ماجستر إدارة الأعمال وماجستير الإدارة العامة وكل تخصصات الإدارة والإقتصاد أفيدوني

[ميزتي صمتي]

السلام عليكم ورحمته وبركاته

أرجووووكم محتاجة مساعدتكم أعطوني فكرة عن التخصصات اللي ذكرتها كيف إختبار القبول
بالنسبة للماجستير وكيف الأسئلة سهلة صعبة .
مالكتب اللي أحتاجها للإختبار وإيش أفضل قسم بكلية الإدارةوالإقتصاد لأني ماأعرف عن كلية الإدارة و الإقتصاد شئ أنا خريجة كلية الآداب قسم مكتبات

أرجوكم كيف الأسئلة بتكون عادة
انتظركم عشان بسجل بياناتي

[just_girl]

هلا اختي ميزتي بصمتي

أنا رح اتكلم لك عن قسمي ( الادارة العامة ) العام قدمت والحمدلله انقبلت وانا مثلك آداب والحين على وشك اخلص المواد التكميلية ولله الحمد
الدراسه مرره حلوة وممتعة وبالنسبة لاختبار القبول كان سهل عبارة عن جزئين جزء صح وخطأ واختيارت وكل اسئلته عن الادارة العامة
والجزء الثاني اسئلة قدرات ثلاثة اسئلة تختاري منها اثنين وتحليها كمان حلوة ما كانت معقدة
وقبلوا العام 20 طالبه ويعتبر العدد حلو مقارنة ببقية الأقسام
بالنسبة لادارة أعمال ما أنصحك فيه لأن أعداد المتقدمات له تكون جدا كبيرة والاسئلة كلها قدرات ودايما يخلص عليهم الوقت وهم ماحلوها
وأنتِ استخيري والله يكتب لك اللي فيه الخير
دعواتك لي بتيسيير جميع أموري

[ميزتي صمتي]

مشكورة ياقلبي just girl على المعلومات اللي أعتبرها قيمة بالنسبة لي

لكن إيش المراجع اللي تنصحيني فيها لأني ماعندي أي معلومات عنها

وإيش الأسئلة اللي عن القدرات اللي يعطيكي العافية نوريني

وهل توجد مقابلة شخصية أم لا أبغى أعرف كل شئ

أنتظرك عيوني أبي أسماء الكتب اللي تفيدني في الإختبار

[just_girl]

هي كتابين واحد اسمه مبادئ الادارة العامة تأليف ( طلق السواط , طلعت سندي , طلال الشريف )
والثاني الفكر التنظيمي للدكتور عامر الكبيسي
وما أدري اذا هذي السنه رح يعتمدون نفس مراجع السنه الماضية والا لا
افضل لك اذا رحتي تسلمين اوراقك مري على قسم الادارة العامة واسألي عن المراجع او اتصلي عليهم

[ahla OoOna]

سوري ع المداخله بس حتى انا كنت حابه اعرف اذا في مقابله شخصيه ولا لأ ؟


وبالنسبه للأسئله كانت عامه بمعنى انها عن الادارة العامه بشكل عام ولا اسئله في حاجات جوا الاداره العامه مثلا تعاريف في الادارة او حاجات كدا

يعني انا كنت ادارة عامه في البكالوريوس ممكن بالمعلومات اللي عندي اجاوب ولا لازم ازاكر الكتابين دي

؟؟؟؟

إن شاء الله اكون عرفت اوصل قصدي لاني مني عارفه اعبر تمام .

[ميزتي صمتي]

الهمة ......................إحنا في إنتظار إجاباتكم

[just_girl]

هلا فيكم حبيباتي
بالنسبة للمقابلة الشخصية ما فيه مقابلة شخصية
وبالنسبة لأسئلة القبول هي كانت كلها من المراجع اللي حددوها لنا مسبقا وبصراحه ما اذكر ان كان فيه اشياء عامه كلها اشياء دقيقه عن الادارة مثل اسماء علماء والنظريات حقتهم
يعني يحتاج منكم مذاكرة دقيقه شوي
اسئلة القدرات كانت سهلة سلسلة ارقام ويطلبون منك تكمليها طبعا بعد ماتكتشفين العلاقة بينهم وجدول فاضي وطلبوا فيه اننا نحط ارقام بحيث يكون مجموعها افقيا وعموديا 30

[ahla OoOna]

just girl مشكوورة ع الرد

طمنتيني

وحلو انهم يحددولنا المراجع بس اكيييييد يقولولنا عليها ولا احنا نسألهم ؟

[just_girl]

على أيامي علقوا ورقه في القسم فيها اسماء المراجع المطلوبه من البنات المقدمين للدراسات العليا
الأفضل إنك تسألي اذا رحتي تسلمي أوراقك لأنهم ممكن يكونوا اضافوا مراجع جديدة او غيروا هذي المراجع

[جامعيــة]

يالله انا سجلت ادارة اعمال كنت احسب الاسئلة عامة طيب دحين اقدر اغير لحاسب