قصتي مع الحاسب العملي

[د.شيمو]

حبيت اكتبلكم قصتي مع الحاسب العملي اليوم مو من فضاوة ولكن حبيت انبهكم على امر
اليوم كان اختباري العملي المهم بدانا الاختبار وكان الجهاز تبعي عطلان فقالتلي الدكتورة روحي على جهاز ثاني وبرضوا طلع خربان بعدين رحت ع الجعاز الي بجانبو برضوا في مشكلة في برنامجي الاكسل والاكسس لما اسمي الملف يتغير نوعه المهم زهمت الدكتورة قالت المفروض انتي تحلي مشكلتك بيدك وكمان المفروض تنقصي درجة وبعدها قعدت تحوس في الجهاز الين ماانتهت وفتحت الاكسل وبرضوا في مشكلة وناديتها مرة اخرى بعدين قالتلي ماليش دعوة اتصرفي انتي وجهازك طيب انا اش اسوي بدي المشكلة قعدت ابكي شويتينوحسيت الدنيا ضاقت بيوقعدت ادعي الله واكرر الدعاء واستغفر الله الين ماتفتحت صفحة الاكسل ووقتها فرحت وبدات احل والناس في نهاية الاكسل وانا دوبني ابدا صح في اشياء عقدتي بس الحمد لله عرفت اتعامل معها بنجاح وبعدين جا وقت الاكسس فقلت دي المرة ماابغى اسمي المستند لما اخلص اسمي وفعلا كدا سويت ووقتها كان باقي ربع ساعة وانا دوبي ابدا وقعدت ادعي الله كثير وفعلا ماجا الوقت الاانا مخلصة ولكن باقيلي مشكلة تسمية المجلد ففكرت بفكرة انو اعيد تسمية الملف وامسح بعض الاشياء واخلي mdb اختصار برنامج الاكسس واكتب اسمي ورقمي الجامعي واخيرا انتهت المشكلة عذرا ع الاطالة ولكن انا كتبت قصتي بالتفصيل لاخذ العبرة لانو احنا السنة التحضيرية بنمر بكثير من العقبات الي تؤثر على تحصيلنا العلمي وعلى نفسيلتنا فهذه القصة تدل على انو الله دائما مع العبد في السراء والضراء ويجب ان نحسن الظن بالله في جميع الاحوال فهذا التيسر للكربات ياتي من الدعاء ولالاستغفار ودعاء الوالدين ورضاهما حبيت اعرف رايكم في القصة

[متى أرزن!]

^^ ~

[د.شيمو]

المشاركة الأصلية كتبت بواسطة متى أرزن! ^^ ~

مافهمت اش تقصدي بردك

[جود الجوري]

الله الحمد لله انك ما استسلمتي وما اثر عليكي القلق وصح كلامك كلما اتعلقتي بالله كلما صار كل اللي تبيه وخليك دايما كدا متفائله بس بدون دموووووووووووووووع وشكرا لقصتك الايجابيه

[د.شيمو]

المشاركة الأصلية كتبت بواسطة جود الجوري الله الحمد لله انك ما استسلمتي وما اثر عليكي القلق وصح كلامك كلما اتعلقتي بالله كلما صار كل اللي تبيه وخليك دايما كدا متفائله بس بدون دموووووووووووووووع وشكرا لقصتك الايجابيه

اشكرك على مرورك جود بس انا حبيت اوضح لطلاب وطالبات التحضيري انو الله معانا قد مايصير فينا من تحطيم في الفيزيا والماث والانجلش وغير كدا من مواد السنة التحضيرية

[جود الجوري]

ااااااااه بس لا تجييييين عالجرح