ببدا مشوارى...ممكن تقولون لي اش احتاج

[حلم وطموح]

السلام عليكم...
باذن الله قررت اكمل دراستي ...انا موظفة معلمة ...
المهم اني عندي درجة الكفايات 76 اخذتها شهر 4_1431 وبامتحن القدرات بشهر 7 باذن الله وكذه ارتاح من هالامرين واضمنهم....
وقدمت عالماستر العام وما قبلت
فقلت ابغى اقدم عالخاص ايضا بس الشروط ما استوفيتها واهمها التربوي لاني بكاليريوس غير تربوي
فقلت خليها عالسنة القادمة باذن الله
انا بالطائف وبالجامعة في شهر 8 بيبدا التسجيل عالتربوي ومدته سنه
فلو كان التقديم عالماستر السنة القادمة مثل هالوقت بكون لسه بقي لي شهرين او ثلاثة عالتربوي...هل اقدر اقدم؟؟؟واقول ان بخلص نهاية السنة؟؟؟بدرس مسائي وانا موظفة على كذه بتعب بقوة..فلازم اعرف كيف بيكون وضعي...
قولوا لي اش احتاج وهل خطتي صحيحة؟؟؟عندكم اي اقتراح؟؟
مشكوريييييين

[dream2008]

للرفع
اتمنى اصحاب الخبره يفيدوك
وأسئل المولى لك ولجميع المسلمين التوفيق والسداد

[moooj]

الخطة تمام ..........

لا تنس شهادة اللغة الانجليزية .

وإذا هناك اختبار قدرات وكفايات آخر جربي تدخلي مرة ثانية

عسى تحصلي على درجة أعلى حتى تتحسن فرص قبولك

سيأخذون تعهد منك بخصوص الدبلوم التربوي

وفقك الله تعالى

[حلم وطموح]

شكرا moojعلى اقتراحك بحاول ان شاء الله كمان ادخل كفايات مرة ثانية...
اذا في اضافات افيدوني

[وجه السعد 2]

تحية لزميلة المهنة وأهنئك على طموحك وعلى بركة الله توكلي ونصيحة مع الدبلوم وان كان في ضغط عليك شوي حاولي تاخذي دورات( وبالله توصي بإدارة تعليم الطائف جلست عندهم 5 سنين ولا اعطوني ولا دورة )
وعلى فكرة ترى ان شاء الله بتنعشك الدراسة

[Brainiac]

حلم وطموح... اولاً اتمنى لك التوفيق في مسيرتك العلمية والعملية

درجة الكفايات مناسبة وهي تناسب شرط اللغة....يعني مافي داعي تختبرين كفايات مرة ثانية

اختبار القدرات مهم جداً جداً... لانه اهم من الخبرة واهم من معدل البكالوريوس عند احتساب النسبة الموزونة ( اختبار القدرات يعادل 40%) .... يعني لازم تشدين حيلك في الاختبار... واذا كانت الدرجة مش عاليه... حاولي تدخلين اختبار القدرات مرة ثانية.

ممكن من الان لحد التقديم ...تحاولي تجمعين عدد من التوصيات ... شهادات الخبرة ، الشكر، الدورات...لانها راح تساهم......برضو لو حبيتي تاخذي دورة على حسابك الخاص بس يكون لها علاقة بتخصصك وبمجالك ..راح تفيد عند احتساب نقاط الخبرة.

بالتوفيق اخت حلم وطموح...... وما شاء الله اسم على مسمى

[عماد الحسن]

عليكم السلام ورحمة الله وأحييكم لقرار إكمال الدراسة بدخول اختبار الكفايات والتسجيل في القدرات والدبلوم التربوي، وحالياً لا يقبل الماجستير غير الخريجين ولكن في السنة القادمة الله أعلم.
وفي الفصل القادم سوف تفتح مجالات جديدة في الماجستير ولا نعرفها حالياً... وخطتكم صحيحة وربنا يوفقكم للقبول وتحققوا أمنياتكم في طلب العلم.

[حلم وطموح]

وجه السعد...لاماعليك انا اقعد لهم العام اخذت دورة بالترم يعني ثنتين..لا وبطلوع الروح كاني اشحذ
brainiac مشكور وماقصرت...تو ادري ان القدرات اهم وعليها هالنسبة!!مشكور عالتوضيح
استاذ عماد...
يعني لازم اكون متخرجة من الدبلوم حتى اقبل؟؟حتى لو وقعت تعهد..لاني مايصير يبقى لي الا شهرين او ثلاثة على نهاية دراسة الدبلوم وماودي تضيع على التقديم للماجستير وتروح علي سنه...ممكن تستفسر لي عن الموضوع جزاك الله خير
1-عندي كمان استفسار ابغى ارجع كل اوراقي وتوصياتي اللي قدمتها في الماجستير العام هل في امكانية؟؟؟
2-ايضا عندي توصيات مصورة فقط مش طبق الاصل والاصل عندي طبعا هل تقبل في الماجستير الخاص...والالازم مختومة طبق الاصل؟
3-كيف ادرس بجدة وانا معلمة بالطائف؟؟مايمديني الا بتفرغ فهل تفرغ لوزارة للماجستير الخاص علما انه التخصص مطلوب بالوزارة؟؟

[حلم وطموح]

استاذ عماد ممكن الرد بشان الدبلوم التربوي لو سمحت

[Brainiac]

أهلاً حلم.... وان شاء الله يتحول إلى حقيقة.

أنا راح اجاوب على الفقرة اللي اعرفها... بخصوص نسخ التوصيات... عند التقديم مش شرط ارفاق التوصيات الاصلية.... النسخ تكفي .. ولو طلبوها منك عند القبول بأذن الله.... اخذي معاك التوصيات الاصلية للمطابقة.

بالتوفيق أختي