قلقانه

[ابتسامه بريئه]

انا قدمت اوراق اختي للإعفاء في الجامعه من يومين وقالتلي انو دا الاعفاء للي عندهم في الضمان يروحو يقدمو اوراقهم بنفسهم مو عن طريق النت المهم واخدت اوراقي وكتبت رقمي وسألتها كيف اعرف انو جاني الإعفاء او لا قالتلي لو في شي نتصلبك
سؤالي هو بجد انا ماعندي الي يوديني ويجيبني كل شويه الجامعه عشان اتابع الاعفاء كيف اعرف ايش حصل او متى يردو انا قلقانه ومحد اتصلبي مع العلم انو في موعد للسداد قبل 1رمضان وابغى اطمن

[ابتسامه بريئه]

محد رد ليييييييييييييييييييييييش؟؟

[أ.حمودي]

هلا أختي ابتسآمــه

وش فيك مستعجله

ههههههههه

روقــي على بال مايشوفوا موضوعك ويخدمونك

::

بخصوص الاعفاء والله ما اقدر أفيدك أكثر من موقع الجامعة

وهذا رابط الصفحة الخاصة وفي تلفونات الاستفسار

http://community.kau.edu.sa/content....www.kau.edu.sa

ربي يوفقك

ويشملك الاعفاء

[ابتسامه بريئه]

مشكور ياقلبي بس انا اعرف الموقع وطفشت وانا ادق عليهم ومحد يرد كل يوم اصحى بدري واتصلبهم ورا بعض محد عبرني

[إحساس ناجح]

الإعفاء ماينزل إلا منتصف الفصل ونهايته وتقدري تراسلي عميد خدمة المجتمع الدكتور فهد العبود

[ابتسامه بريئه]

ادري ياعسل بس انا ضمن الاعفاء مستمر معايا من الترم التاني بس دا لأختي بعملو وترى الاعفاء حق النت الي يكون على الموقع ودا على قولك من منتصف الترم او نهايتو بس دا الي دحين مو عن طريق النت دا تقدم الورق بنفسك للطلاب المستجدين وفقط للي مسجلين في الضمان دحين التقديم مفتوح

[OoفرحoO]

الي اعرفه ان لما ينتهي فتره المخصصه للتقديم على طلبات الأعفاء
ينزل النتايج بعدها بأسبوع.... انا قريت في مواضيع مشابه
رح تجيك رساله على جوالك اذا قبلوك ولا لأ

[ابتسامه بريئه]

شكرا ياقلبي على الرد انا حفضل وراهم اتصلبهم واستنى الين آخر الأسبوع

[(صعبة المنال)]

ممكن سؤال وحده من صديقاتي مسجله بالضمان الأجتماعي
هل لها اعفاء واش الاوراق المطلوبه منها لان حالتها مره صعبه
وجايبه معدل طيب وراح تنسحب لو ماقدرت تدبر المبلغ
الله يوفقكم ويوفق الجميع

[ابتسامه بريئه]

المشاركة الأصلية كتبت بواسطة (صعبة المنال) ممكن سؤال وحده من صديقاتي مسجله بالضمان الأجتماعي هل لها اعفاء واش الاوراق المطلوبه منها لان حالتها مره صعبه وجايبه معدل طيب وراح تنسحب لو ماقدرت تدبر المبلغ الله يوفقكم ويوفق الجميع

دحين تروح تقدم بسرعه حيقبلوها وهما مغمضين طالما انها في الضمان مسجله والأوراق المطلوبه صوره من بطاقة العائله وصوره من بطاقة الأحوال وصوره من الضمان تروح للضمان تطلب افاده منهم بإنو هيا مسجله في الضمان وبتاخد المبلغ المعين ومختومه من عندهم وتطبع ورقه من الأودس حقت الدرجات والمعدل واذا البيت ايجار تجيب صوره من عقد الإيجار