فيييين اهل الخبببره

[سنيوره جده]

مساء الخير...
كيفكم ياحلوين

انا انتساب واخترت تخصص اداره عامه

وإن شاء الله لمن احول لانتظام (ادعولي احول _بموت على التحويل_هههههههه)


ابغى اغير لنظم معلومات اداريه ابغى اعرف معلومات عنه ورايكم فيه كمان يهمني
واهم شي اش المعدل المطلوووووووب

بليييييييييييز ساعدووووووووووني

[حماده909]

مساء النور.....
بس مسار نظم معلومات إدارية بقسم إدارة الاعمال مو إدارة عامة ..

[نجمة ليل]

زي ما قال أخ حمادة لا زم تكوني ادارة أعمال
ولا يهمك حأعطيكي المعلومات اللي ممكن تهمك
طبعا كطالبات انتظام ما تدخلي هذا المسار الا بعد السنة الثانية وبمعدل عالي يعني مابين 4.30و4.50
وسمعت أنو القسم في نوع من الصعوبة بس لسة ما جربتو وأكيد كل شهادة جامعية ما حتجي بالسهل مهما كان نوع تخصصك
و حضرتك سمعتي بالأخبار الجديدة أنو تحول للعلمي وما تدخل قسم إدارة أعمال إلا إذا أخذتي كيميا أو فيزيا وخصوصا لدفعة 2010 إذا كنت منهم
هذا الكلام اللي جا فبالي إذا في أي استفسار اسئلي وإن شاء الله أحاول أعطيكي الإجابة اللي تبغيها

[سنيوره جده]

شكرا حماده ونجمه الليل الله يجزاكم الجنه
بس انا دخلت اداره عامه عشان الكليه يعني لما احول انتظام على طول اغير التخصص
لان عدنا المتسبين بس كليه اداره اعمال رابغ عشان كذا اخترت اداره عامه
اختي نجمه الليل جزاك الله خير على معلوماتك القيمه طيب يعني اخذ الكيمياء او الفيزياء لوحدها او مع مواد التخصص
اكرر شكري ياقمر

[نجمة ليل]

العفو أختي لا شكر على واجب
أما بالنسبة للفيزيا والكيميا تاخدينها مع مواد ثانية لأنو مو معقولة تضيعي ترم على مادة صح ؟
وربي يسهلك وإذا في بخاطرك أسئلة ثانية خدي راحتك أنا والأعضاء بإذن الله ما حنقصر
وربي يسهل

[سنيوره جده]

الله يوفقك ويسر امرك و يحقق كل اللي تتمنيه دنيا واخره
ايوه صح مو معقوله نضيع ترم عشان ماده
عن جد انا متحمسه للتخصص يارب يوفقني وادخله
شكرا يالغلا

[نجمة ليل]

آميييييييييييييين يا رب ويوفق كل المؤمنين يارب