استفسار مهم لو سمحتو..:(

[Dina-s-b]

السلام عليكم :)

حابة استفسر انا دحين ادرس فعزوز وعادي يعني بس بصراحة ما ابغاها :(

ابغى اروح ام القرى..بأفكر فالموضوع يعني عشان اتخصص هناك على طول..
بس ما ابغى اسحب ملفي من دون ما اتاكد اني انقبلت فالتخصص اللي ابغاه ينفع ولا لازم اسحب من عزوز واسجل هناك؟؟ لاني اخاف اسحب واسجل فام القرى وما انقبل فالتخصص اللي ابغاه واكل تبن بعدين :( لا اكسب هادي ولا هادي.. :(
واللي يعرف طريقة التقديم ومتى ودا الكلام ياريت يقولي :) وشكرا

[انتحاري والرب عالي]

انا والله ماعرف متى التقديم بس انصحكي اول شي تتعرفي على النسبه المطلوبه للتخصص الي تبغيــه واستخري الله واستشيري الي سبقوك من اهلك قرايبك واميك وابوكي واتمنى لكي دووووام التوفيق والسداد

اخوك

[Dina-s-b]

اها..طيب هوا بالنسبة يعني ولا بحسب اللي يقدمو؟؟؟؟؟؟؟
انا ابغى اقدم على طب صراحة :(
فلو بالنسبة واحد يعرف كم النسبة المطلوب برضو يجبلي معلومات :p

[J O M A N A]

شوفي يا حلوة انتي لازم تكوني عارفه التخصص الي تبغيه عشان تتأكدي في هناك في ام القرى ولا لأ لو لقيتي موجود اتوكلي على الله حولي ولا افتحي نفس موقع الجامعه وشوفي متى تاريخ التقديم

شوفي انا عن نفسي عندي ام القرى > ساكنة في مكة ,, بس كل يوم اضرب مشورا لعزوز عشان ما لقيت في ام القرى اقسام ابدن ,, ما عندهم كلية الاقتصاد والاداره للبنات لو كنتي حابة تتخصصي فيها ,, غير كدا ايش الفايدة ما تضيعي سنة وتدخلي اقسام خلاص غير مرغوب فيها ,, ولا تتعبي سنة وتدخلي القسم الي تبغي ما اقلك انه عزوز خارقة وفيها كل شي ,, بس خلاص عدى نص الترم ما بقي شي =)

الله يعينك ,, ولا تنسي تستخيري اهم شي =)

[J O M A N A]

اهاا انتي لو تبغي طب انصحك تدخلي في ام القرى عشان مع السنة التحطيمية ما تضمني معدلك يكون عالي وما تقدري تدخلي طب ,, ادرسي سنة سنتين هناك بعدين حولي عزووز خلاص على نفس التخصص اضمنلك =)

[Dina-s-b]

ايوة انا عارفة انا اصلا كنت علمي فبداية السنة بس لمن دخلت الجامعه مع الربشة قلتلهم حولوني ادبي :(
ودحين قالولي لو تبغي علمي لازم تسحبي ملفك وتقدمي تقديم جديد ولان معدلك انتي عالي راح تنقبلي على طول..
طيب ولو درست علمي وما دخلوني طب؟؟ بعدين ايش يصير سنتين تضيع يعني :( ؟؟
ما ابغى كدا
فقلت لو راح يقبلوني فمكة انو طب راح اروحها وانا مغمضة طبعا وبعد حتى خمسة سنين ما فرقت عندي احول فجدة ما همني بس اهم شي تخصص عدل :(
بس ما ابغى اسحب ملفي وما انقبل هناك طب ويروح عني هنا فجدة وفمكة يدخلوني تخصص اهبل
ياريت انتي طيب لو تساليلي اي احد تعرفيه انو متى التقديم ولازم اسحب ملفي واقدم ولا عادي انو اقدم عندهم ولمن اضمن اني انقبلت فالتخصص اللي ابغاه اقدم عندهم؟؟
يعني انا نسبتي الموزونة مو قليلة تعتبر حلوة :( بس ابغى اتاكد انو يقبلوني فالتخصص اللي ابغاه ولالا لانو لو ما انقبلت راح اجلس فجدة وادرس ادارة واقتصاد عادي :(
واكيد راح استخير :( بس ان شاء الله ربنا يختار اللي فيه الخير وانقبل هناك :(

[J O M A N A]

مررره لا تضيعي عمرك في الاقتصاد والادارة ازا في عندك فرصه انك تدخلي طب اصلا مافي مجال مقارنة =)

الله يهديكي كان وقت التقديم قدمتي في الاتنين ام القرى وعزوز التقديم اللي في النت عادي ما تفرق
تدري انا قدمت في حقت الرياض في جامعتين نورة والامام وقدمت في الطايف والمدينة جامعه طيبة بس كدا قلت اشوف فين انقبل وايت قسم الوااحد ما يدري فين الخير وما ابا اضيع فرصة تقديم

وشوفي متى موعدك هنا ومتى موعدك هنا ,, روحي للاول عشان تضمني انه تلاقي مكان
بس وشوفي نسبتك واليوم اللي يعطوكي على حسب نسبتك روحي وفي يدك القرار ,
كانو عاملين في ام القرى صفحة في موقعهم يكتبو كل الاقسام والخانه التانيه انه اتملاا من الطالبات وقفلوعلى القسم ولا لسا في مجال
طبعا الكلام دا في اسبوع التقديم انه تقديم الاوراق وكدا يعني لو مثلا شفتي انه الطب اتقفل قبل ما يجي اليوم المحدد ليكي خلاص لا تفكري تختاري القسم دا و تروحي فهمتي علياا

لو لقيتي نفسك انقبلتي طب هناك خلاص انتي اوراقك معاكي و اتوكلي على الله واديهم ملفك لو لا قدر الله وقالولك انه اتملا الطب خليكي ماسكة ملفك وارجعي عزوز زي الحلوين
لو تبغي معد التقديم تلاقي في موقعهم يكتبو اكيد وانا اشوف اسألك وفي كتير من صحباتي اللي كانو يبغو طب وما انقبلو دخلو علوم طبية وقالو ان شاء الله يجيبو معدل ويحولو طب

و لو تبغي بداااااال الحوسة دي كلهااا يا قلبي عندك البترجي ولا ابن سينا وريحي دمااغك

موفقة =)

[نواااره]

اتوقع لازم تسحبي ملفك بعدين تقدمي

لان كيف تقدمي بدون شهاده =)

ومع ان نسبتك عاليه اكييد رح يقبلوك وانتي مغمظه زي مايقولوا

وبالتــــــــــــــــــــــوفيق..لك

[Mr.ALMOT7]

اخي الكريم

انا العام قدمت في ام القرى ونقبلت وكانت درجتي الوزونه 83 %

ونقبلت واقسام وكليات كثيره مفتوحه ومااكتفت وقدر الله وبطلت

لاكن سمعت ان جامعه ام القرى بتسوي سنه تحظيريه والله اعلم

[بنت عزو]

اول شيء الافضل انك ما تسحبي كملي حبيبتي

بعدين بقول لك حاجه

بنت خالتي كان بجامعة الملك عبدالعزيز العام

وسحبت بالفصل الثاني

وقدمت بداية السنه على جامعة ام القرى ولا قبلوها بالتخصص اللي هي تبيه رياضيات

ورجعت قدمت على جامعة الملك عبدالعزيز وقبلوها

والحين هي معنا 10 بس تخصصها علمي

وربي يوفقك