يمديني احول اداره عامه

[ضلع طويق]

السلام عليكم ورحمه الله وبركاته
اخواني حسب ماسمعت من كلام بعض الشباب اغلبهم ان لم يكن جميعهم
يقولون ان اداره اعمال للقطاع الخاص فقط !! بينما اداره عامه للقطاع الحكومي
طبعا القطاع الحكومي افضل بلا شك وش ابي بالقطاع الخاص.
اولا هل الكلام هذا صحيح ..
واذا كان كذلك هل يمديني احول اداره عامه هل فيه مجال ..
تكفون يااخواني جاوبو ترى الموضوع مهم جدا اربع سنوات دراسه ماهي لعب مخلص لحد الان ولله الحمد اربع اترام 63 ساعه.

[aziz8008]

وعليكم السلام ورحمة الله وبركاته ،،

اخي الكريم اغلب الللي يدرسون ادارة عامه انتساب ( يكونون موظفين حكوميين ويرغبون بالشهاده لاغراض الترقيه او لغرض الحصول على شهاده بكالوريوس ) وفرص عمله قليله الا اذا كان تقول ان معاك واسطه هذي شيء ثاني

اما بالنسبه لادارة الاعمال فهي مطلوبه بكثره في القطاع الخاص ( شركات - بنوك - مصانع ) وفرص عمله اكثر وبامكانك ايضا الحصول على وظيفه حكوميه حتى لو كان تخصصك ادارة اعمال

والاختيار بالاول والاخير راجع لك حسب ميولك ورغبتك واذا كنت انت اصلا موظف في قطاع حكومي فالافضل لك التحويل الى اداره عامه

اما اذا كنت موظف في قطاع خاص فالافضل لك ادارة اعمال

اتمنى لك التوفيق

[حبي لذاتي قمة أولوياتي ~]

انا أدرة اعمال وجاتني وظايف في جامعة الملك عبد العزيز

وكمان فيه في وزارة الداخلية

ماهي حصر على أحد هو مجرد تصنيف لا أقل ولا أكثر

نصحية لاتسمع من الناس وتنفذ حشان قطاع حكومي

المستوى العلمي لإدارة أعمال مطلوب أكثر من إدارة عامة

حتى الحين صار فيه مناهج تدرس في المدارس الحكومية اسمها مهارات أدارية مطلوب مدرسين ومدرسات إدارة اعمال وأدارة عامة

وطبعاً أدارة اعمال ارقى

ومساراتها أفضل

وحتى موادها فيها العلمي والعملي والحفظ

فنصحية

لاتربط الوظيفة بالتخصص لانه مجرد تصنيف

هذا رأيي الشخصي من خلال تجاربي في التقديم لوظايف

[m u l a n]

آستمر بأدارة الأعمال لأنها أفضل ..

والله يوفقك

[أمير القلوب]

أخي الكريم أحببت أن أشاركـ الإخوان بالرأي ...
ياإخي الكريم .. بالنسبة لي أنا كنت في قسم إدارة عامه وحولت لإدارة أعمال .. لأني في قطاع خاص ..

وتخصص إدارة عامــه للذين يعملون في القطاع الحكومي .. وطبيعة الدراســة تتحدث عن القطاع الحكومي ..
أما إدارة أعمال .. فـ الدراســة متركزة على القطاع الخاص وبالأخص الموارد البشرية ,, التسويق ,, وغيرهـ ..
يعني هناكـ فرق ..
ومع الواو لايوجد فرق ....! وأنت أفهمها ..!! وأدرسها زي ماتبي .. بالتوفيق لكـ .

[مضيعه الشطاره]

بالنسبه عشان التوظيف وان ودك بقطاع حكومي عشان الوظيفه ترى اغلب الوظائف الحكوميه شرطها ان لاتكون منتسب
وابشرك اغلب القطاعات الحكوميه اصبحت تحتاج الى ادارة الاعمال بالذات قسم الموارد البشريه
وبالتوفيق ...

[قلب ذيب]

اخي الكريم ولايهون الباقين
انا موظف حكومي وادرس ادارة اعمال وانهيت ثلاث ارباع الخطة ادراسيه ولو يحصلي اغير ادارة عامه غيرت اتخصص حسب ماسمعت ادارة عامه اسهل من ادارة الاعمال المهم اذا انت حاس انك تقدر تكمل توكل على الله
وكمل واذا تبغى تحول لازم تشوف الخطه ادراسية لدارة العامه وقارن بين الخطتين وخذ الاسهل مواد
هاذي وجهت نظري والله يوفقك

[ضلع طويق]

الله يجزاكم خير الجزاء جميعا ويوفقنا وياكم
صراحه كلامكم برد كبدي الله يعافيكم
وان شاء راح اكمل اداره اعمال والله يوفقنا ويساعدنا ونتخرج ان شاء الله