بناااات أبغى مساعدة الله يوفقكم

[فتـاة الأمـل]

السلام عليكم ورحمة الله وبركاته

أنا طالبة مستجدة بالجامعة .. وهذا الترم أول ترم لي وعن جد تاااااااايهة مو عارفة شي :(

أبغى أسأل كم سؤال وإن شاء الله ألقى الإجابة عندكم

أول شي : في دراسة هذا الأسبوع ؟؟؟؟؟
سألت كم وحده قالوا لي مافي شي أول أسبوع وأنا من مكة حضرت السبت ورجعت على مكة
ولمن دخلت هنا انفجعت ..
بالله جاوبوني فيه دراسة ولا لا ؟؟؟؟

وثاني سؤال : لمن حملت الجدول طلعت في خطة ب .. وطلعت عندي هذي المواد :

إنجليزي مستوى 1 - مهارات حاسب - مهارات اتصال - فيزياء عامة ..

صح كذه ولا لا لأنو وحده قالت لي في لخبطه في الجداول .. فما أدري جدولي كذه صح ولا .... ؟؟

والسؤال الثالث : وش الشي إلي أسويه بعد استلام البطاقة وهل في اختبار تحديد مستوى للإنجليزي ؟؟؟؟


الله يسعدكم تكفوووون ساعدوني :(

[ماروكو الصغيرة]

أهلين فيكي ياقلبي ...

السؤال الأول :أنصحك ياقلبي تداومي دا الأسبوع ...

أنا غبت يومي السبت والأحد وخايفة يكونو أخدو شي ...

وبإذن الله راح أحضر بوكرا ...

يعني حاولي تحضري الاتنين أو التلوت ...

لأنك ماتضمني يمكن ياخدو شي من هنا ولا من هنا ...

السؤال التاني :انا اللي أعرفو انو خطة ب تكون موادهم مختلفة ...

يعني بياخدو إحصا وكيميا وإحياء ...

وانتي موادك مختلفة ...

بس أتوقع انو دا شي طبيعي لأنو أول ترم لكي ...

عالعموم ممكن تسألي البنات اللي معاكي وشوفي خطتهم هل أ ولا ب ؟؟؟

السؤال التالت : عادي بعد ماتستلمي البطاقة لازم تاخديها معاكي يوميا للجامعة ...

لأنو بدونها ماراح تدخلي الجامعة ...

و مافي اختبار تحديد مستوى في الانجليزي ...

إن شاء الله أكون كفيت ووفيت ...

ودعواتك لي ...

[يارب بكره أحلى]

يا قلبي انت ..

نفس حالة صحبتي .. انقبلت هادا الترم
خطه ب وكده موادها ..

الله يوفق الجميع بالنسبة للدوام انا اليوم اخدت كيمياء ..

وهو حسب الدكتورة والسمستر الي فات بدأو جد اعتقد تالت يوم ..! هادا بالنسبة ليه انا ^^

وجدولك كأنه ناقصه رياضيات انت راجعيهم عشيت تتاكدي مظبوط ..

وبالتوفيق ..

[يارب بكره أحلى]

نسيت اقلك ..

دائما خلي في محفظتك بطاقة الاحوال والصورة الشخصية وصورة لجدولك << دا كله في محفظة ^^!

عشين لو لا سمح الله نسيتي البطاقة تقدري تدخلي بدون ما يطفشوكي ..

لاني مره رجعت البيت بسببها !!

وبالتوفيـــق ..

[فتـاة الأمـل]

الله يسعدكم سعادة الدارين : ماروكو الصغيرة _ يارب بكرة أحلى

أفدتووووووني الله يحرم وجيهكم على النار

رح أداوم بكرة إن شاء الله والله يوفقني ويوفقكم وكل البنات :)

[angel wow]

احس جدولك ملخبط روحي راجعيهم

[غروري ذبحهم]

آهليييييييييين ..
شوفي يآقلبي دآومي آنصحكي لآنهـ في كثير بدآو وآنآ منهم هذآ شيء ..
آلشيء آلثآني خطهـ ب موآدهآ : كيميآء _ آحيآء _ إحصآء _ إنقلش ..
وخطهـ أ :فيزيآء _ ريآضيآت _ مهآرآت حآسب _ مهآرآت إتصآل _ إنقلش ..
بآلنسبهـ للإنقلش إحنآ آلترم آلآول إختبرونآ ووزعونآ مستويآت وآلترم ذآ وزعونآ ع حسب درجآتنآ في آلترم آلآول .. آمآ بخصوصكـ إنتي فمآني عآرفهـ وآللهـ بس لآزم تجي بكرهـ وتسآلي آحسن وآفضل لكي ..
آتمنى آكون آفدتكـ ولو بشيء بسيط ..
بآلتوفيييييييييييييييييييييييق ..