متخرج من الثانوية (مالي غيركم بعد الله) يا أهل ادارة أعمال ):

[عــذب المشاعــر]

السسلام عليكم ورحمة الله وبركاته

والله يا أخوان اني متوهق,, ومالي غيركم بعد الله

أنا توني متخرج من الثانوية العامة علوم طبيعية

وما اختبرت قدرات ولا اي شي؟؟

وما اعرف اي شي عن الجامعة والله اني متوهق

يعني لازم أختبر القدرات؟ ولا وش يصير؟!!!!!!!!

سمعت اللي ما يختبر القدرات يدخل سنة تحضيري؟! صح ولا لا

ولو دخلت سنة تحضيري؟ يصير يبغالي خمس سنوات على بال ما اتخرج؟؟

والسؤال الاهم

والله مافي براسي أي تخصص؟ كل ما اسأل عن أسهل تخصص؟ أسمع الجواب:أسهل تخصص اللي انت حاب تدخله؟؟!!

المشكلة راسي فاااااااااااااااااااااضي > الله يستر يارب

المهم سمعت بعدين عن ادارة أعمال؟ قمت أحك راسي!!

أبي أسألكم الله يحفظكم والله مالي غيركم بعد الله

كيف القسم هذا ادارة أعمال؟

من نوع المواد؟ وكم سنه أدرسها ؟ وكم يبغالي على بال ما تخرج منها؟

والاهم فيها انجليزي ولا لا ؟ >>>>> والله مافي براسي ولا كلمة انجليزي

تكفووون جاوبوني والله اني متوهق مع الانجليزي

منتظركم

[فيصل الساهري]

بسم الله

حبيبي .. اول شي العن ابليس ولاتخاف من شي

طيب نبدأ من البدايه ..

اولا اختبار القدرات ... على حسب معرفتي ان مايدخل الجامعه الا اللي يختبره
يعني لازم تلقى صرفه وتختبر قدرات

ثانيا .. كل طلاب الجامعه لازم يدرسون تحضيري ... كل الطلاب
علمي والا ادبي .... يعني حتى لو جاء طالب نسبته 98 % علمي وقدراته عاليه ... لازم يدرس سنه تحضيريه
ولا تخاف ... السنه التحضيريه لا تزيد سنه خامسه ولا شي ... تبقى السنين على حسب تخصصك
بالنسبه للأدارة .. تكون اربع سنين ... اذا مشيت كويس وماكان في رسوب


ثالثا .. بالنسبه للأنجليزي ... والله السنه التحضيريه نوعين :
1 - علمي ... هذي الدراسه فيها كلها بالانجليزي .. يعني كيمياء فيزياء احياء و رياضيات كلها بالانجليزي
يعني بالمختصر ابعد عنها ...

2 - اداري وانساني ... دراستها وموادها سهله رياضيات كلام فاضي سهله جدا ... ولكن فيها دراسة مادة انجليزي
وهو سهل .. يعني بس مبادئ في الانجليزي


رابعا .. طبعا اذا دخلت سنه تحضيريه ... ودخلت اداري ... بعد السنه التحضيريه يخيرونك على كم كليه
تختار كلية الاقتصاد والاداره ... تاخذ فيها ترم واحد مواد عامه ... وبعدين تحدد مسار اظن في 6 مسارات
من ظمنها ادارة اعمال ... اذا حددت ادارة اعمال يخيرونك بين 6 او 7 تخصصات .... عاد انت اختار اللي تبغاه


في الاخير بعطيك رأيي انا ...
انا اشوفلك انت .. تدخل ادارة اعمال _ موارد بشريه
هو تقريبا افضل التخصصات ادارة الاعمال وله مستقبل حلو ان شاء الله ... بس ترى يبغالك تشد حيلك شويه ركز على شويه




واتمنى لك التوفيق والسداد

[فيصل.18]

لازم القدرات والتحصيلي !!!

[خالد الفقيه]

اذا ما توفقت في التسجيل كمنتظم ,, لا يفوتك تقديم الانتساب وبعدها ممكن تحول انتظام ,,

والانتساب ما يحتاج لا قدرات ولا تحصيلي ,,

الله يوفقك ,,

[Amooonrere]

انا سمعت انو يبغى يغيرو النظام ويخلو الدراسة انجليزي ... هادا اللي سمعتو من دكاترة
اسأل واتاكد قبل ماتدخل والله يوفقك

[عــذب المشاعــر]

الله يجزاكم خير يارب

فيه الحين اختبار استثنائي لمن لم يلتحق باختبار القدرات بس المشكلة في مدينة الرياض يوم الاثنين الجاي يبدأ الاختبار

وأنا بجدـه,, يعني لو اختبر القدرات بالرياض.. يقبلون عادي .. ولا الاختبار الاستثائي لأبناء مدينة الرياض بس

شفته في موقع القياس!!


لو افترضنا اني اختبرت القدرات بالرياض ورجعت لجدهـ!!

وقدمت على اي جامعة .. أكيد ما راح يقبلوني .. يكون باقي اختبار التحصيلي .. وين اختبرـه !!!!!!!

بالله جاوبوني ): << والله اني حزين

[عــذب المشاعــر]

المشاركة الأصلية كتبت بواسطة خالد الفقيه اذا ما توفقت في التسجيل كمنتظم ,, لا يفوتك تقديم الانتساب وبعدها ممكن تحول انتظام ,, والانتساب ما يحتاج لا قدرات ولا تحصيلي ,, الله يوفقك ,,

,,,,,,,,,,,,,,,,,,,,

الله يسهل دربك يا شيخ,,

يعني الانتساب زي المنازل ,, ما احضر المحاضرات ولا كيف !!

متأكد انهم ما يطلبو قدرات وتحصيلي !!!

وكيف طبيعة الدراسة فيه ..

بالله ردو علي