[] رجاء أحد يفهم بالحذف والاضافه يدخل ضروري []

[$بسومه$]

انا الحين مستوى رابع .. تخصص مواردبشرية ..

الترم اللي طاف كان مسجل لي 6 مواد يعني 18 ساعة..

صارت ظروف اضطريت احذف مادتين اللي هي تحليل كمي وقانون تجاري ..

المستوى ذا اخذت هالمادتين ومعاها 4 مواد صارت 18 ساعه كحد أعلى اووكي

طيب هم بالخطه منزلين هالترم 6 مواد يعني حذفت مبادئ تسويق ولغة عربية

طبيعي كل شي للحين بس السؤال اللي حيرني وموب فاهمه هالمادتين لو اخذتها

المستوى الجاي نفس الشي بحذف مادتين واخذها وهكذا .. طيب ؟؟

متى اخذ هالمادتين هل استطيع ان اجعلها اختيارية وهل اجباري اخذ كل المواد

اللي بالخطة ولا تعتبر بعض المواد الموجودة اختياريه واقدراحذفها مره

صراحه موب معقول اخذ ترم زيادة على مادتين فهمتونني ؟؟

يارب وصلت الفكرة

[ام حمدان]

ايوه فهمت عليك
بس مااقدر افيدك بدقه بدون مااعرف خطتك الدراسيه كامله
لكن عموماً انتي اذا يهمك تتخرجي بمعدل حلو فكذا كذا بتحتاجين ترم زياده لان بتجيك مواد مستقبلاً تحتاج وقت طويل فتضطرين تآخذين 4 او 5 مواد فالترم وطبيعي بتحتاجين ترم زياده عشان تآخذين فيه المواد الي متبقيه لك ممكن تكون 2 او 3 او حتى 6
اما لو كنتي مستعجله عالتخرج ومستعده تضغطين نفسك وتآخذين 6 مواد فكل ترم فالله يقويك ومالك غير هالحل
وحابه اوضحلك شغله اذا وصلتي للمستوى السابع او الثامن وكان معدلك كويس ممكن يسمحولك بأضافه اكثر من 18 ساعه عشان تتخرجي بسرعه
اتمنى اني افدتك
موفقه

[$بسومه$]

الله يرزقك بالجنه ويحقق امنياتك يارب ..

ماقصرتي

[العلم والعالم]

زيادة توضيح

كل ترم لا يمكن أن تسجلين أكثر من 18 ساعة

وتقل الساعات حسب معدلك لو كان معدلك جيد من 2.75 وأكثر وأكثر مسموح لك 18 ساعة

وإذا هو مقبول من 2.74 الى 2 مسموح لك 15 ساعة وإذا هو ضعيف أقل من 2 مسموح لك 12 ساعة

أما الفصل الإخير فسموح لك كحد أقصى تسجلين 24 ساعة في الفصل الأخير

[$بسومه$]

مشكور والله يوفقك على الرد