ممكن احد يقلي عن شقق t_t

[NNOOSH]

السلام عليكم .... كيفكم ان شا الله تمام..

يا جماعة ابغا احد يقلي ازا في شقق خاصه كويسه واجرتها تمام تكون قريبه من الجامعه ياريت اللي يعرف يقلي ويديني رقم العماره ... ولكم مني جزيل الشكر

[baroo,A]

في شقق في حي الصفا اسمها ريمية وفي في السيلمانية سكن جديد اسمو البتول الاثنين اسعارهم زي بعض في الترم الغرفة المزدوجة ب6700يعني الشهر ب1200 بس مميزاتهم مره حلوه ادعيلي بابا يوافق على اني اسكن في سكن خاص اذا وافق معاكي ان شاء الله . اتمنى انك تستفيدي من المعلومات في ارقامهم اذا احتجتيها.

[السيف99]

يا عزيزي قدم علىى سكن الجامعة مجاني عبر موقع الجامعة

[miss:tesT_Tube of pharma]

فيه ابراج درة المقري ومرررة قريب من الجامعة
بس الشقق مليانة عليها كثير طلب اتوقع
والشقة غير مفروشة وتحتاج تأثيث
وفيه عوايل وطالبات
, اذا شقة مزدوجة ب18600 في السنة يعني كل نص سنة ب9300
يعني لمن يكون معاكي احد كل وحدة تدفع 4650 كل ترم

واذا شقة فيها 3 غرف ب24600 في السنة وكل نص سنة ب12300
كل وحدة تدفع 4100 في الترم
ميزة المقري انك تكوني مالكة الشقة يعني في الصيف والاجازات ماتشيلي اغراضك

واما بالنسبة لمساكن الا فيها بس طالبات سمعت عن الريمية كويس بس مرررة بعيد وسمعت كمان انو فتح فرع قريب بس ما اعرف هل هو البتول او برضو اسمه الريمية 2
الله يوفقكم يارب
واتمنى اكون افدتك

[الكريم ابن الكرام]

الله يجزاك خير أختي miss:tesT_Tube of pharma على مساعدتك

[شيونه fm]

مثل ماقلت بروو سكن الريميه مره كويس << طبعا هذا قريب من فرع الشرفية

واذا غرفة لحالك وحمام لحالك الله يكرمك يكون الشهر بـ 2000 مع المواصلات
وانآ سجلت بو الحمد لله
ولو تبين الرقم كتبي بقوقول سكن الريميه وبتلقين كل شي موجود عنه

يا عزيزي قدم علىى سكن الجامعة مجاني عبر موقع الجامعة

خبري كأنو بو سعر رمزي لسكن
الله اعلم

[ماجد سعود الفهد]

المشاركة الأصلية كتبت بواسطة miss:test_tube of pharma فيه ابراج درة المقري ومرررة قريب من الجامعة بس الشقق مليانة عليها كثير طلب اتوقع والشقة غير مفروشة وتحتاج تأثيث وفيه عوايل وطالبات , اذا شقة مزدوجة ب18600 في السنة يعني كل نص سنة ب9300 يعني لمن يكون معاكي احد كل وحدة تدفع 4650 كل ترم واذا شقة فيها 3 غرف ب24600 في السنة وكل نص سنة ب12300 كل وحدة تدفع 4100 في الترم ميزة المقري انك تكوني مالكة الشقة يعني في الصيف والاجازات ماتشيلي اغراضك واما بالنسبة لمساكن الا فيها بس طالبات سمعت عن الريمية كويس بس مرررة بعيد وسمعت كمان انو فتح فرع قريب بس ما اعرف هل هو البتول او برضو اسمه الريمية 2 الله يوفقكم يارب واتمنى اكون افدتك

جزاك الله خير

[ماجد سعود الفهد]

اهم شي في السكن انه يكون قريب من الجامعة
ويكون مريح يعني تقدري تدرسي وتتفوقي

و وربي يوفقكم كلكم يارب

[NNOOSH]

جزاكم الله خير والله ما قصرتو معايا ساعدتوني كتير
الله يوفقكم ويسعدكم ياارب

[xanaza6]

سكن الجامعه بالنسبه للاولاد حوالي الف ريال الترم, مره رخيص الصراحه وهذا وانا دورت على اسعار معقوله ومارتحت اللا بالسكن الجامعي ^^

بالتوفيق وإن شاء الله تلقين مكان زين