لاحول ولا قوة إلا بالله ... للمرة الثانية على التوالي f في مبادئ الأقتصاد الجزئي

[ماجد الحسني]

أخواني و أخواتي الكرام

السلام عليكم و رحمة الله

والحل مع هذه المادة ؟؟

وربي سببت لي عقدة من الجامعة

خلاص أنا قررت ما أحضر أختبار مبادئ العلوم السياسية يوم الخميس و الترم الجاي أحول لكلية الأداب على الأقل أبتعد عن هذا الكابوس مبادئ الأقتصاد الجزئي

و الله يا أخوان أحس إني حليت زين في هذه المادة

لكن الحمد لله الذي لا يحمد على مكروه سواه

وش رأيكم أحول آداب ؟؟؟ و الله محتار ما أدري أيش اسوي

ولا لي نفس أذاكر أي شيئ

حسبي الله ونعم الوكيل

[سمو الاميره]

الله يهديك اخوي..
تفاؤلو بالخير تجدوهـ..
لاتحكم على المواد من مادة وحده..
واذا متاكد من حلك راجع الاستاذ تبع المادة..
لكل شي حل لكن خلك هادي ولا تنفعل ..
واذا شايف حلك تغير تخصصك الله يوفقك..

[abdulr7man]

ياعزيزي
والله حرام تروح كلية الاداب ، بالنسبة للماده بصراحة الماده حلوة بس يبغاله مدرس تجيبه قبل شهر من الاختبارات
مو تجيب مدرس قبل الاختبار بكم يووم .
لا تحول ولا شي وكل اختباراتك وان شاء الله راح تعديها الترم الجاي بس عليك بنصيحتي
انا حملت العربي مرتين لدرجة اني قررت اني افصل لكن اصراري واعتمادي على الله عديت الماده ولله الحمد

شد حيلك ببقية المواد ولا تجعل هذا الماده تكون سبب في تخبطك في بقية المواد .
الله يعينك على باقي المواد وبالتوفيق ان شاء الله

[..آحہ ـََـلآ بنوتـِِهـ}..]

لاااااتحووول ادااااب كمل هذا مو سبب يخليك تغير وبالنسبه للماده لاتاخذها الترم الجاي
انا عني حملتها السنه اللي راحت وللحين ما اخذتها ولا تخلي هذا الشي ياثر عليك ويخليك ماتحضر باقي اختباراتك
شد حيلك والله يوفقك خيووو

[امل عطشان]

فيه حل حلو وبترتاح معه
احذف الماده الين اخر ترم وربك يحلها

[۩ MąM ۩]

اخووي انتبه تتسرع في قرارك ..

صدقني حتندم ..

خذ نصيحتي لا تاخذ المااده إلآ بعدين ..

لأنها متطلب قسم مو تخصص ..

يعني ماحتأثر عليك ومالها متطلبات بعدها ..!

اخوي انا عندي عقده إسمها تحليل كمي ..

اخذت هاللماده وانا انتظام .. الترم الاول رسبت فيها !!

واخذتها الترم الثاني وبرضوا رسبت فيها

وبعدها لظروف اضطريت احول انتساب .. واخذتها وبرضوا رسبت !

وبعدها انحذفت الماده ونزلو بدالها رياضيات ..

وإلى يومك هذا مانزلت المااده وطنشتها .. وقلت اخذها بعدين ..

لآنك لو اخذتها بعدين حيكون عندك عدد ساعات كبير .. وهذا الشي يزيد اصرارك على انك تنجح في الماده

لآنك تبغى التخررج ..!

صدقني لا تستعجل بقراارك .. انا لو احكيك معاناتي مع المواد حتحمد ربك !!

العربي المستوى الاول درستو ثلاثه مرات والمرره الثالثه نجحت !!

العلوم السياسيه درستها مرتين والمره الثانيه نجحت !

الانجليزي المستوى آلآول درستها مرتين والمره الثانيه نجحت !!

والقانون هذا الترم ثاني مره ادرسها ومدري اعدي فيها ولا لا .. بس متأملين خيرر ..

لذلك خلك على ما انت عليه وكمل .. واستهدى بالله

هذا قرار غير صائب .. واحظر اختبار السياسيه وان شالله تنجح فيها .. وحتنسى الاقتصاد الجزئي

آسف على الاطاااله ..

[الجامح2000]

خذها مرة ثالثة وأكيد بتكون ثابتة-ان شاء الله-

[Monster]

الله يكون في عونك
توكل على الله ومثل ماقالوا لك الشباب خذ لك مدرس
قبل الاختبارات بوقت كافي وان شاء الله تعديها ولكن اذا انت فعلاً متأكد من حلك
فما المانع من مراجعة تصحيح الورقه لعل وعسى ان يكون هناك خطاء في التصحيح او الرصد
راجعهم وانا اخوك وشد حيلك في بقية المواد والله يفرج همك وهم كل مسلم

[حمودين]

السلام عليكم ياأخوان
انا بالنسبة لي حملتها مرتين والمرة الثالثة جبت مدرس ومثل مقالوا الاخوان قبل الاختبار بشهرين ومع الاصرار نجحت وكانت الثالثة ثابتة لاتحول نصيحة اخو لاخوة وبالتوفيق للجميع..

[doody]

ابد وانا اخوك عندي شرح مدرس وافي وممتاز اذا بغيته ابشر بأذن الي ماتنام عينه اذا ذاكرته مضبوط راح تعدي وبمتياز
واذا كانه على حمل الماده للمره الثانيه طبيعي انا حملت الانجليزي 3 مرات والحمد الله اني عديته وانشأ الله انك قدها وتوكل على الله والله مارح يخيب عبده