استفسار عن شرط اللغة الانجليزية ماجستير علم اجتماع

[ستأتي أيامي]

السلام عليكم ورحمه الله وبركاته
كيف حال الجميع
أنا عضوة جديدة في المنتدى وقدمت على ماجستير علم اجتماع لكن عندي أسئلة واستفسارات
1- أرسلت استمارة التسجيل وأعطوني رقم ترشيح نفس رقم السجل المدني لكن في نفس الاستمارة بس مكتوب علم الاجتماع مو مكتوب لا رسالة ولا مشروع بحثي ، طيب أنا كبف أعرف أنا سجلت في إيش ؟؟
2- عشان أرسل الملف لا زم أرفق نتيجة اللغة الانجليزية ، طيب أنا ما عندي وناوية أسجل في الدورة اللي حتسويها الجامعة ، ايش أرسل في الملف ؟؟
3- معليش طولت عليكم ، لكن آخر سؤال لو سجلت في مركز لغة انجليزية لمدة ست شهور ، وماراح تنتهي الدورة الا في شهر 8 ، أقدر أجيب إفادة من المركز وأرسلها مع الملف ويقبلوها ولا بلاشي اتعب نفسي وأخليها على الدورة تبعت الجامعة ؟؟؟


و جزاكم الله خير والله يوفق الجميع وإن شاء الله نتلاقى في مقاعد الدراسة كلنا

[نوره علي]

و عليكم السلام ورحمة الله و بركاته

حأقول لك حسب ما صار معاي السنة الي فاتت

بالنسبة لرسالة أو مشروع فهذه يتم تحديدها بعد ما تبدأين دراسة إذا تم القبول إن شاء الله , و تقدرين تغيرين كمان من رسالة لمشروع أو العكس ( وفق شروط معينة ) يعني حاليا لاتفكرين في هذه النقطة

العام لما قدمنا و طلع لما رقم ترشيح و رحنا نودي أوراقنا وقعنا على ورقة تعهد بخصوص الدراسة في الدورة فيما لو تم القبول ، حاولي هذه الأيام تراجعين الجامعة و تشوفين إذا ممكن يعطونك ورقة التعهد و ترسلينها مع الملف يكون أفضل

خليك على دورة الجامعة أنها سهلة مو صعبة

و أهم نقطة حاليا لا بد تشغلكم هي المذاكرة للاختبار خاصة لمن تقديراتهم جيد جدا و امتياز لأنهم الأكثر ترشيحا لدخول الاختبار


بالتوفيق

[فرفوووشه]

اخواتي انا جاتني رساله انو مستوفيه الشروط وانتظر نتائج القبول هل معناتو انو مرشحه لدخول اختبار القسم ولا لسه تطلع اسماء للمرشحين بدخول القسم

[سأنتظرك]

أخواتي,,

إنتم الآن سجلتو ماستر عام,,

يعني ماينفع تاخذو دورات وتقدموها لهم,,

وماراح تعطيكم الجامعة بعد قبولكم أي دورات,,

يعني ,,

لازم لازم تجتازوا إختبار الكفايات أو التوفل ب 400

فقط هذا إللي أمامكم الآن,,

بخصوص المستندات المطلوبة,,

أنا راح أروح مركز قياس وأجيب إفادة إني بأدخل اختبار الكفايات ويمجرد ما تطلع النتيجة بأرسلها تاني للجامعة,,

والله أعلم ,,بجد هذه النقطة محيرتني وهي (إثبات نتيجة اجتياز اللغة)

لو أحد يساعدنا ويوجهنا فيها يا ريت وخاصة أ. عماد حسن

شكرا للجميع,,

[فرفوووشه]

المشاركة الأصلية كتبت بواسطة سأنتظرك أخواتي,, إنتم الآن سجلتو ماستر عام,, يعني ماينفع تاخذو دورات وتقدموها لهم,, وماراح تعطيكم الجامعة بعد قبولكم أي دورات,, يعني ,, لازم لازم تجتازوا إختبار الكفايات أو التوفل ب 400 فقط هذا إللي أمامكم الآن,, بخصوص المستندات المطلوبة,, أنا راح أروح مركز قياس وأجيب إفادة إني بأدخل اختبار الكفايات ويمجرد ما تطلع النتيجة بأرسلها تاني للجامعة,, والله أعلم ,,بجد هذه النقطة محيرتني وهي (إثبات نتيجة اجتياز اللغة) لو أحد يساعدنا ويوجهنا فيها يا ريت وخاصة أ. عماد حسن شكرا للجميع,,

عفوا احنا قسمنا علم اجتماع كليه اداب وكليتنا تقبل الدوره اللي تقيمها كليتنا بعد القبول النهائي

[ستأتي أيامي]

نوره علي الله يفرج همك وينور دربك والله ريحتيني
فرفوشه بعد ما ارسلتي الملف جاكي الرد انو مستوفية الشروط صح ؟؟
أنا لسه ما أرسلت إن شاء الله الأسبوع الجاي
سأنتظرك الله يعطيكي العافية كنت شايله هم دراسه الدورة أنا دفعت لهم 5000 المركز الكندي بس ان شاء الله يرضوا يعطوني الفلوس .
وزي ما قالت فرفوشة قسمنا مو طالب الكفايات طالب الدورة بس
الله يعطيكم العافية كلكم وما يحرمني منكم ياااااااااااذوق

[فرفوووشه]

المشاركة الأصلية كتبت بواسطة ستأتي أيامي نوره علي الله يفرج همك وينور دربك والله ريحتيني فرفوشه بعد ما ارسلتي الملف جاكي الرد انو مستوفية الشروط صح ؟؟ أنا لسه ما أرسلت إن شاء الله الأسبوع الجاي سأنتظرك الله يعطيكي العافية كنت شايله هم دراسه الدورة أنا دفعت لهم 5000 المركز الكندي بس ان شاء الله يرفضوا يعطوني الفلوس . وزي ما قالت فرفوشة قسمنا مو طالب الكفايات طالب الدورة بس الله يعطيكم العافية كلكم وما يحرمني منكم ياااااااااااذوق

ايوه اختي بعد مارسلت الملف جاتني رساله وبالتوفيق يااااااااارب

[نوره علي]

نعم الي تجيها رسالة انها مستوفية الشروط يصير إن شاء الله تدخل اختبار القسم خاصة إن كان معدلها امتياز أو جيد جدا

بالتوفيق

[فرفوووشه]

المشاركة الأصلية كتبت بواسطة نوره علي نعم الي تجيها رسالة انها مستوفية الشروط يصير إن شاء الله تدخل اختبار القسم خاصة إن كان معدلها امتياز أو جيد جدا بالتوفيق

شكر وتقدير للاخت نوره والله يوفقك وبصراحه استفدت كتير من ملخصاتك قمه في الروعه والجهد وجزاك الله الف خير

[الماس جده]

ساعدونييييييي بليييييز يابنات انا سجلت
بس لسى مارسلت اوراقي لاني موفاهمه ايش نتيجة اللغه الانجليزيه وغير كدا اعطوني فكره عن الدورات اي تتكلمو عنها متى وفين وكيف اقدم عليها ولو رسلت الاوراق بدون نتيجه اختبار حيقبلوني ولا لاء تقديري جيدجدا