التيراميسو من مطبخي بالخطوات المصورة ,حياكم المولى

[فاقدة أبوها]

السلام عليكم ,,,,,,,كيفكم بنات ان شاءالله بخير,,,

اليوم جتني حالة ماقبل الإختبارات وهي حب المطبخ فسويت تيراميسو وهو سهل وسريع وطعمه حلو,

وصورت الخطوات لعيونكم وان شاءالله يعجبكم

طبعاً التيراميسو انواع منه بالكيك ومنه بالبسكويت وله كذا طريقة <<<اخلصي



المهم نبدأ بالمكونات


">

رينجو سادة <<انا اشتريت اللي بالشوكولاته بالغلط وتكسلت ارده
2ظرف دريم ويب
2قشطة
بسكوت شاي
2كيري<< المفروض فيلادلفيا بس ماكانت متوفرة عندي
و نزيد عليهم علبة صغيرة حليب مركز<<نسيتها
وممكن كريم كراميل لتغيير اللون,

نرص الرينجو في صينية متحركة القاعدة داير مادار ثم نرص بسكوت الشاي المبلل بالحليب <<طبعا كسرت في البسكوت لين قلت آمين عشان يتواءم مع الصينية


">

بعدين نخلط باقي المكونات(القشطة والكيري والدريم والحليب المركز) في الخلاط





">

بعدين نقسم الخلطة (طبعا على كيفك ممكن قسمين بس وممكن ثلاث او اربع) بعدين نحط القسم الأول بالصينية


">

ثم طبقة بسكوت شاي مبللة بحليب




">


ثم طبقة من الخليط ثم بسكوت شاي لحد مايخلص الخليط ونحطها بالثلاجة لوقت التقديم << ماتقل عن ساعتين

وهذا شكلها بعد ماطلعتها



">

ممكن تضاعفي الكمية لحد ماتوصل لأطراف البسكوت بس لما خلصت الكمية تعجزت اخلط واحدة جديدة



وهذي بعد مارشيت عليها شوية نسكافيه <<احاول اغطي البسكوت اللي ظاهر بس مو نافع



">



وهذا الصحن لأول رد


">


ويارب يعجبكم طبقي المتواضع والجايات احلى ان شاءالله