اللي فيكم اختار إدارة اعمال ومحتار يدخل نناقش الوضع مع بعض

[حد الأمل]

أهلا ..

الآن بعد ماسمعنا التغييرات " المرعبة " في تخصص إدارة أعمال واخترنا الكلية في الخيار الأول ايش العمل الآن ؟؟؟ هل ستنظر الجامعة في خطابنا في فتح التخصصات ؟؟؟ أم سترمينا في رابغ غير مبالية ؟؟

وبما أن الوقت ضيق وأنا بيني وبينكم افكر اذا الاختبارات بتكون في رابغ بشوف لي تخصص ثاني قبل ما نتوهق .. وماحنا عارفين ايش هو التخصص المناسب الافضل عوضا عن ادارة الاعمال

ياليت اللي اختاروا ادارة اعمال وبدأت تساورهم الشكوك ان يكتبون افكارهم هنا حتى نستفيد من بعض

ايش رايكم في إنجليزي أو علاقات عامة " اذا موجود "؟؟

ادلوووووو بدلوكم

[جراح ؟؟؟؟]

والله يا خوي اذا انت طموحك اداره اعمال انا انصحك خلك عليها وربي يعينك ويعينا معاك نروح لرابغ وترى حنا ياللي برا جده صدقني رحت جده او رحت رابغ ماتفرق البهذله فيك فيك وربي يعين ... اما التخصص انا اقول موارد بشريه حلو جدا صحيح نبي اعمال دوليه وغيره لكن الشكوى لله .... واذا مصر على جده اختار اعلام يمي يمي يجنن ههههههههههه وخل عنك علاقات عامه لانه مافيه خخخخ

[حد الأمل]

هلا اخوي جراح

كلامك صحيح لكن ايش الحل اذا ادارة الاعمال من رابغ وبتخصصات محدودة وزد عليها المرممطة

صراحة شيء غريب

الاعلام ممتاز وعلى قولك يمي يمي بس يختلف الميول من شخص للآخر " انا لاارغبه"

بينما الرغبة الاولى بالنسبة لدي انجليزي بس حبيت اشوف الاخوان والاخوات ايش افكارهم ونتناقش لاني ماشفت نقاشات على الموضوع هذا وكأننا ضامنين ان الاختبارات في جدة ، او حتى موارد بشرية بتكون فيه

[جراح ؟؟؟؟]

انت سألت (( ايش هو التخصص المناسب الافضل عوضا عن ادارة الاعمال )) وانا جاوبت بناءً عليه :) .... أما اذا حسب رغبتك انت وانت تحب الانجليزي اكيد وطبعا تخصص بالانجليزي وراح تتوفق فيه ان شاء الله ... اما بالنسبه لضامنين ... صدقني لا ولكن كل شخص اتبع ميوله ورغبته وانا مثلا مستحيل رابغ تحرمني عن ادارة اعمال حتى لو بتخصص موارد بشريه اللي بنظري اشوف انه افضل مساار بعد ادارة دوليه .....

[برونز]

أنا مدري ماني عارفة أفكر مصدوووومـة
رغبتي ادارة أعمال ولو ماتوفرت بجدة الله يعين بصراحة الى الحين ماحطيت ببالي شي .
لو فيه اعلام للطالبات كان ممكن اختاره بس مافييييش ..والانجليزي حلو بس درجتي فيه مو على حسب شروطهم ولا حلو وسهل ..

كمان حطوا في بالكم انو ممكن يكون تخرجنا من جامعة رااابغ اللي أسسها الامير خالد الفيصل قبل فترة في رابغ .. ونقل ادارة اعمال هنااك تمهييد للشيء هذا ..

[noawf_sa]

أنا والله بصراحه كنت ناوي على ادارة العمليات لكن للأسف وحتار الحين لكن يمكن موارد بشريه او اداره عامه _عام

[كارزيما]

بالنسبة لي رغبتي الاولى ادارة اعمال - موارد بشرية

وماعندي مشكلة لو حطوها في رابغ

بس بالنسبة لك انت حاب الانجليزي بس يبي لك تنتبه لنقطة مهمة الانجليزي اللي درسته في السنة التحضيرية يختلف اختلاف كلي عن الانجليزي اللي راح تدرسه في التخصص

يعني لازم تكون لغتك قوية وتكون انسان مثابر ومكافح علشان تعديه بإذن الله

والله يوفقك

[k@stc]

انا كنت ناوي اداراة اعمال (تسويق) لكن غيرت رايي لان اداراة الاعمال راح ينقلونهم تعليم عن بعد وانا بصراحه لاني متزوج وموظف ولاعندي وقت واجبات وحضور محاضرات واقناع الدكاتره بعدم حضور المحاضرات ولا بالعكس التعليم عن بعد ممتاز ويتخرج الطالب ومعلوماته مره كثيره بس يناسب الي عنده وقت يحضر المحاضرات من ٤.٣٠ الى ٨.٣٠ يومين في الاسبوع

وراح اتخصص ادارة عامة ومغصوب عليها لان طموحي تسويق

[حد الأمل]

شكرا للجميع ونتمنى مشاركة اكثر

في نقطة ان ادارة الاعمال سوف تكون بنظام التعليم عن بعد هل هذا الكلام أكيد ؟؟؟

وليش طيب ادارة الاعمال فقط بتكون بنظام تعليم عن بعد ؟؟؟ واحنا مسجلين في الجامعة انتساب ؟؟

والله حيرتنا هالجامعة !!

[ملك ستايل]

ياطلاب وياطالبات احنا لنا اسبوع جالسين نتكلم وناكل في نفسنا على الموضوع هذا اصلا معترضين على قرارتهم المفاجئه لنا ليه السلبيه الي فيكم خلونا صوت واحد ومانسكت على الي صار هذا الرابط ياشباب ويابنات خلونا كلنا نكون صوت واحد ونطالبهم تطبيق قرارتهم على دفعات الى بعدنا مو علينا احنا واحنا نكون مثل الدفعه 9 لاننا سجلنا على اساس هذة الشروط واصلا من حقنا رفع شكون لديوان المظالم نطالب فيها بحقوقنا فليه الحزن وليه السلبيه خلونا نكاتف ونوريهم اننا مراح نسكت صدقوني اذا شافونا قوة مراح يقدرو علينا

http://www.skaau.com/vb/showthread.php?t=209113

خلو التخصصات ترجع الى سجلنا وخسرنا علشانها وتكون اختباراتنا في مناطقنا الى اختبارنا فيها سنه تحضيريه
طالبوووووووو ولاتوقفوو ]