منتسب جديد ولا اعرف وش اسوي

[اخر الدنيا]

بسم الله الرحمن الرحيم

اسعد الله اوقاتكم بكل خير

شباب ارجوكم ساعدوني فأنا منتسب جديد بالعامية( ما اعرف كوعي من بوعي )

انا على الخطه ( ب )

اشتريت الملخصات وابي احضر المحاضرات عن طريق النت واجهتني مشاكل

تجيني رساله ( إذا كنت مستخدمًا مسجلاً بالفعل، قم بتسجيل الدخول في Centra 7.)

قمت وجيت على هالقسم لقيتهم ينزلون المحاضرات ولكن المواد تختلف

مدري وش اسوي ومن وين ابدا

ابيكم بس توجهوني وتقولون الخطوات اللى اقوم بها خطوه بخطوه

لاني مشغول بعملي كثيرا ولا القا الوقت

واحب استفسر هل فيه نماذج للاسئله ومن وين اقدر اتحصل عليها

علما باني في مدينة الجبيل الصناعية( يعني اذا فيه احد من هنا منتسب اقدر اتواصل معه)

وابي اقول لكم عن المواد اللى عندي

1-لغة عربية
2-مهارات حاسب
3-لغة انجليزيه(1) اداب واقتصاد
4-الثقافه الاسلاميه (1)
5-الرياضيات للتخصصات النظرية

انا عارف موضوعي ملخبط مثلي ولكن اعذروني اول ترم ولا اعرف شي ولا اعرف احد منتسب

ولجئت لكم بعد الله علشان تساعدوني

الله يجزاكم خير

[نور مكه]

اخوي اتبع هذا الرابط لتسجيل بيانات الدخول

http://centra.kau.edu.sa/main/users/index.jhtml?default=true
حاول تتأكد برنامج الجاف المناسب موجود عندك او نزله من نفس الصفحة ع نفس الرابط

[ام الجوري]

الله يعينك يارب ,,وإن شاء الله تقدر ,,تذاكر ,,ولسى في وقت ,,حاول تذاكر أخر الليل أو بعد الفجر أو الصباح يكون العقل يستوعب أكثر ,,

بالنسبه لموادك ,,عندك ,,الثقافه كلها شرح ,,, أهم شيء تقرأ بتأني ,,وفهم ,,وركز على الفقرات الأساسيه ومن ثم الفقرات التي تندرج تحتها مع التركيز للأيات كدلاله ,,, وقراءه ,,,بفهم أكثر ,,,,


والإنجليزي ركز أكثر شيء على الكلمات والقواعد والقطع ,,اهم شيء ,,وكلما كان عندك كلمات كثيره ,,تقدر تفهم المطلوب,,ويبي له ,,ورقه وقلم ,,ما ينفهم بالحفظ فقط ,,لا زم ,,تكرر الكلمه أكثر من مره حتى تستوعبها ,,




والرياضيات أظن يبي لك ,,مدرس ,,,إلا إذا أنت فاهم كل شيء ,,وما عليك إلا تطبق ,,

والحاسب ,,,يبي له ,,معرفه وتطبيق ,,,أكثر شيء ,,,


وصدقني قدامك وقت ,,بس يبي لك تنظيم لوقتك ,,,, والله يوفقك ,,لا تحتااار ,,, وتوكل على الله ,,



بالنسبه للسنترا ,, حمل الجافا ,,ومشغل السنترا ,, أعمل فحص للنظام ,,بتلقاها ,,على اليميبن أعلى الصفحه ,,, والله يوفقك ,,

[shy rOoOs]

اخي موادكم اختبرتها الترم اللي فات
سهله كثير لكن يبي لها وقت وتركيز
في هذا المنتدى الاخوان والاخوات ماقصروا واضعين شروحات
ومسائل ودروس وكل شي يخص المواد اللي بتختبرها
ماعليك الا تعمل بحث في هذا المنتدى عن اي شي يخطر في بالك
وتحفظه عندك بجهازك وخاصه اسئلة الاختبارات السابقه ركز عليها

بالتوفيق وحنا بالخدمه

[هنووووو]

الله يوفقك اخوي وييسر أمرك بصراحة المواد سهلة بس يبغى لها تركيز ..

هذا رابط للفصول الافتراضية مرة روعة رح تلاقي فيه محاضرات سابقة ومسجلة حملها واسمعها وان شاء الله تستفيد انا بصراحة بذاكر منها ونفعتني كتير ..
ماعدا الانجليزي لانه (102) يعني حق المستوى الثاني مو الاول يعني لاتذاكره لانه مو نفس كتابنا ..

http://groups.google.com/group/kauplanb

والله يوفقك ويوفق الجميع باذن الله ..