هرجه التحويل من انتساب للإنتظام ...!!!!

[نوور عيني]

انا طالبه في كليه الآداب علم نفس جبت هادا الترم معدل 4.09 وروحت الجامعه بعد الاختبارت على طول قالولي خلا ص انتهى التحويل وقفلنا ايقونه التحويل من انتساب الى انتظام ..وانا ماكنت ادري اصلن انو عن طريق الاوديس التحويل.. اعطوني ورقه معامله وقالولي عبيها يمكن تمشي هادي المعامله...بلييييز ياجماعه اللي عندو علم بهادا الموضوع او يعرف احد حول انتظام يفيدني لأني مررا قلقانه ودي اخر فرصه ليا..

[rubi]

اهم شي روحي اول يوم فالدوام حق الانتظام للعمادة وقدمي وروحي لاكتر من وحدة

اول مايعرفو معدلك حيقبلوكي باذن الله

التحويل مو بالايقونة دي
هوا انك تروحي الجامعة

وترا التحويل على حد علمي بيسستمر لتالت اسبوع فالدوام


والله يوفقك وعقبالي احول يا رب

وبشرينا لمن تحولي اوك

[نوور عيني]

اممممم ما اعتقد انو حيفضل الين تالت اسبوع لأن المو ظفه اللي قدمت معاملتي عندها قالتلي نتايج القبول حتتطلع في رمضان....بس الله يسمع منك يارب ...

[rubi]

ايش رمضان يا حلوة

يجلسو يقبلو البنات اللي معدلهم عالي الين تالت اسبوع من بداية السنة

مو الصيفي للانتظام

يعني لمن يبدا دوام الانتظام للسنة الجايا ان شاء الله

[الشوق الجارح]

يعني اشلون يصير اروح اقدم السبت ..

الي عندها خبر اكيد

تريحيني الله يريحكم ..

[نوور عيني]

لااااازم تروحي ضرررررررررروري كمان قبل مايقفلو التحويل لأنهم قالو لي انهم قفلو التحويل عن طريق النت وب القوه قبلو المعامله اللي قدمتها ( معامله ورقيه)..وربنا يوفقك>>قوليلي بعدين ايش سار معاكي

[نوور عيني]

روبي ياقلبو معلوماتك اكييييييييييده ....لأنو الموظفه اللي ب الجامعه قالتلي النتايج تبع القبوول تصدر في رمضان كدا قالت..

[نوور عيني]

الشوق الجـــــــــــــــــــارح>>انتي كم معدلك...........؟.

[للذكرى معنى]

انا يوم الاربعاء رحت وقالت انو النتايج تطلع برمضان قلت لها ما اقدر اعبي استماره قالت قدمتي بالاوديس قلت لها ايوا قالت خلااص استني النتايج برمضان

[نوور عيني]

يب نفس الكــــــــــلام اللي قالتلي هوا الموظفه...........بس شكلو كدا جالسين يصرفونــاا