خبر سيئ للمنتسبين

[ماهر الوافي]

من باب العلم فقط للمنتسبين الراغبين بالتقديم على وظيفة معلم

لاتقبل وزارة التربية والتعليم الحاصلين على مؤهلات بالإنتساب عدا تخصص اللغة الإنجليزية

وهذا خبر أكيد 100%

[أبوفهد1]

وإيه يعني خلاص يعني مافيه وظائف إلا التدريس ؟ خير الله كثير وما أن يغلق باب إلا ويفتح الله عزوجل مائه باب فلا تخاف فالوظائف متوفره وما على طالب اوطالبة الانتساب إلا رفع المعدل وإن شاء الله تبشر بالخير وابشروا بما يسركم يا شباب ..

[حنين العاشقين]

لا التعليم ولا غير التعليم ما احد يبي المنتسبين
وهي خربانه خربانه
صرنا ندرس بس لنرضي ضمايرنا وأحياناً عشان نغطي نقص عقدة التعليم الجامعي في نفوسنا
والا بذمتك آلاف مؤلف تتخرج كل سنة وهم انتظام وما عندهم وظايف
اجل احنا وش باقي لنا !

الله يعينا ويفرجها علينا

[THE EXPERT]

ربي يوفق بس
وفيه غير التعليم

[bsfa2009]

ما اجمل ان يصل الانسان الى شئ يلبي رغبتة وطموحة.........

[als3doon]

الله لا يحدنا على التعليم >>> بالله فيه أحد طموحة بهذا الزمن أنه يكون مدرس انجليزي بثانوية شباب عرابجة ؟!!

الشركات الخاصة كثييييييييرة

موفقين

[شآطرT]

الله يوفق الجميع


الطموح اكبر


رعاكم الله

[سكوتي سوالف]

الحمد لله موظف يس ابي ادخل اداره واجمع الثنتين فني واداري

[نفود الدهنا]

الحمد لله الغالبيه تحصلهم موظفين علشان يحسنون وضعهم الوظيفي .. وبالنسبه للوزاره وعدم قبولها لا يهمكم كل يوم طاري لهم طاري بلد الطواري كل وزير يجي يعيد ويخربط بالقرارات ويمشي .. الشاهد خلوا مثلكم الاعلى اطلب العلم من المهد الى اللحد .. ونحن امة اقراء .. وكما ورد حديث أبي هريرة رفعه " من التمس طريقا يلتمس فيه علما سهل الله له طريقا إلى الجنة "
لا يأس مع الحياة والله يوفقنا اجمعين

[دلـٍوعــة كيـٍوتٍ]

اهم شئ شهادتي بيدي اتوظف ما اتوظف

سلاحي معاي