رحت الجامعة اليوم وسألت عن الدورة :)

[واثق الخطا]

السلام عليكم ورحمة الله وبركاته

كيف حال الدكاترة ان شاء الله بخير

ابشركم اليوم رحت الجامعة <<< ترى انجاز عظيم هذا وربي مشواااااااار

المهم رحت ادارة المكافآت وعطيتهم رقم الحساب وصورة شخصية

وقالوا ان المبلغ بيكون في حسابي بعد شهر ونص او اكثر شوي <<<يا ليل ما اطولك

اما شهادة التفوق فاروح الجامعة استلمها يوم الأربعاء الجاي <<< يعني مشوار ثاني الله يعين

ثم رحت للأمن والسلامة على اساس ابي اطلع تصريح للمواقف

وانكرشت كرشة بطااااااااااااااالة

دخلت عند الموظف قلتله ابي تصريح للسيارة قال لي طلاب؟؟!! <<< طبعا شكلي يلبق على عضو هيئة تدريس

قلت ايه طلاب قال تعال اذا بدت الدراسة <<< يعني صرفني بالعربي

نجي للمهم <<< آسف على قصة حياتي اللي فوق

رحت لكلية الطب ولأول مرة احس نفسي طالب طب

الناس محترمة جداااااااا <<<

المهم دخلت مبنى الإدارة ثم ادارة الشؤون التعليمية

دخلنا على مدير الشؤون التعليمية وكان يكلم بجواله تقريبا نص ساعة واحنا ننتظر <<< حاااااقد عليه بقوة

المهم لما خلص مكالمته قلناله اننا نبي نستفسر عن دورة المصطلحات للشباب <<<

الرجال فجأة قام من كرسيه وطلع برى المكتب <<< انفجعت بصراحة

نادى واحد من الموظفين وقاله يسوي جدول على اساس اننا نسجل فيه الإسم والرقم الجامعي ورقم الجوال

وفعلا هذا اللي حصل <<<


الملخص يا شباب يا ليت اللي يبي الدورة يروح يسجل اسمه في ادارة الشؤون التعليمية

وياليت الدكتورات يقولوا لنا ايش صار معاهم اذا راحوا للكلية



شكرا لقراءتكم واتمنى انكم استمتعتم واستفدتم <<< برنامج تلفزيوني مو موضوع


مع السلامة

[{ رآئحــة الم ــزن ..~]

مشكوور على المعلومات والسيرة الذاتية الصباحية
أنا راحت على نومه ولا رحت .. إن شاء الله وحدة من الدكتورات تفيدنا ..~
بس الدورة بدون رسوم ومتى وقتها صباحا ولا بالمسا ؟؟

[smart girl ^_^]

صحباتي بيقولوا إنو آخر موعد تسجيل دا الربوع والتسجيل في مبنى 6 في الطب
مني فاكرة الغرفة المهم حتكون في الصباح حتبدأ السبت
حتكون من الساعة 9 لمن 12 لمدة أسبوعين بس يوم السبت نروح بدري من الساعة 8
لأنهم حيوزعوا ومدري ايشش حيعملوا
بس اذا عرفت شي تاني حأقلكم موفقين يا رب

[واثق الخطا]

احنا ما جابولنا <<< جابولنا ولا جابولاني

مل جابو سيرة الفلوس نهائيا

دحين عندي سؤال مبنى 6 هذا فين ؟؟؟

وربي فاتك اليوم ضيعان في المباني حسيت نفسي تائه

[{ رآئحــة الم ــزن ..~]

إن شاء الله بروح لهم بوكرا .. إلا الشهادة اللي تقول عليها بيعطونك إياها وليه يعني ~> أم اللقافه

[smart girl ^_^]

مبنى 6 دا عند البنات
أما الأولاد الله أعلم
وحتى مبنى 6 دا ما أعرف مكانو

[{ رآئحــة الم ــزن ..~]

تيب متى اروح لهم الساعة كم يعني
لو كنت ادري كان خليتكم تسجلون اسمي معكم ~> ضرب العرق السوداني

[smart girl ^_^]

ههههههههههههههههههههههههههه
هما راحوا تقريبا الساعة 10 يعني زي كدا روحي يعني من 10 لمن 12 عشان الدوام
أخاف تروحي بعد كدا تلاقيهم مشيو بس في بنات بيقولوا إنو بكرا آخر موعد
حتى لو احد عندو أصحاب في الاسنان او الصيدلة يقلهم أكيد حيستفيدوا
وحتى الأولاد يروحوا يسجلوا من دحين أحسن

[sweetie]

ايوة حتى انا اليوم روحت بس سجلت اسمي ورقم جوالي ويوم السبت حنبدآ

[husseing]

ألف مبروك لكم جميعا شباب وبنات

المشاركة الأصلية كتبت بواسطة واثق الخطا دخلنا على مدير الشؤون التعليمية وكان يكلم بجواله تقريبا نص ساعة واحنا ننتظر <<< حاااااقد عليه بقوة

بس تراه طيب جداا جدا جدا الرجال هذا

اخلاق والله

يعني اتحمله