طالبة مساعدتكم قبل فوات الأوان

[تباشير الصباح]

السلام عليكم
أنا في الرياض ومسجلة على السنه الجاية إن شاء الله في الجامعة
وسألتهم عن مكان الأمتحان قالو إذا كنتي خارج جدة وتبغين تمتحنين في مقرك يعني الرياض
تدفعين زيادة ألف ريال ...
فية أحد سوى كذا ؟؟؟؟؟؟؟

[لندنية]

مبرووك على القبول وعقبال مانباركلك بالتخرج
اختبار المناطق يكون للسنة التحضيرية فقط
وقبل الاختبارات ينزلك بالاودس الاختيار بين اختبار المناطق او جده وانتي تختاري
طبعا الاختبار في المناطق لازم تدفعي 1000 ريال
اما باقي السنوات في مدينة جده في الجامعة نفسها
بالتوفيق

[تباشير الصباح]

ألف شكر
بس أنا سألتهم قالولي في جميع السنوات تدفعين 1000وتمتحنين في المكان إللي تبغين

[لندنية]

سألتي مين؟؟
انا بالتحضيري اختبرت بالرياض
بس بالمستوى التالت قالوا ماااااافي الا بجده وبس

[تباشير الصباح]

دقيت على الجامعة نفسها
طيب كيف كانت الدراسة وكيف طريقة الإختبار

[لندنية]

في بداية الترم راح ينزلك موعد سداد الرسوم ولما تسددي 3000
بعدها بيومين او اكتر ينزلك الجدول
لما ينزلك الجدول تطبعيه وترسليه لمكتبة خوارزم(اذا تبغي تتعاملي معاهم)
وراح يرسلولك الكتب
تابعي التقويم الجامعي اول بااول لان اي حاجه تنزل فيه وكمان موعد الدورة التاهيلية
الدورة التاهيلية طبعا فيها شرح للمواد وكمان اذا فيه حذف او غيروايعني اذا تقدري تحضريها راح تساعدك كتيييييييير بالمذاكرة

المذاكرة على حسب راحتك اذا تقدري تذاكري بدون مساعدة او بمساعدة يعني يعتمد عليكي انتي
في النصف التاني ينزلك التسكين في الكليات وتختاري الكلية اللي تبغيها وطبعا بعد فترة من التسكين تختاري التخصص المطلوب وهكذا
الاختبار بالسنة التحضيرية عبارة عن اختياري وصح وغلط
والصراحه مااذكر اذا اختبار الانجليزي كان فيه سؤال مقالي آسفه

السنة التحضيرية فيها اختبار مناطق قبل الاختبار تنزلك بالاودس ايقونة الاختبار اذا تبغي تختبري متلا بالرياض تختاري تسجيل وتسجلي وبعدها تروحي لمعهد العالمية او حتى لو يروح ولي امرك عاادي وشيلي بطاقتك الجامعية معاكي ويدفع 1000 ريال للمعهد ويعطوه ورقه فيها اسمك وكلام تاني تخليها معاكي لان وقت الاختبار حيسالوكي عنها
واي سؤال انا حاضرة
بالتوفيق........

[تباشير الصباح]

الله يوفقك يارب
معليش ثقلت عليك ..... ماصدقت ان القى احد يعطيني وجة
واسعار الكتب تقريبا كم غالية ؟
الدورات التاهيلية وشي هذي غير السنه التاهيلية

[تباشير الصباح]

طيب كيف طريقة المدرسين شديدين في الدرجات ولا متسامحين

[تباشير الصباح]

والاوديس وشو هذا

[لندنية]

الله يوفقك يارب
معليش ثقلت عليك ..... ماصدقت ان القى احد يعطيني وجة
واسعار الكتب تقريبا كم غالية ؟
آميييييين للجميع
خذي راحتك ياعسل
الكتب بالعكس رخيصه فيه بعضها 18 او 20 او 35 في دي الحدود

الدورات التاهيلية وشي هذي غير السنه التاهيلية
طيب كيف طريقة المدرسين شديدين في الدرجات ولا متسامحين
والاوديس وشو هذا
الدورات التأهيليه تقام في كل ترم دراسي يعني اسبوع او اسبوعين يتم فيها شرح المواد يعني تاخذين محاضرات بكل موادك وتعرفي المحذوف والمهم وغيروا
بس انا سمعت انوا دفعة10 عطوهم محاضرات السنترا يعني وانتي جالسه ببيتك تشوفي المحاضرة من النت يعني تعليم عن بعد
بس الصراحه مااعرف عنو لان دفعتنا كانت تحضري للجامعة
الدرجات على حسب دكتورة المادة بصراحه فيه البعض متسامح ويعطي والبعض لا
الاودس دي صفحة في موقع الجامعة تحوي كل معلوماتك وجدولك وحالتك الدراسية وكل حاجه تخصك بدراستك
لما يقبلوكي تفتحلك وتدخليها برقمك الجامعي ورقم الهوية
بالتوفيق..