لطلاب وطالبات السنه التحضيريه انتساب الي حابين يقدمون اعتذار للفصل الحالي

[امير جده]

سلام عليكم

الي حاب يقدم اعتذار للفصل الحالي بسبب ظروفه الماديه كانت او الشخصيه


الطلاب مراجعه العماده بالتحديد مكتب وكيل الانتساب الدكتور عابد المشايخي ويقدمون طلب الاعتذار عن طريق تعبئه استماره الاعتذار وان شاء الله راح ينفذ في الجهاز الاعتذار


الطالبات مراجعه مكتب الوكيله ويقدمون طلب الاعتذار عن طريق تعئبه استماره الاعتذار


والموظفه المختصه راح تنقذ الاعتذار


ملاحظه هامه


الاعتذار كان موجود في الاودس بس حذف عند البعض


واذا موجود ترى الايقونه غير مفعله


لابد على الي حاب يقدم اعتذار عن الفصل الحالي مراجعه الجامعه


طبعا لطلاب وطالبات السنه التحضيريه انتساب فقط


باقي السنوات يكون الاعتذار عن طريق الاودس بالرقم الجامعي


والاعتذار راح ينتهي يوم 1/6/1431


بالتوفيق للجميع

اخوكم امير جده موظف في عماده القبول والتسجيل

[ورد الانصاري]

طيب اخوي عندي سؤال .. ممكن ؟

[ورد الانصاري]

طيب ايش الاعذاار اللي ممكن نكتبها عشان يقبلوها ...؟؟

[ورد الانصاري]

وحده من صحباتي لها اسبوع ...تبغى تقدم اعتذار ..وارسلت معامله بالاودس وجاها رد انو هاتي صوره من البطاقه وخطاب اعتذاار بس هيا مو عارفه ايش تكتب في الخطاب ..

[ورد الانصاري]

هيا مسكينه جاتها عين ...وماتقدر تمسك الكتاب ودحين تتعالج بالرقيه ..ويمكن ياخد وقت العلاج ...وتبغى تعتذر وتبغى عذر يخليهم يوافقو عليه بسرعه

[ورد الانصاري]

اميييييييييييييييييييييييييييييير جده وينك ...بليييييييييييييز هات لي عذر عشان البنت ..

[N0NA]

قوليلها تكتبلهم مشكلتها وانها بتتعالج بالرقية وماحيرفضو عذرها وحتى لو كتبت اي تصريفة ماحيدققو ولا يهتمو لا تخافي مابيصعبوها ابدا

[سامي الفقيه]

اولا يعطيك العافيه على حرصك على اخوانك المنتسبين الذين لديهم اعذار

ثانيا ومع الشكر اذ اممكن تحمل لنا خطاب الاعتذار اذا كان له فورم خاص لكي يتسنى لنا ارسالها عن طريق الفاكس بحكم وجود البعض خارج جده

وشكرا لك

[ورد الانصاري]

الووووووووووووووووووووووووووووووووووووووووووووووو

[ورد الانصاري]

طيب ابغى عذر مايخرش الميه هع ..يعني شي مضمون باذن الله