طلعت نتائج مادة تنمية موارد بشرية لكنها ؟؟؟

[sultan93333]

ابشركم طلعت نتائج مادة تنمية موارد بشرية لكنها غررررررررريبه

درجات على الحافه وانا متأكد اني حليت مثل حل ابوماجد

وش العلم ؟؟؟؟

[أبو نجلاء]

وانا بعد درجتي على الحفة مع اني ثاني مرة اختبرها لكن الحمدلله على فرقاها هم وزاح ..........

[sultan93333]

مبروك يا ابو نجلاء لكن اللي مستغربه واللي ودي اعرفه هل حل ابو ماجد اللي نزله في الموقع صحيح

اذا صحيح فأنا متأكد اني نسخته بالتمام ؟

غريبه

[طالب بكلوريوس]

نفس حل ابو ماجد
لكن درجه على الحفه الله يكفينا شرها

تحياتي

[۩ MąM ۩]

تصدقو حتى انا رغم إني فاتتني اسئلة ابو ماجد ..

بس احسن اختبار اختبرو وكنت متوقع درجه طيبه ..

لكن تفاجأت صراحه بـ 60 !!

بس 60 احسن من f ..

على قوول ابو نجلا هم وانزااح

[sultan93333]

ما اقول غير بيض الله وجه ابو ماجد وماقصر

واهم شي النجاح ؟ وانا احساسي انه رصدت الدرجات حسب مزاج الدكتور (عطاني 66)

لكن عدينا ذا المادة وهذا الأهم

[فينيسيا]

شرحكم سرااااا (عالحفففه)
بس الحمد لله اني عديت هالماده الغثيييييييييييييييثه

[عطــر المحبــة]

من أفضل المواد الي اختبرتها والاسئله جتني قبل الاختبار وحلي ممتاز وبالاخير 60

حسبي الله عليك يادكتور اذا كنت تصحح بمزاجك مو بالعدل


ووين حقوق الطالب الي يقولون عنها وليه نسكت عنهم لازم نقدم اعتراض

نفس المحاسبه الترم الي فات قدمنا اعتراض وتم تعديل درجات اغلب الطلاب سواءً معترض أم لا طلع في لعب بالنتايج وتصحيح بالمزاج

[انســـــان]

انا والله لا عن طريق ماجد ولا غيره



ملخص الكتاب كامل ومذاكر



من الجلده للجلده



وهي ثلاث اسئلة الي ما عرفت احلها والباقيه ميه بالميه




وفي الاخير 61 درجه ليه هو يوزع علينا صدقات ولا كيف



انا من بكره وانا مسنتر عندهم اراجعهم ليه يتصدقون علينا



كل مره احاول اجيب طريقه جديده في المذاكره وكل ماده 60 وش ذا


ما ادري وش اسميها



لكن والله ما اخليها



لو توصل لديوان المظالم او لاي جهة تعليميه مختصه

[انســـــان]

المشاركة الأصلية كتبت بواسطة عطــر المحبــة من أفضل المواد الي اختبرتها والاسئله جتني قبل الاختبار وحلي ممتاز وبالاخير 60 حسبي الله عليك يادكتور اذا كنت تصحح بمزاجك مو بالعدل ووين حقوق الطالب الي يقولون عنها وليه نسكت عنهم لازم نقدم اعتراض نفس المحاسبه الترم الي فات قدمنا اعتراض وتم تعديل درجات اغلب الطلاب سواءً معترض أم لا طلع في لعب بالنتايج وتصحيح بالمزاج

شلون طريقة الاعتراض وعند مين



انا ما راح اقنع الا اشوف ورقة اجابتي لاني متاكد من حلي ميه بالميه