ماهو القسم المناسب لتحسين مستوى اداريه في الانتساب ؟

[شروق الحجاز]

ياليت تفيدوني زي مو واضح من العنوان

دبلوميه اداريه ترغب في تحسن مستواها الى البكالريوس

ايش افضل قسم لها في الانتساب

[فاطمة الرشيد]

هلا عزيزتي اتووقع افضل شي ادارة عامه تطوير وتنظيم اداري

[شروق الحجاز]

تسلمين الله يعطيكي الاعافيه

[خطوه ماخطاها بشر]

مثل ماقالت الاخت فاطمه انصحك بهاالتخصص توكلي على الله وبالتوفيق ان شالله

[شروق الحجاز]

مشكورات الله يعافيكم

وهل صحيح الانتساب في هذا التخصص صعب ؟

[خطوه ماخطاها بشر]

لا ابد من قال كذا بالعكس كلن يقوووول سهل بس اكيد لازم تشدين حيلك اللي يبي ينجح لازم يشد حيله مافيه شي صعب كل شي يبي له مذاكره ومراجعه واحنا هنا مع بعض نساعد بعضنا ان شالله بس ع فكره انا اقصد اداره عامه مسار التطوير والتنظيم الاداري هذا كثير يمدحونه وسهل .. بس الله يعينا ع السنه التحضيريه هذي بس اللي يبي لك تطلعين منها وتشدين حيلك وبعدها ان شالله اداره عامه ونرتاح .. بالتوفيق قلبوو

[احسن طالب]

انا من نظرتي بان الجودة هي افضل

وانتي واللى ترتاحين له ادخلي موقع الكليات ودخلي الخطة الدراسية وشوفي المواد وقررى

والله يوفقكــــ

[feras222]

شروق

اذا انتي تعملين في قطاع حكومي
سجلي ادارة عامة وحددي المسار تطوير وتنظيم اداري
انا انتي تعملين في قطاع خاص
(( بشرط انها من القطاعات اللي قراراتها تصدر من مجلس اداره مو قطاع خاص يملكه شخص)),
سجلي ادارة اعمال

اذا سجلتي اداره اعمال

عندك مسارين...
الاول ادارة موارد بشريه
والثاني ادارة جوده

موارد بشريه اذا عملك الحالي في الموارد البشريه او لك ميول تنتقلين هناك
ادارة جوده راح يفيدك في القطاع الخاص لان كل الادارات تبحث عن اختصاصي في الجوده

والله يوفقك ويسهل لك امرك ومهما كانت الظروف لازم تسجلين في الجامعه وتاخذين البكلريوس حتي لو لم يكن هذا الشي بينعكس علي وظيفتك الحاليه.
لانك بقاء الحال من المحال بيجي اليوم اللي بتفكرين تنقلين منها او تتوفر لك فرصه وظيفيه افضل في مكان افضل لو كان معك شهاده

[شروق الحجاز]

الله يعطيكم العافيه فعلاً ردود تشجع كل رد يشجع اكثر من الي قبله تسلمون الله يعافيكم

[شروق الحجاز]

دخلت الخطه الدراسيه وشفت المواد