فكرة ورأي حول الماستر واستفسار

[رامية]

السلام عليكم ورحمة الله وبركاته
كيفكم
ضروري للي عندهم خبرة من طلاب الماستر ومن أساتذة في الجامعة ومن موظفين
بإذن الله أنا عندي مواد تكميلية وعرفت إنها ( 8 ) مواد خلال سنة طيب هل بإمكاني
دراست ( 6 ) مواد في الترم الأول ومادتين في الترم التاني بحيث إني الترم التاني أبدأ في الماستر
الأساسي لتخصصي وبكدى أقلل من سوات الدراسة
أتمنى فهمتوا قصدي وإش رأيكم وشوركم عليه
الله يسعدكم ضروري

[maath1]

اللي اعرفه يااخت رامية انو مايمديكي لأنو انا مثلك ادارة عامة قالوا لازم تخلصيها وبعدين تبدأين في الماستر
وابغى اسئلك اذا عندك خلفية عن الكتاب اللي ندرسه في الدورة البديلة للإنجلش

[شواطئ البحر]

لا يسمح النظام بدراسة مواد ماستر ألا بعد الأنتهاء من مواد التكميلي
ويوجد طالبات عندهم مادة تكميلي وحدة ورفضو ينزلوا مواد ماستر
والسبب :
المواد التكميلية لازم معدلك التراكمي لا يقل عن 3.75 وأي طالب/هـ ينهي المواد التكميلية باقل من 3.75 يفصل

وأيضاً درجة النجاح من 70 بخلاف البكالوريوس درجة النجاح من 60 في الجامعة

[رامية]

المشاركة الأصلية كتبت بواسطة maath1 اللي اعرفه يااخت رامية انو مايمديكي لأنو انا مثلك ادارة عامة قالوا لازم تخلصيها وبعدين تبدأين في الماستر وابغى اسئلك اذا عندك خلفية عن الكتاب اللي ندرسه في الدورة البديلة للإنجلش

جزاك الله خير بس والله أنا لسى ما سجلت في الدورة عشان أعرف الكتاب وما أعرف أحد سجل فيها
وبصراحة شايله هم نفسي اسجل وأبدأ الدراسة زي الناس مع بداية السنة
لكن ما أحد رد عليه إذا كنت أقدر اسجل وبعدين ادفع الفلوس
طيب فيه رقم اتصل فيه

[رامية]

المشاركة الأصلية كتبت بواسطة شواطئ البحر لا يسمح النظام بدراسة مواد ماستر ألا بعد الأنتهاء من مواد التكميلي ويوجد طالبات عندهم مادة تكميلي وحدة ورفضو ينزلوا مواد ماستر والسبب : المواد التكميلية لازم معدلك التراكمي لا يقل عن 3.75 وأي طالب/هـ ينهي المواد التكميلية باقل من 3.75 يفصل وأيضاً درجة النجاح من 70 بخلاف البكالوريوس درجة النجاح من 60 في الجامعة

جزاك الله خير يا شواطي لكن كيف عرفتي هذا الكلام لأني سمعت إنه ممكن بشرط أكتب تعهد
أو إفادة من نفس الكلية يعني حاجة زي كدى

[شواطئ البحر]

المشاركة الأصلية كتبت بواسطة رامية جزاك الله خير يا شواطي لكن كيف عرفتي هذا الكلام لأني سمعت إنه ممكن بشرط أكتب تعهد أو إفادة من نفس الكلية يعني حاجة زي كدى

المشاركة الأصلية كتبت بواسطة شواطئ البحر لا يسمح النظام بدراسة مواد ماستر ألا بعد الأنتهاء من مواد التكميلي ويوجد طالبات عندهم مادة تكميلي وحدة ورفضو ينزلوا مواد ماستر هذي صحبتي اجتازت شرط اللغة وعنده تكميلي وحدة ولما قدمت ورقة أضافة مواد ماستر رفضوا والسبب : المواد التكميلية لازم معدلك التراكمي لا يقل عن 3.75 وأي طالب/هـ ينهي المواد التكميلية باقل من 3.75 يفصل وكمان هنا أعرفة شخصية البت أللي حصلها جابت معدل أقل من 3.75 وتم فصله مع أن قدمت أعادة قيد بس برضوه رفض القسم

التعهد أللي تكتبيه حق شرط اللغة الأنجليزية

تقدر تنزلي 6 مواد ولكن يعتمد على عدم تعارض المواعيد <<<< حسب دراستي في الجامعة أبصم بالعشرة بيكون في تداخل بمواعيد

الأفضل وانصحك تنزلي كل ترم 4 مواد

الشي التاني معدلك حق التكميلي ما يدخل في معدل الماااااااستر <<< لما تبدي تدرسي ماستر يحسبلك معدل جديد

ومرررررررره صعب تضغطي نفسك ترم واحد ب 6 مواد عشان المعدل ما ينزل

لا تنسي مقبوله قبول مشروط ( تكميلي) وتكميلي مشروط بمعدل ما ينزل عن 3.75

[عماد الحسن]

لاحول ولا قوة إلا بالله ... هذي الأخبار طيبة وتخوف في نفس الوقت

وربنا يعينكم ويعيننا على المواد التكميلية وتجاوزها بدرجة ممتاز!

[رامية]

أمممممممممم
الله يعين الله يجزاكم خير أنا كنت أبغى بصيص أمل
صح المواد التكميلية خطيرة ولازم نجتازها الله يعين
لكن ما أحد ردلي على دورة اللغة كيف وضعها معاية اسجل دحين ودفع الفلوس بعدين أو فيه مجال الترم التاني
ضروري الرجوكم اسعفوني لو برقم

[شواطئ البحر]

دورة تسجلليه دحين وتحجزي مواعيد
الحجز في مبنى الجوهر
وتدفعي الرسوم للبنك سامبا بجامعة
وتدرسية الدورة مع مواد تكميلي <<< قللي مواد تكميلي وخاصة عندك دورة
عشان المعدل

[رامية]

يا حياتي يا شواطي والله فاهمة هذي الهرجة
بس الي أبغى اعرفة مداني احجز دحين وادفع الفلوس بعدين