بخصوص تسويق بالانجليزي.. والشباب اللي في الرياض

[abdullah alshehri]

السلام عليكم

الشباب اللي عندهم تسويق بالانجليزي bus461 انا لقيت رقمين لمدرسين الاول سوداني يقول اغلب الاسئلة تجي من السي دي اللي مع الكتاب.

والمدرس الثاني اسمه الاستاذ محمد مصري لقيت كم واحد يمدح مذكرته وشريتها من ابن سيناء في جدة وبصراحه عجبتني وحلوة ومترجمها وفيها اسئلة محلوله كثير تجي في الامتحان وانا كنت خايف من المادة بس المذكرة بصراحة حلوووة جدا وسهلت المادة في عيني .

وقعدت اسولف انا واللي في المكتبة عن معاناتنا حنا اللي في الرياض مع المذكرات فقال لي ان فيه مكتبة في شارع ام الحمام العام اسمها مكتبه فتح الرحمن فيها كل المذكرات وانهم متعاونين معهم ويرسلون لهم المذكرات اول بأول.
يعني ياللي في الرياض اذا احتجت شي روح للمكتبة اللي قلت لك والله يوفقنا اياكم لكل خير
( والله لااملك في المكتبة اي شي انما احببت الخير للجميع من واقع معاناة مع المذكرات)
دعواااااااااااااااااااااااااااااااااااااااتكم

[Francesco82]

اهلا وسهلا فيك اخوي عبدالله الشهري ... اخوي انا حضرت عند الدكتور/طارق خزندار محاضرة التسويق بالانجليزي bus461 والدكتور ما قصر وضح لنا الاشياء المهمة في المنهج والمطلوب هو الفصل الاول والثاني والرابع عشر فقط ونبهنا كمان من حكاية المذكرات اللي تنباع في المكتبات ونصحنا بشراء الكتاب الاساسي للمادة عشان نستفيد منه بعد كذا عموما قيمة الكتاب عن طريق موقع الشراء في النت 245 ريال وكمان فيه سي دي وقيمة الكتاب في المكتبات اللي هنا 365 ريال , وتطرق لحكاية الاسئلة وكيفية وضعها وقال ان الكتاب يكون شامل معاه سي دي وفيه اسئلة اختبار لكل فصل وانه هوا حيقسم الاسئلة على تلاتة مستويات غالبا ما راح يجيب الا المستويين الاول والثاني فقط ( والمهم قال الاختبار يعتمد على اللي عنده انجليزي وان الاختبار حيكون جدا سهل ومافي اي مشكلة والاهم هوا الانجليزي ) اتمنى اني افدتكم وتقبلو مروري

[سحــوره]

يارب نعدي الماده دي على خير مره شايله هم مزاكرتها

مكتبة ابن سينا فين في جده ؟

[Francesco82]

اهلا وسهلا آنسة/ سحوره بالنسبة لمادة التسويق بالانجليزي bus 461 ماهي صعبة ان شاء الله وتعتمد على الانجليزي قبل كل شيء وانتي حاولي انك تحفظي المفردات خصوصا حقت الفصل الاول

Marketing Creating And Capturing Customer Value

بعد كدا حتشوفي المفردات بدأت تتكرر عليكي والصيغ بسيطة وسهلة مع اختلاف بسيط ونصيحة مني لك حاولي انك بعد ما تخلصي مزاكرة تحلي نماذج أسئلة عشان ترسخ في ذهنك تمام وبالنسبة لمكتبة ابن سينا تحصليها جنب المكتبات اللي قريب من الجامعة , لوحة المكتبة بالازرق مكتوبة تحصليها على الشارع وقريب منها مكتبة دار حافظ ومكتبة دار الهدى واي استفسار عن اي مادة للتسويق احنا في الخدمة تقبلي مروري عزيزتي والمعزرة على الاطالة

[موظف بنك]

فرانسسكو اذا عندك شي تكفى ساعدنا اذا ممكن اللي عندة صورة من الفصل الاول والثاني والرابع عشر

لاينسى اخوانة

[Francesco82]

اهلا وسهلاً بيك موظف بنك بالنسبة لمادة التسويق بالانجليزي bus 461 اطمن ترى المنهج جدا بسيط وسهل والمقرر عليك فقط , الفصل الاول والثاني والرابع عشر فقط يعني معاك فرصة انك تدرسها في شهر واسبوعين تلاتة مرات وعموما في موضوع لاحد الاخوان مرفق فيها ملف خاص بالمادة وما تحتويه بالفصول المقررة ادخل حمل المرفق يا اخ موظف بنك من الرابط دا


1-2010, 02:01 م #6 oooyoooyster
مصمماتي
http://www.skaau.com/vb/showthread.php?t=143806

ما شاء الله تبارك الله الاخوان اللي سبقونا واخدوا المادة دي كان لهم مجهود طيب ووفير اتمنى
انه يغنيك الشيء دا وازا احتجت اي شيء يا موظف بنك احنا في الخدمة وتقبل تحياتي

فرانشيسكو

[انتسابي]

المشاركة الأصلية كتبت بواسطة abdullah alshehri السلام عليكم والمدرس الثاني اسمه الاستاذ محمد مصري لقيت كم واحد يمدح مذكرته وشريتها من ابن سيناء في جدة وبصراحه عجبتني وحلوة ومترجمها وفيها اسئلة محلوله كثير تجي في الامتحان وانا كنت خايف من المادة بس المذكرة بصراحة حلوووة جدا وسهلت المادة في عيني .

حبيبنا ...

احنا مو بالرياض ولا نقدر نوصل لهذه المذكرة اللي تفضلت بها الحين

هل ممكن تسوي في كل الطلاب اللي عندهم هالماده خير .. في انك تدخل هالأسئلة اللي تمدحها بالسكانر وتحطها هنا بالمنتدى نستفيد منها .. وطبعا لك الأجر والدعاء من الجميع

هل ممكن ؟!!