وسع الله لكم افيدوني

[متفائل في زمن الياس]

جزاكم الله خيرا
انا سجلت قياس وارسلو لي رقم الاشتراك ماهي الخطوات بعد ذلك
ومتى يفتح القبول للماجستير العام القادم بالضبط باي شهر
الله يوسع لكم واسئلة الاختبار للقياس صعبة وكم النسبة المخولة للماجستير

[meme_3223]

اول خطوة هي فتح حساب في موقع قياس ، ويعطيك الموقع رقم المشترك ، احفظيه عندك لانه مهم لدخول صفحتك للتسجيل لاحقاً ، وهو أيضا من البيانات المطلوبة يوم الاختبار ، مثل الاسم ورقم الهوية ... إلخ .
الخطوة الثانية : متابعة الموقع ووقت ما يفتح التسجيل تكونِ شحنتِ رصيدك بـ 200 ريال للقدرات
و100 ريال للكفايات ..
تروحي لأي فرع من فروع بنك الراجحي ، وتطلبي من الموظفة ايداع المبلغ بحساب قياس ..
وبتعطيكِ وصل فيه رقم تدخليه بملفك وتشحني رصيدك ، وانتبهي اثناء ادخال الرقم لأنك لو أدخلتِ الرقم خطأ يلغى وممكن يروح عليك المبلغ .
بعد الشحن تسجلي بالاختبار وحاولي تسجلي بوقت مبكر عشان ما تكوني بمقاعد الاحتياط ، ويكون تسجيلك مؤكد ..
طبعاً التسجيل يفتح قبل التاريخ المحدد بحوالي اسبوع الى عشر أيام ،
وبعد التسجيل تطلع لك رقم المجموعة اللي بتختبري فيها ، ومكان الاختبار والساعة ..
اطبعي الورقة واحتفظي فيها ليوم الاختبار ، واحضري معك بطاقة الأحوال ..

القبول للماجستير الخاص بعد عام ان شاء الله ـ والجامعة تنزل المواعيد المهمة مثل مواعيد القبول والتسجيل وخلافه بالصفحة الرئيسية لعمادة الدراسات العليا ..

الأسئلة فيها الصعب والسهل ، وتحتاج مذاكرة وسرعة في الحل والوقت ضيق ، وحاولي تستعدي من الآن للاختبار ..

ماحددت الجامعة درجة معينة لأن الاختبار مافيه نجاح ورسوب ، لكن اكيد كل ماكانت درجتك عالية تحصلي على نقاط أكثر ، لأن الجامعة وضعت لاختبار القدرات العامة للجامعيين 40 % من نسبة القبول وهذه نسبة ماهي سهلة ولا يستهان بها ..

والله يوفقك ..