ممكن مساعدة الله يجزاكم خيررررر

hani1402 · #1 24-02-2010, 09:19 AM

السلام عليكم وصبحكم الله بالخير

ياجماعة الخير أنا طالب خريج الترم هذا ان شاء الله وعندي مادة بحث التخرج ومادة حرة وبحوث عمليات بس الى الحين ماسددت هل هو شيء ضروري التسديد عشان أعرف من المفروض يعطيني مادة البحث؟؟؟

طيب كيف أعرف إذا هو مو لازم الدفع من أي مكان فالموقع؟؟؟

شاكر لكم حسن تعاونكم

hani1402 · 24-02-2010, 10:36 AM

طيب مساعدة على الطاير وش دعوى

عازف الروح · 24-02-2010, 11:19 AM

ابشر يا على الطاير

في جميع الاترام .. عندك فرصة الى اخر يوم في التسديد .. للتسديد والحذف والاضافة على راحتك

لكن بالترم اللي تبي تنزل فيه بحث وتدريب
احرص على التسديد بدري

وبعد ما ينزل التسديد - تضيف المادة على طول ..
لان الشعب تقفل .. وهذا اولا
الشي الثاني .. الاساتذة ما يستقبلون الطالب المتأخر
يعني لما تتأخر عليه وتجيه بعد فتره .. يقولك خلاص الناس بدو ليش تأخرت نزلها معي الترم الجاي

فاتمنى
انك تبدا من الان بالتسديد .. عشان تبدا باجراءات البحث من بدري
واللي من اهمها اختيار الاستاذ المناسب ..

تحياتي

العلم والعالم · 24-02-2010, 12:29 PM

إذا باقي لك مادتين فقط فالسداد غير مطلوب منك

ويلزمك مراجعة عمادة خدمة المجتمع وتثب لهم ذلك وسوف يعفونك من الرسوم

عازف الروح · 24-02-2010, 01:36 PM

المشاركة الأصلية كتبت بواسطة العلم والعالم

إذا باقي لك مادتين فقط فالسداد غير مطلوب منك

ويلزمك مراجعة عمادة خدمة المجتمع وتثب لهم ذلك وسوف يعفونك من الرسوم

صح والله ما انتبهت
<< مركز على البحث والتدريب قالب راسي

اذا ما عندك الا مادتين
ترا الدراسه هالترم ببلاش ..
يعني الخريج حتى 6 ساعات ما يحتاج يسدد

يعطيك العافيه يالعلم والعالم