طالبات دفعة 09 .. [ رحلة فاشلة جداً لتحديد التخصص ] .. تفضلن

[Queen Designs]

مرحبا صبايا ..

حبيت ابشركم اختي اليوم راحت الجامعة عشان تحدد تخصصها بعد اكمالها كل مواد السنة التحضيرية بنجاح .. و لمن دخلت عمادة القبول والتسجيل .. قالت لها وحده و بأسلوب جداً جداً غريب .. اطلعي برا و انتظري .. كأنها قاعدة تكلم وحده تنظف في الجامعة ..

طبعاً اختي سكتت و داست على كرامتها و سكرت فمها وطعلت ..

و انتظرت

وانتظرت

وانتظرت

وانتظرت

وانتظرت

و انتظرت

وانتظرت

وانتظرت

وانتظرت


و انتظرت

وانتظرت

وانتظرت

وانتظرت

سااااااااااااااااااااعتين ..

و في الأخير ..

جات بكل برود تقول ..

ايش اسوي لك ؟!!

الكمبيوتر خربان تعالي يوم السبت ..
طيب والتعب ؟ والقومة بدري ؟ وابوي اللي مأخذ اجازة بس عشان هاليوم ؟
طيحته عند الشمس ساعتين و بعدين بكل برود ايش اسوي لك ؟ اقول لك اش تسوي لي قولي لي من اول انو خربان عشان ماتعب نفسي و انتظر

المهم اختي مرة انقهرت .. ولكن قولتلها مدام يوم السبت بيخصصونك هدي نفسك ..



الخلاصة من الموضوع :

1 ) حبيت اقول لكم لا تروحوا الجامعة بكرا عشان ما تتفشلو و تعبو نفسكم زيي اختي المحروسة ..

2 ) لازم تروحوا يوم السبت عشان تكملوا اجراءات تخصصكم ..

3 ) الطالبات اللي تعثرن لازم يروحوا بكرا عشان يعبوا استمارة تحويل للانتساب او تعليم عن بعد ..

4 ) اللي مرة مرة ماتحب احد يغلط عليها تتحمل عشان مستقبلها لان راح يغلطوا عليكي كثير ..


موفقين حبيباتي

و انتن السابقون و نحن اللاحقون

[رنيم الشوق]

مشكور قلبي الله يطمن قلبك نصبر ونشوف

[دعاء الغامدي]

ااوف وناس يقولو اتخصصو من الجامعه ايش الهم دا

[نجمة ليل]

طيب أنا أقول اش صار مع صاحبتي لمن راحت تسجل رغبات التخصص قالتلها الحرمة من النت
بعدين قالتها يلا تعالي خدي الأستمارة هذي وعبيها
يعني لعب بلعب بالأعصاب الله يسهل بس

[Mr.ALMOT7]

فعلا مشكلتنا ان تبقا موظف سعودي او سعوديه على مكتب رافع خشمه في السما (الامن رحم الله )

ماعندهم غير تعال بكره بعد اسبوع وعلى هذا الحال

المشكله

لو سئل نفسه ليش موظفينه بيعرف الجواب

[Queen Designs]

مشكورين على مروركم العطر ..

والله يوفقك الجميع ..

واي احد عنده اخبار عن دفعة 09 يسدحها فيذا .. :d

[مايلي]

هو دا غريب عنهم طول عمرهم قليلات ادب ومايحترمو احد انا رحت اغير بطاقتي عشان يكتبو التخصص غيرولي الصوره وحطولي هي ابيض واسود كاني دراكولا ولمن رحت مره تانيه عشان اغير الصوره كلهم اتفقوا عليه تسال صاحبتها قدامي الصوره فيها شي وتجاوب لا بكل برود اتفقعت مرارتي منهم

[LO0Oza]

آآآآآآآآآآآآآآآآآآآآآآهـ بس الحمد لله ماقد مريت على وحده زي كدا الحمد لله انا من النوع ما اتحمل مراااااااااااااااا

[وهم الخلود]

عماده القبول والتسجيل ؟؟؟؟

الي سمعته انو بالشؤون التعليميه الاكاديميه تعبئه الاستماره

انا رايحه بكرى ان شاااء الله لمبنى 7 وان شاااء الله يعطوني وجه

[لقيت روحي]

كـــوين ديزايــن ..>> الموظفة المحروووسة ايش اسمها ...



انا حصلي موقف ..

واحدة سوت لي نفس الحركة ..

قمت قلت لها وجع في شكلكـ من القهر ..

ومشيت وماعرفتني لأنها ماطالعت بوجهي اصلا ..؟؟