يبغى يسدد للصيفي لكن السداد غير مفعل!؟

[ضيدان]

السلام عليكم ورحمة الله وبركاته

بإختصار

الرجال قرر يدرس صيفي


والان مو قادر يسدد؟

مع العلم انه مو مطوي قيده ومنتظم ولا سبق له اعتذر عن اي ترم او عنده اي مشكلة الا هذا الترم مع السداد


وكل ما دخل يسدد تطلع له الرسالة هذي

الفاتورة غير معرفة في نظام سداد


وكتبنا معاملة الكترونية عن طريق المعاملات الإلكترونية ولا جاء رد

واتصلنا ورد موظف السنترال وما قصر وحولنا على المالية وقالوا الفاتورة موجودة ومفعلة ووضعها طبيعي وتقدر تسدد.... !؟

مع العلم ان السداد كان يطلع له المبلغ 3000 ريال الاسبوع الماضي والحين ما فيه اي مبلغ ولا يقبل السداد ولا اي شئ


الحل يا جماعة؟؟؟


ما صدقنا على الله نقنع الرجال يدرس ونكسبه في هالسفرية لجدة

وشكرا لكم مقدما

[المميــــز]

اولا كمل 50 ساعه مكتسبه
ثانيا تأكدو من البنك نفسه والا حاولو في بنك ثاني لعل وعسى طالما ان العماده يقولون ماعنده مشكله
معناته ان المشكله في البنك غير البنك
بالتوفيق

[ضيدان]

المميــــز

الرجال ما شاء الله فوق 80 ساعة مكتسبة

وحاولنا في بنكين وباكثر من حساب نت وصراف وهاتف مصرفي ما قدرنا نسدد له


مع ان التسديد اخر يوم له الاول من رمضان

البنك يقول كلموا الجامعة خلوهم يفعلون السداد

والجامعة اللي رد علينا يقول مفعل رقمه بالسداد

والمعاملة الالكترونية ما جاء عليها رد


وش الحل يا جماعة؟؟؟

[المميــــز]

ارجع كلم العماده مره ثانيه اتوقع مالك الا كذا
واشرح لهم الموضوع
مااعتقد انك بتجد حل في المنتدى

[sure]

راجعوا الجامعه مالها غيرهذاالحل

[ضيدان]

جدة ما هي قريبة


والتلفون ما يشفي الغليل .. مثل ما قلت لكم يردون وكل يرمي المشكلة على الثاني .. البنك على الجامعة والجامعة على البنك


والمشكلة طرحتها بالمنتدى لعل وعسى نلقى لها حل او يجي من قد صارت معه نفس المشكلة ويبين لنا الخطوات الصحيحة ونستفيد من خبرته أو علاقاته بالجامعة ويفزع لنا (بالعربي واسطة)


والف شكر على مشاركتكم

[sure]

مالك الا واحد من هالشباب يشد الظهر وياخذ فيك اجر ويروح يراجع عنك

و ان شاءالله مايقصرون اخوانك خذوا فيه اجر يالشباب و راجعوا له المعامله

و الله لو اني رجل كان راجعت لك فيها

[كنترول222]

انا بعد نفس المشكه عندي مع اني مخلص 77 ساعه حاولت بكل البنوك المطروحه الراجحي الاهلي الرياض سامبا كل البنوك عن طريق الصرافه و عن طريق النت ويقولون نفس الحكايه بعد رقم الاشتراكـ غير مفعل ؟؟ ماادري ليه

اخوي /
ممكن تكتب لي رقم الماليه اللي بالجامعه عشان نوصل اصواتنا لهم قبل مايفوتنا الدوروالتسجيل ونفلس من الترم الصيفي


والله يوفقكـ ان شاء لله ويوفق الجميع

[ضيدان]

كنترول 222

الله يجزاك خير

السنترال حولني على المالية .. شرحت له الوضع وقلت له ما ادري عند اي ادارة وحولني على المالية على كلامه وردوا وطلبوا الرقم الجامعي وسألوني عن الاسم وبعدها قال ما فيه اي مشكلة؟

ورقم السنترال 6952000 02 وغلطتي ما سألت موظف السنترال عن رقم التحويلة اللي بيحولني عليها

والله يوفقنا جميع ان شاء الله

[كنترول222]

يعطيكـ العافية ضيدان .. و الى هاللحين ماردو علي ؟؟؟؟؟؟؟؟؟

راح اعطيك اخر التطورات اذا ردو ان شاء الله