هذا جدولي ايش رأيكم

[أبو المنذر]

السلام عليكم ورحمة الله وبركاته
سددت الرسوم والحمد لله ، ونزلي الجدول أدناه .
أبي رأيكم فيه .

[طالب مظلوم]

بما انك ماشي على الخطه تقريباً

كمل الساعات وخليها 18 يعني نزل مادة 311

وصدقني راح تفيدك بعدين اذا قربت من التخرج

عشان ماتجلس ترم كامل على مادة او اثنين، اضغط نفسك بدري احسن من انك تنضغط وقت التخرج

وانا اشوف 18 ساعه مره حلو ولا يعتبر ضغط ابداً

هذي نصيحتي، واللي تشوفه انت افضل توكل على الله

وجدولك تمام بما انك ماشي مع الخطه وهو الافضل <--- مو مثلي ملخبط الدنيا : (

موفق يارب

؛

[تسلل]

الله يعينك على المحاسبة الحكومية

[يآرب مآخآب من ترجآك]

جدولك تمام ركز ع نظريه التنظيم وادرسها بدري بدري الله يوفقك

[ضيدان]

القانون ونظرية التنظيم

ابدأ فيهم من الان.. واقرأ الكتاب وافهمه .... والقانون اسئلته اذا ما تغيرت تكون كثيرة اللف والدوران .... وتسبب لك صداع انتبه من هالمادة بالذات!

والمحاسبة ... استعن بمدرس اذا تقدر وهالمادة يبي لها اهتمام زيادة

الثقافة الإسلامية اسهل من ثقافة 1 و2 بكثير بس ما يعني انك تقلل اهتمامك فيها .. حقق فيها ممتاز على شان المعدل

بالتوفيق ان شاء الله

ولا تنسى .. المحاسبة ثم القانون ثم نظرية التنظيم ......... ركز فيهن

[مستشفى]

المشاركة الأصلية كتبت بواسطة ضيدان القانون ونظرية التنظيم ابدأ فيهم من الان.. واقرأ الكتاب وافهمه .... والقانون اسئلته اذا ما تغيرت تكون كثيرة اللف والدوران .... وتسبب لك صداع انتبه من هالمادة بالذات! والمحاسبة ... استعن بمدرس اذا تقدر وهالمادة يبي لها اهتمام زيادة الثقافة الإسلامية اسهل من ثقافة 1 و2 بكثير بس ما يعني انك تقلل اهتمامك فيها .. حقق فيها ممتاز على شان المعدل بالتوفيق ان شاء الله ولا تنسى .. المحاسبة ثم القانون ثم نظرية التنظيم ......... ركز فيهن

ضيدان أرسلت لك على الخاص مارديت عسى ماشر لاتكون زعلان علي
ابي أصعب مادة من اللي درستها في المستوى الخامس ودي أنزلها الترم هذا وش رأيك؟

[ضيدان]

هلا وغلا اخوي مستشفى

لا ياخوك .. الله لا يجيب الزعل

المهم المعذرة اذا ما وصلك ردي او حصل خطأ او شئ .. المهم اعدت ارسال ردي عليك بالخاص

وبالنسبة لأصعب مادة درستها الترم الخامس هي اللي اخذت فيها F الله لا يعيد هالحرف في النتائج بالمستقبل

تنمية الموارد البشرية Pad312

وانا مثلك بنزلها الترم هذا بدرسها مره ثانية........ والله يعين عليها

والله يوفقك

والمعذرة اذا حصل مني تقصير

[ضيدان]

اخوي مستشفى
بالنسبة لكتاب تنمية الموارد البشرية شكله يجيب الهم .. فوق 500 صفحة

بس تأكد اذا بديت فيه من الحين ما عندك مشكلة نزلها وتوكل على الله


ويبي لك تقرأه مرتين ثلاث اول مره سريعه واللي بعدها بتركيز واللي بعدها بتركيز اكثر


واسئلتها تجي فيها لف ودوران ! ويعتمد بعد على المواد اللي عندك في الجدول الترم هذا اذا فيه مواد صعبه .. اجل المادة لترم ثاني


وحاول تتخلص من المواد اللي تكون متطلب لمواد ثانية بالمستقبل


والموارد البشرية مو متطلب لاي مادة يعني ما عندك مشكلة تأجلها

ونصيحة لا تعتمد على الملخصات... اقرأ الكتب بما انك اول الترم.. واذا يمديك اقرأ الملخصات بس بعد ما تخلص قرائة الكتب

بالتوفيق ان شاء الله للجميع

[مستشفى]

المشاركة الأصلية كتبت بواسطة ضيدان هلا وغلا اخوي مستشفى لا ياخوك .. الله لا يجيب الزعل المهم المعذرة اذا ما وصلك ردي او حصل خطأ او شئ .. المهم اعدت ارسال ردي عليك بالخاص وبالنسبة لأصعب مادة درستها الترم الخامس هي اللي اخذت فيها f الله لا يعيد هالحرف في النتائج بالمستقبل تنمية الموارد البشرية pad312 وانا مثلك بنزلها الترم هذا بدرسها مره ثانية........ والله يعين عليها والله يوفقك والمعذرة اذا حصل مني تقصير

طيب وش رايك انزلها هي312 ولاأخليها بصيف ونزل خدمة مدنية 311
أعذرني أخوي شكلي أبي أتعبك معي ربي يوفقك ويكون النجاح والتفوق حليفك

[مستشفى]

مشكور أخوي ضيدان والله يوفقك واسف على الازعاج والاطالة
هذا والله من وراء القصد