بناااات اللي اتقبلوو علووم

[maya cute]

بنااات انا انقبلت مستجد علووم طالبات انتظام

ايش حنردس ونقدر نحول شي تاني بعدين

ودا في الجامعه حيكون ؟؟

[Jow]

والله انا زيك ومو عارفة عن التخصص دا ولا شي ... ياريت احد يفيدنا

[DNA..~]

كلية العلوم في جامعة الملك عبدالعزيز.."الفرع الأساسي" قصدي الجامعه نفسهآ

الكليه مبنى رقم 7

قريب من المكتبه المركزيه << اهم شيء الوصف لوول

رديت بخصوص مستجد علوم هنا

http://www.skaau.com/vb/showthread.php?t=224392&page=3

ايش حتدرسوا الله اعلم مواد عامه..
على حسب الخطه اكيد حتنزل لك في الاودوس

بالنسبه للتحويل..

لو لأي كليه داخل شطر الطالبات يمديكِ بعد ترم بس اهم شيء المعدل بحيث لو في طالبات غيرك يبغوا يحولوا تكون الأولويه لكِ مثلا..بس مدري كم المعدل بالظبط يختلف كل سنه على حسب البنات التحويل من العلوم سهل لا تخافي..

اما الكليات الصحيه لازم بعد سنه لأن الدراسه عندهم بالسنوات مو زينا اترام ^_^

اتمنى افدتكم لو بالقليل

[DNA..~]

اول ترم مواد عااامه بعدها تتخصصي..
في كلية العلووم..حسب رغبتك بأي تخصص
رياضيات
كيمياء عامة
كيمياء حيويه
أحياء ( دقيقه-حيوان-مايكرو-اعتقد في قسم تقنيه حيويه حيفتح جديد )
احصاء

[Jow]

Dna: مرررة تانية تسلمي والله ماقصرتي
يعني رح ندرس في الفرع الأساسي في الجامعة نفسها ...
طيب يعني انا اروح الكلية واسحب اوراقي ولا هما بيرسلوها على هناك ولا ايش الحكاية بالظبط ؟؟!!

[الشيمآء]

Dna
التخصص في الترم التاني من السنة الجية !!
أنا اللي أعرفو انو التخصص ح يكون في الفيرست سمستر .,
و بيو قالت انو ح ينزلوا لنآ ع الأودس ع بداية الدراسة آيكون عشان نختاآر التخصص

مو كدهـ !!

[DNA..~]

انتي في الفرع التاني يعني..؟؟

اعتقد عندكم كلية العلوم..

شوفي اسألي هنا احسن

http://www.skaau.com/vb/forumdisplay.php?f=94

كنت احسبك في الفرع تبع السليمانيه الاساسي..

اممم ماعرف بصراحه..لو تقدري تحولي من الكليه للجامعه..

اسألي عن التحويل من الكلية للجامعه بصراحه ماعندي فكره..

[DNA..~]

الشيماء لو كان فعلًا كدا طيب هيك حيكون احسن لكم عشان تعرفوا تخصصاتكم من بدري..

انا في وحده قالت لي مواد عامه بعدين تخصص..

لو على طول مره احسن ^_^

بس قبل ما تختاروا لا تنسوا تسألوا عن كل تخصص و تشوفوا ميولكم لأي تخخص بالظبط..

طلوا على قسم كلية العلوم هنا في المنتدى ^_^

خدوا فكره..

[شذاووي]

بنات الي اتقبلووا علووم سواء في الجامعه او الفرع كم موزونتهم ؟

[DNA..~]

بنات دوبي انتبهت لدا الموضوع مره مفيد

http://www.skaau.com/vb/showthread.php?t=224290