(مهم) خطأ في تصحيح اختبار الاستثمار في يوم الثلاثاء 3\7 مع د.سحر مهران نموذج (ب)

[so0osi]

السلام عليكم جميعاً

بنات اي وحده اختبرت يوم الثلاثاء 3\7 استثمار مع د.سحر مهران ونموذجها كان (ب) ترا في غلط في التصحيح

انا امس لمن شفت درجتي انصدمت وكل البنات مثلي كانت درجاتهم مخسوفه مره

رحنالها اليوم وقعدنالها الى ماخلتنا نشوف الاوراق ونراجع الاجابات

تخيلو يابنات انو عندها 4 اخطاء في التصحيح
في فقره 17و18 و22و24 على مااذكر

وكانت وحده في العائد المتوقع للاستثمار ب كلنا طلعلناها ج)11 بس هيا لخبطت وخلت الاجابه أ)20

وكمان الفقره اللي قعدت تزعجنا في الاختبار صلحو ترتيب فقراتها وانتبهوا ونحنا اعدنا ترتيبها برضو هيا لمن صححت ماغيرتها وما رتبتها فبالتالي طلعت اجابتنا غلط مع ان الرقم صح

وفقرتين كانت في مسألة ترينور وشارب نحنا طلعلنا قيمة مؤشر ترينور 6.5 وهيا حاطه
لاشيء من ماسبق وعلى اساسها طلعت فقرة النظري اللي بعدها خطأ كمان.

المهم يابنات اللي شافت درجتها وحاسه انها انظلمت وكان نموذجها ب ترا الغلط في التصحيح 4 أغلاط مو وحده!!!!

والمشكله انها قالت وبكل برود مااتوقع انهم حيوافقو اني اعيد التصحيح وقالت كلها كم درجه مافيش مشاكل ياجماعه 4 درجات ترفع معدل!!!!!
حتى درجات المشاركه يابنات مافي احد اخذ 10 الا وحده كل البنات 8 و7 و9

عشان كذا نحنا قررنا نكلم د.اقبال الصالح على مشكله اعادة التصحيح عشان تتفاهم مع الاستاذه

اي وحده تحس انو انظلمت في التصحيح ونموذجها ب تروح لـ د.أقبال في اقرب وقت عشان اذا شافو انو في بنات كثير نفس المشكله يمكن نقدر ناخذ حقنا
وبالنسبة لنموذج أ انا ماعندي فكره اذا كان في شي في التصحيح انا كان نموذجي ب

وشكرا
وياليت يابنات اننا مانسكت ع هالمشكله لانو لخبطت الاسئله والارقام بهالماده ماكانت بس في الدوري كمان في النهائي!!!!

[غـنـى]

حسبي الله

حتى انا خاسفتني في النهائي بسبب النموذج الالي حقها غلط

واليوم كمان انا كلمتها و اتوقع انها ما راح تعدل شي <<< مع انها تقدر ما لها دخل الادارة زي ما تقول

بس من بكرة ان شاء الله عند اقبال الصالح والله ما حسكت لها

<< وهذا يفسر يا بنات ليه دائما الدرجات عندها تحت الترم الماضي الي اخدوا مالية

تراها دائما تلخبط <<<< ما عندها امانة وين عيونها ؟؟؟؟


شكرا لكي سوسو ع التنبيه

الله يكون معانا بس ونآخد حقنا يا ررررررب

[Llll5Liiio]

ههههههههههههههههههههههه

اصلا من المفروض التصحيح الآلي يكون مافيه اخطأ

وهم عشانهم من العصر الحجري

مايعرفون يتعاملون معاه

المفروض تكون هناك لجنة في وضع الاسئلة والاجابات قبل الاختبار ويكون النموذج موجود في اللجنة العامة لترصيد الدرجات

ويكون التصحيح عن طريق اللجنة فقط بالنظر الى الاجابة الصحيحة حسب النموذج الاجابة حق الدكتور


والله مشكلة في جامعة زي كذا حقوق وتعب وجهد وخسارة
وفي النهاية درجات تسد النفس


ويوم يجي الواحد يراجع درجتك صحيحة مافيها شيء

لو عندك اعتراض روح اشتكي العميد !!!!!!!!!!!!!!!!


الله يكون في العون

هذا الترم أنواع التخبيص

[احب الدراسة]

شكررررا

[غـنـى]

up

up

up

[غـنـى]

فجأة

؟؟؟؟؟؟؟؟؟؟؟؟؟؟؟

[جرووح الحب]

يابنات انا معا سحر مهران شعبة bb
انتو كم شعبتكم لان لسه انا ماختبرت
وخايفه ليكون طافني

[LAYAN89]

شعبة نسمة وشعبة سحر مهران الثانية متى الاختبار؟؟؟؟؟؟؟؟

[غـنـى]

امس الاحد كان اختبار الاستثمار

الشعبة التانية - انتظام

[دنيا جديده]

حتى مادة مالية شركات اغلب البنات f

والله مافي امانه
يبغو يلحقو يسافر

واحنا نعمر بالجامعه عشان ماده ومادتين

المفروض نشتكي عن الادارة

لأنه حرام دكتوره تضيع مستقبل بنات بسبب اهمالها