طالبكم بعد الله.... أدخل انتساب أو اسافر بعثـــه(مالي غيركم يا أخوان)

[عــذب المشاعــر]

رجعت أكتب موضوع ثاني ألخص فيه اللي صار معي بالنسبة لختبار القدرات,,

أنا متخرج من الثانوية وطبعا ما اختبرت قدرات.. وكان أمس(الاثنين) بالرياض فيه اختبار قدرات استثنائي للطلاب اللي ما اختبرو؟

أنا طبعا بجده وصعبة اني اروح الرياض(مو مسألة السفر) صعبة من ناحية وقت التحضير لهذا الاختبار.... المهم
..


بعد الحوسة اللي أنا فيها والظروف اللي مالها داعي

قدمت على بعثة لكندا !!!!!!!!!! <<

والله ياخوان ما أدري وش يصير لي !!

هي المسأله كلها تمام وقبولي هناك تقدرو تقولون 90% راح يقبلوني بالبعثة

البعثة ماهي على حسابي.. بس اللي علي أدفعه مصروفي والتذاكر والكتب بس

المهم.. أنا ابي مشورتكم..

أنا مافي براسي انجليزي مرهـ صفر على الشمال ,,<< للأسف

وأكيد ان الدراسة هناك راح تكون كل ابوها انجليزي,, وما أدري وش السوات هناك,,

اروح هناك أدخل ادراة أعمال(راح تكون انجليزي)!!

أو أدخل أي تخصص (كمان راح يكون انجليزي)!!



لا تقولون أدخل التخصص اللي انت راح تبدع فيه < تكفون راسي والله فاضي

أو أكنسل الموضوع كله حق الابتعاث وأدخل انتساب بجامعة الملك عبدالعزيز بجده

وخلاص!!!! بس أكيد عندنا هنا لو دخلت انتساب مثلا ادراة أعمال أو اي شي (ماراح

تكون كل المواد انجليزي)!!!

بس ما أدري يقولون لو دخلت انتساب أقدر أحول انتظام (كيف تتم هذي الطريقة)

لو انتساب راح تكون صعبة علي ولا لا

(لأن والله يا أخوان جوَّنا العائلي مره مو حق دراسة صجه ورجه وكل شي)

فأنا هنا أبي مشورتكم.. بالله لا تبخلوا علي

أدري اني بحوسه ومضيع نفسي,, بس وش نسوي هذي نهاية اللي ماينتبه لمستقبله من البداية

[التذكار]

أسأل الله لك التوفيق إن شاء الله

توكل على الله وإذهب الى البعثة فهي أفضل بألف مرة من الإنتساب

وبالنسبة للإنجليزي راح تا خذ دورة مدة سنة هناك لتعلم اللغة وإن شاء الله راح تتقنها بسرعة وذلك لتمكن المدرسين هناك في تعليم اللغة

[دمعة يتيم]

نصيحتي لك من اخو يبيلك الخير

رح لبعثه

تجيب شهادة من بريء احسن من كل الشهادات الي عندنا هنا بالسعودية



الانتساب للناس الي ظروفهم صعبه فأنصحك تروح بعثه


بعدين بالنسبه للإنجليزي وش خايف منه


البنقالي والهندي يجيون من بلادهم كلمه عربي ما يعرف

يقعد بالسعودية ست شهور ويتكلم عربي احسن ما يكون


صدقني هناك بتتعلم انجليزي غصب المجتمع الي حولك كله انجليش


سافر وتوكل على الله


تخسر خمس سنوات هنا وتتخرج ولا تلقى شيء


عكس لما تتخرج خمس سنوات وشهادة من بريء ولغة انجليزية


وظيفة على طوووووووووووووووووووووووووووووووووووول



وعسى الله يوفقك والأمر راجع لك

[ضحايا الصمت]

هلا اخوي عذب المشاعر .....

باين انك متلخبط ... بس قول لاااااااااااااله الا الله ...


واقعد احسبها حبه حبه وشوف ايش احسنلك وايش الي يخارجك انت !!!





*يعني ياسيدي لو تجي تقارن بعثه بانتساب ... اكييييييييد البعثه افضل لكن هل ظروفي المادية والعائلية والنفسية تسمحلي ولا لا ؟؟


*حتقول لغه ؟!!!

زي ماتفضل الاخ التذكار ... كلها سنه وانت زي البلبل وهما عارفين انك جايهم وانت ماعندك انقليزي ولا ليش يحطو دراسه انقليزي سنه ولا سنه ونص !!! وموضوع اللغه بيجي بالمماارسه اضافه الي الدارسه (( معليش على هالكلمة يجيك العامل من بره مايعرف كلمة عربي وبعد سنه تلقاه يتكلم معاك وكل شي ... هذا وهوا مادرس بس بالممارسه ))




*بالنسبة للدراسة بره افضل من هنا بكثير ... بس هل انت عندك استعداد تدرس ؟؟!!!!!

حتعطي الدراسة حقها ؟!!! ولا بتروح تفلها وزي ماتجي تجي ؟!!!




*بالنسبة للانتساب :

للاسف انه ابدا مو افضل والي داخل انتساب غالبا مايخرج عن حالتين : يا انه ادمي موظف ويبغا يطور نفسه ويحصل شهادة ولا نسبته تعبانه ما اهلته يدخل الجامعه فيدخل انتساب لعله بعدين يقدر يجيب معدل ويحول انتظام ...


واختبار القدرات .. الي انا اعرفه انه مو مطلوب للانتساب




* طالما انك تقول 90% مقبول للبعثه يعني برضوا في احتمال بسيط ماتنقبل .... طيب ايش حتسوي في ذي الحاله لاسمح الله ؟!!!!

انا اقولك قدم على الانتساب واذا انقبلت ابدأ فيها ولا كانه في شي اسمه بعثه واذا انقبلت في البعثه ذيك الساعه فاااضل واستخير وشوف .... اهم شي لاتقعد تتفرج والوقت يمشي وفي الاخير لاتحصل ذي ولا ذي


اي شي يجيك خذه واذا جاك شي غيره ذيك الساعه قارن وشوف الافضل ليك ...





وكمان حاول تسأل الناس الي تعرفك وتعرف وضعك وتقدر تفيدك .... بالاضافه الى الاستخارة وربي ان شاء الله ييسر امورك ...

[[Д]]

يا هلا ..


أخؤِي العزيزً .. بصرآإحة مدري وش اقول لك ..

بـآين علـيك شوي مرتبك .. بس شوف يَ الغآلي ..

< اخوك يدرس بالجامعة .. وادارة اعمـال .. بس بعد تخرجي ان شاء الله طالع اكمل المآستر برى .. لأني أبي شهـادة أقـوى ..

لكن بمـأ ان ضـروفك متيسرة ومتقبـل وضـع السفـرر .. لا تتـردد .. أستخرٍ رب العآلمين وتوكل ..

اللغة مآهي عذر .. دورة تأهليلة هناك في معهد تعليم لغة انجليزية لكل طالب مبتعث .. واذا ما نفعت ما يدخلونك الجامعة الين تخلص الدورة ( تأخذ شهـأدة التوفل في اللغة الانجليزية ) * تصير توب في اللغة يعني ..


وبالنسسبة للمنهج .. لازم يكون انجليزي .. لأنك في بـلأاد غـربيـة ..


( بس شآيفك شطحـت من أبتعـاث لـ انتسآب وهذآ دليل ع تخوفك )

بالنسسبـه للأنتسسـآإب .. اغلب اللي فية من اللي فاتهم قطار التعليم والا يشتغل وقرر يمكل دراستة ..

شهـادة الانتسـأب لا تقـأرن بتـاتَن البتة مع الابتعـاب بحيث ان الاخيرة اقوى مع قوة اللغة اللي معك وقوة الشهادة ..

ف الاول والاخير رآيك وهدآإية الله ..

أسئل وأستشرِ فـ مآ خآب من استخآر ولا ندم من استشـآرٍ

من نآحيتي أقولك طيرٍ وأنت متحمسس =)

وبالتوفيق .. آسف عالاطـألة ..

أخوكِ إحمدَ .. < ورده حمرآإ

[فايز الصقري]

يــــارجل .. تتحدث بكامل قواك العقليه .. تود ان تختار بين الإنتساب والبعثه !! طيب
لنفترض أن الامر كذلك :)

توك خريج ثانوي ومخك طازج :) ... وتقول انتساب .. حرام عليك بس إنتساب لحالات معينه منها
1/ إنقطاع طويل عن الدراسه
2/الحصول على شهاده من اجل ترقيه في مجال العمل أو البحث عن فرصة عمل جديده .
3/ مواكبة طبقة معينه من المجتمع لمن طافه الزمن :)

أما البعثه .. فهي امنيه .. خصوصا انك صغير في العمر لذا المستقبل امامك .
بالنسبه للتخصص .. أفضل شي للعالم (الإقتصــاد - إدارة الأعمال) .. لان هذي هي وظيفة العصــر فالمسألة من الآن مسألة أقتصــاد .. اجل مدينة مثل الملكه العربيه السعوديه مافيها مدينه اقتصاديه وللحين تبنى .

نجي الحين لمسألة الإنجليزي .. تروح خريج ثانوي تتوقع منهم يحسبونك فلته باللغه لا تراهم يدرون عن دراستنا ووضعها :) .
لذا النظام دورات باللغه لين تتقنها ومن ثم يتحدد لك التخصص . والإنجليزي اسهل لغات العالم .
عندي ولد عمي راح لأمريكا لتعلم صيانة الطائرات وماهو مطلوب منه يتعلم لغه لان المدرب معهم يترجم لهم ويطبقون بس وكل اللي معاه شلة (متوسط - وثانوي) وبالخبره بس ..
فالرجال صار يسحب من المعسكر بالليل ويتخم لين اخر الليول (والليول بمعنى النصف الاخير من الليل وسمي بهذا الاسم كناية عن توضيح أن هناك غضب من التصرف ) .. تخيل من شهرين صار الولد يلقط كلمات ويتكلم انجليزي وهو عربي ماتفهم عليه ..

لذا وانا اخوك لاتشاور ولو ماحصلت البعثه لاتفكر بالإنتساب لو تجلس بالبيت سنه .. لأنك بتتعب بالحصول على وظيفه ان تخرجت .. حط هالكلام في بالك عدل .. وبالتوفيق .

[الماستر هدفي]

اقول انت الين الحين تستشير
والله لو منك لا اطير حتى لو مادرس اللغه لوحدها كفيله توظفك احسن وظيفه
تخيل لو لغه وشهاده قويه ومن برا
انت روح وقولنا شلون الوضع لان ان شاء الله احنا بعدك
ياخي لو جتك البعثه ابدا لاتحتار وتوكل على الله وروح
وعسى التوفيق فالك
واحفظ الله يحفظك

[مباركـ حمدانـ]

اذا انت تبي تدرس صدق .. وتبي لك مستقبل صح ..

وانت مغمض .. روح بعثة

[salem matare]

توكل على الله وروح وركز انك تحقق هدفك وانت شيل هم الانقلش بادن الله راح تتعلمه بسرعه بس انت شيل الخوف من راسك وقل لوالديك يدعوا لك

[عــذب المشاعــر]

والله يا أخوان اسعدتوني,,لله يسعد قلوبكم برضى الله عنكم..

بصراحة أنا بجد كنت مرتبك ماني عارف وين اروح !!!

والله اني أشكركم من كل قلبي .. والله لو بيدي لأجي أنثر دروبكم ورورد,,

يعني راح يكون مثلا سنة في معهد انجليزي..

وسنه بالجامعة راح تكون تحضيريه نظامهم مثل نظامنا ولا..!!

وبعدها أختار التخصص اللي ابيه وبتكون ثلاث سنوات (صح كذا ولا )

بصراحه عجبتني قصة العامل يجي من برى<< والله انكم صادقين فيها

مانقول الا الله يكتب اللي فيه الخير يارب...ويسهلها

برد لكم لو صار معي أي شي بإذن الله