اخوكم في مصيبه تكفون ساعدوه

[مالق]

السلام عليكم ورحمة الله وبركاته

تحيه طيبه اخواني الاعزاء


انا طيحت نفسي في ورطه ومصيبه ياليت تساعدوني .. انا كنت طالب اقتصاد وادارة وعديت فيها 27 ساعه بعدين مدري وش قردني وحولت لكلية الاداب والحين عندي 51 ساعه

انا موظف والاسبوع الي راح قالي مديري اذا تبغى تستفيد من شهادتك حول لقسم اداره عامه

وحسب شروط الجامعه ان الطالب مايقدر يحول الا مره واحده احين وش اسوي تكفون دلوني

الله يجزى خير من يدلني وش اعمل

[ارامكاوي الخبر]

كان ودي اساعدك لكن انا اشوف انك تخاطب الجامعة او انك تراجع الكلية نفسها ولكن هذي شروط التحويل اخي العزيز

شروط التحويل بين الكليات (عام)//

1/أن لا يقل معدل الطالب عن (3 من 5).

2/أن يكون التحويل لمرة واحدة (أي لم يسبق له التحويل بين النظامين)

3/أن يكون التحويل مستوفي لشروط الكلية المحول اليها.

4/أن لا يكون الطالب قد درس ما يزيد عن نصف متطلبات التخرج .

5/أن لايكون في سجله الاكاديمي أي عقوبات تأديبية.

[بكـآء آلـرٍـوٍح ..!]

ودي افيدك بس ماعندي علم

بس اذا لسه اول ترم لك في الاداب راجع الشؤون يمكن يرجعوك

ان شاء الله البقيه يفيدونك اكثر

موفق يارب

[مالق]

انتو عارفين وش القهر ان مديري يقول لو ماحولوك افصل وابدى من جديد في اي جامعه

حرام تضيع علي دراستي على الفاضي

[ameramer513]

المشاركة الأصلية كتبت بواسطة مالق انتو عارفين وش القهر ان مديري يقول لو ماحولوك افصل وابدى من جديد في اي جامعه حرام تضيع علي دراستي على الفاضي

لاتفصل عشان مديرك كمل والخيره في ما اختاره الله

الله قدر لك تكون في كليه الاداب

الا اذا كانت نسبتك مره معدومه في هذه الحاله افصل وارجع من جديد

[مالق]

انا معدلي 2.5 ولازم التخصص هاذا ولا على قولة المدير بل الشهاده واشرب مويتها

[عازف الروح]

السلام عليكم

اخي الكريم

فعلا كلام مديرك منطقي

انا استغرب من الموظف الاداري .. اللي يدرس اداب ؟
لان الاداب غالبا ما يكون تربوي .. وليس له علاقه بالاداره ..

يعني يمكن انت حولت كرغبة ...
لكن الشخص يبحث عن المتطلب الوظيفي .. لانه هو اللي راح ينظر له مستقبلا في الوظيفه .. كترقية او تعيين او غيره ..


اخي الكريم

لا اعتقد انه في اي نظام كان ..
لا يوجد هناك استثناءات
ولا اعتقد ان النظام يطبق 100%

فحاول وراجع الجامعة
واكتب خطاب بصيغة حلووه << لان الصيغه غالبا ما يكون لها دور في قبول الطلب من عدمه

تحياتي يالغالي

[مالق]

اقدم خطاب لمين

انا من الرياض

[مالق]

كيف اقدر اوصل للدكتور عابد المشايخي

انا في الرياض

هل اروح لمكتبه او ارسل فاكس او كيف

ياليت تدلوني

[سطام الشتوي]

ارسل معلماة الكترونية عن طريق موقع الجامعة واكتب معدلك التراكمي والساعات المكتسبة ولا تذكر لهم بأنه سبق وان حولت

وان شاء الله يتم تحويلك


اخوك