المسار العلمي والإداري ؟؟؟

[phantom lord]

سلام عليكم ... كيف حالكم إن شاء الله بخير

المهم حبايبي انا طالب ثالث ثانوي وإن شاء الله بعد ما اخلص ابا ادخل إدارة واقتصاد ... سمعت انو

الإدارة حتسير في المسار العلمي السنة الجية ... هل هادا الكلام اكيد يجماعة

يعني هل يعقل اني ابا اتخصص إدارة مالية وادرس كيميا وفيزيا


والله شي ما يدخل المخ ..... بالله احد يفسرلي الوضع


وانا بكتب الموضوع دا بكرة عليا إختبار أحياء ... بالله أحد يقلي

[مـــآجد]

احنا مسار علمي وفتحوا لنا كلية اداره واقتصاد
بس مو كل التخصصات اللي في الكلية يعني تخصصات محدودة

اما الاداري على ماضن ان كل التخصصات مفتووحة لهم

[موفقة يارب]

وعليكم السلام ورحمة الله وبركاته :)
شوف انا اللي عرفتو انو قسم ادارة الاعمال من السنة الجاية ان شا الله ح يصير تابع للمسار العلمي و ممكن المسار الاداري يدخلوه بس بشروط اعتقد من دي الشروط انو تدرس بعدين مادة علمية زي الكيميا او الفيزيا وشي زي كد يعني و ان شا الله كمان يفيدوك الاعضاء والعضوات الباقين وبس :)
:)
بالتوفيييييييق ان شا الله لنا كوووووولنا :)

[phantom lord]

اشوفها انها حركة مهي موفقة منهم .... لكن إن شاء الله ما يسير دا النظام

[Mr.apple]

احنا مسار علمي وفتحوا لنا كلية اداره واقتصاد بس مو كل التخصصات اللي في الكلية يعني تخصصات محدودة اما الاداري على ماضن ان كل التخصصات مفتووحة لهم

هوا داا :)

[M!sS chocolate]

ماأظن حيخلوها للعلمي
باللهي اش بقى للإداري
هو اللي عندهم كم كليه معدوده
اللغات الأوروبيه
والإداره والإقتصاد وأقسام محدده منها مو كلها
وعلم الإجتماع وحاجات زي كدا
بس كلها مالها مستقبل
اللي فيه مستقبل حلو لهم الإداره والإقتصاد واللغات الأوروبيه
فماظنتي يخلونها للعلمي الإداره والإقتصاد

ونصيحه مني لاتجلس تسأل كل واحد بيعطيك وخذ وأعطي في الكلام
ومارح توصل للجواب عندك إيميل عبدالفتاح مشاط
asmashat@kau.edu.sa
أرسل له رساله وأسأل فيها سؤالك اما انك تجلس تسأل الأعضاء كل واحد بيعطيك
اللي سمعه ومارح توصل للجواب الأكيد ..

[phantom lord]

^^^^^^^^^^^^^

جزاكي الله خير اختي .... الله لا يحرمنا منكم مشكورين وجاري التواصل

[M!sS chocolate]

^^^^^^^
العفو..وترا على فكره لاتنتظر من الإجابه لانه يتأخر في الرد
من حقه عميد التسجيل والقبول في الجامعه يعني بزنز مان .^_^

إنت الآن سيبك من الموضوع هذا شد حيلك في دروسك
وبعد كدا صدقني لمن بتدخل الجامعه حتغير رايك لأنك حتتعرف
على أشياء جديده ويمكن تحب قسم جديد وتغير رأيك
فدحين حط في راسك المجموع عشان يمديك تدخل الجامعه
وبعدها حتدرس سنه كاااااااااااامله تحضيريه وبعدها حتحدد تخصصك

[phantom lord]

إن شاء الله خلاص دحين ببدأ في الأحياء الين بكرة ومشكورين والله ما قصرتو

[ملاك الجامعية]

^^^
الله يوفقك يارب

بس قرارات الجامعه غير مدروسة يعني في يوم تسجيلي اعطوني ورقه فيها تخصصات المسار العلمي والادراي

والاداري كان لهم الادارة والاقتصاد

وفجأة في اسبوع التسكين حطووه للعلمي والاداري سمحو لهم بثلاث تخصصات واذا يبغو يدرسوا غيرها لازم ياخذوا مادتين علمية

قرارات غريبة وتصدر من يوم وليلة

فالله يعينكم