يا حلوين سآعدوني أي التخصصين هو الأفضل ؟؟!

[عذبة الأطباع]

بسم الله الرحمن الرحيم

صبآح / مسآء الورد ..

صبايا حابه استشيركم بحكم انه لكم خبره في الدراسة الجامعية أكثر..

أنا تخرجت من السنة التحضيرية ولله الحمد

وقرب موعد اختيار التخصص وانقلبت " بكلية الآداب و العلوم الانسانية"بالجامعه

ومحتآآره بيت تخصصين كلاهما قريبين من قلبي :

" علم نفس _أو_ صحافه وإعلام "

أتمنى منكم طرح آرائكم وأي التخصصين أفضل من كل النواحي ؟؟؟؟

ولا أنسى الناحية المستقبلية "الوظيفة"
فأيهمآ مرغوب أكثر حاليآ ؟؟..

أنا أدرك ان الوظيفة توفيق ورزق من الله تعالى ..

لكن أتمنى أن أدخل تخصص يسااعدني في الحصول على مستقبل مشرق ..

والله ولي التوفيق ,,

ساعدوني الله يوفقكم

بانتظار آرائكم وخبراتكم ..
ودمتم ~

[meme cool]

علم نفس
لانه له مستقبل يعني لو تخرجتي واخذت دبلوم تربية خاصة على طووول الوظيفة مضمونة ان شاء الله

لانه مطلوب في اقسام التربية الخاصة علم نفس

اما الصحافة وإعلام

اعرف وحدة لها سنتين متخرجة ... بس دراستها ممتعة اذا كنتي تحبي اللغة العربية الفصحى
وتبحث عن وظيفة مافيه الا يعني في التلفزيون

موفقه

[shao0aga]

والله أنا عن نفسي بقولكـ أدخلي علم نفس لأني أحبوو مررة وحلمي أدخلو..

وبعدين الصحاافه والإعلام زي ماقالت لأخت مافي مجال غير با التلفزيون يعني أذا كانت عادي تشتغلي في التلفزيون هذاا

شي ثاني .,


وبعدين أستخيري وربي راااح يختارلكــ الي فيه الخير ..,

با التوفيق ياارب .,

[The golden girl]

مو شررط صحاافهـ واعلاام تشتغل في التلفزيون

تقدري في الصحف والجرايد تكوني كااتبهـ وبعض الصحف فيهاا قسم

نساائي أو من البيت تشتغلي ~.

صرااحهـ كل التخصصين حلووين استخيري وان شااء الله ربي يريح لك واحد منهم

مووفقهـ

[امونة المزيونة]

دخلت الموضوع وكنت حااسة انك محتارة بين علم النفس وشي تااني هههههههههه

شوفي ياعزيزتي اول شي من قاااااال انو الاعلاام تلفزيون اصلن مافيه بجامعتناا الا مساار وااحد وهو صحاافة فقط وبحكم انوالاعلام تخصص جديد ممكن يكون له فرص وظيفيه اكثرر ..

وعلم النفس صعب تلاقي وظيفه بشهادة بكالوريس لازم تكملي دراسه او ع الاقل دبلوم تربية ..

ومقارنة بين التخصصين من ناحية الدراسة ابدن مافيه مقارنة الاعلام يختبرون منهج نهائي ب10 صفحاات او شرايح بور واحناا فوق ال100 صفحة ..

وشوفي انتي وش ميولك لانو تدرسي شي تحبيه احسن من شي ماتحبيه اطلعي ع الخطط الدراسية بتاع كل قسم وشوفي المواد واش الانسب لك ولاتنسي الاستخاارة ..

[عذبة الأطباع]

امممم
مشكووورين ع الرد ..
الله يوفقكم ويوفقني يآآآرب ..
ان شاء الله أستخير و أقرر =)

ولكن ,, لا زلت بانتظار المزيد من الآراء ..

[عذبة الأطباع]

المشاركة الأصلية كتبت بواسطة امونة المزيونة دخلت الموضوع وكنت حااسة انك محتارة بين علم النفس وشي تااني هههههههههه شوفي ياعزيزتي اول شي من قاااااال انو الاعلاام تلفزيون اصلن مافيه بجامعتناا الا مساار وااحد وهو صحاافة فقط وبحكم انوالاعلام تخصص جديد ممكن يكون له فرص وظيفيه اكثرر .. وعلم النفس صعب تلاقي وظيفه بشهادة بكالوريس لازم تكملي دراسه او ع الاقل دبلوم تربية .. ومقارنة بين التخصصين من ناحية الدراسة ابدن مافيه مقارنة الاعلام يختبرون منهج نهائي ب10 صفحاات او شرايح بور واحناا فوق ال100 صفحة .. وشوفي انتي وش ميولك لانو تدرسي شي تحبيه احسن من شي ماتحبيه اطلعي ع الخطط الدراسية بتاع كل قسم وشوفي المواد واش الانسب لك ولاتنسي الاستخاارة ..

يسلمووو أمونه ما قصرتي ..
أنا علم النفس أحبه بس أخاف على الفرص الوظيفية بعدين
وخاصة إنو القسم قديم وأكيد فيه خريجين كثثييير ..
بعكس الاعلام العام اول دفعه تخرجت منه ..
وطبعاً أنا ماعندي مشكله في القسمين كلهم بس أبغى الأنسب..

والله يوفقنآآ أجمعين يآآآرب =)

[عذبة الأطباع]

بنآآآت إذا حأدخل إعلام لازم أكون أحب اللغه العربيه الفصحى على قولة meme cool

??

[امونة المزيونة]

لا مش شرط بس هما يدرسو مواد لها علاقة باللغة العربية واعتقد انها مادة وحدة بس (الاسلوب وتحليل النصوص) بحكم انك راح تكوني صحفية ..

[jody 66]

طيب سؤال ..

علم النفس المواد بالانجليزي ولا العربي ..؟؟؟

لان ان شاء الله بدخله ..