مراجعة درجات الاحصاء..بنات الجامعة

[Dina-s-b]

ماعجبتني درجتي صراحة..:( لا ويقولو كمان معطينا بونس
على كدا انا غلطت 13 درجة ؟؟؟ مررة ما اتوقع صراحة لانو حليت كويس
ابغى اراجع عموما ومستحية اروح لحالي فلو في بنت ولا اكتر يعني يحبو يروحو يراجعو حددو الموعد والمكان ونتقابل مع بعض ونروح مجموعة كدا نساند بعضنا لو وحدة مثلا قالولها هادي درجتك الاصلية نواسيها ولا لو وحدة عدلولها نفرحلها << شوتوها بالله
المهم اللي حابة تروح يعني نتفق على موعد ونروح سوا
استناكم :)

[Dina-s-b]

:( اهيئ ..؟؟

[اميييييييرة]

حتى اناااااااا الحال من بعضه مررررررررررة ماعجبتني الحمدللهومااتوقع حسبولي بووونس بس انا في الفرع وفكرت اراجع&&بس مااتوقع يعملولنا شئ

[الحياه نايس]

ياقلبي كمان في بونس والله ما اتوقع
طيب انا كدا غلطانه 15 سؤال وانا مومتوقعه انو غلطت اكتر من 8 اسأله اقل حاجه يعني
طيب بالله كم البونس؟؟
وكمان ابى اسأل فين نروح نراجعهم بالظبط ؟؟؟

[hanofa]

خذوها مني ماراح يعطونكم وجه

تحياتي

[Dina-s-b]

ليه ما تتوقعو يعملو شي..؟؟
انا الترم الاول اعطوني فالاودس انو اخدت فالانجليزي 70..
رحت راجعت طلعت درجتي 95..
لو غلطانين يعملو اكيد مو معقول يظلمونا..:)

امممم طيب اسمعو تقدرو بكرا تجو..؟؟ انا ممكن اروح هناك على الساعة 12 بسبب المواصلات الجميلة :)
تبغو يوم تاني اتفقو بس اهم شي نروح :(
وفين نروح نراجع عادي عند استازاتنا..!!!
نتقابل فالجامعة ونروح مع بعض عن استازة كل وحدة فينا :)
اممم البونس يقولو انو تضربي في ,06
يعني انا لمن جلست اضرب فدا الرقم طلع انو درجتي الاصلية 76..وهما اعطوني 5 درجات وصارت 81 :( مع نفسسسسسسسسسهم

عموما بنات بليز لو تبغو بكرا ردو عليا بسرعه :( عشان نروح ونجهز نفسنا :(

[شمس الربيع]

انا متاكدن مليون بالمية في بونس
بس ماعرف كم
لان في الدوري الاول ناقصة 3 والنهائي واحد
يعني المفروض تكون درجتي 96
لكن اخذت احسن من كدة بكثييييييييييييييييييييييييييييييييييييييييييييييي يير

[{ ڵــڛــ؏ــۃ ڜڨ ــآۅﮧ...!]

احمدووا ربكم
احسن من غيركم حاملين الماده
الله يسهلها على الجميع

[soha zarie]

me 2 mne Ra'9ya 3n DrJte ... a9ln mn aldawRee alTani we ana mne Ra'9ya

So !! aza konT a8daR araj3 aldawre altani w8tha r7 araJ3 alnha2e

[Dina-s-b]

سهى طيب تجي بكرا..؟؟
ترى انا دينا اللي عندك فالفيس بوك :p
اللي جلست سنة اسالك مين انتي مين انتي :p
المهم لو عادي تجي بكرا انا احتمال اروح على الـ12 يصير تعالي نروح سوا :(
لو اوكي قوليلي هنا يصير ارسلك رقمي على الفيس ولا انتي ارسليلي رقمك على الفيس بوك :) احس اضمن من هنا..
ونروح سوا :)
انا ترى عند اماني الغامدي..:)