بنات الي اخدت عند حنان مبارك f في مادة النوع الإجتماعي ضروري تدخل

[SOFTMOON]

السلام عليكم ورحمة الله وبركاته
طبعا الدرجة كانت فاجعة بالنسبة لي f مستحيل في مادة سهلة زي كدة اخد f وفي نفس اليوم اختبرت ادارة اعمال دولية E وجبت فيها 95 الحمد لله
وباقي المواد كلها امتياز
المهم رحت للأستاذة وطلبت منها تجيب ورقة الإجابة والأسئلة قالت تعالي بكرة ورحت تاني يوم قالت لي انتي ماخدة 52 قلت مستحيل انا متأكدة من اجاباتي ومستحيل اخد اقل من 90 فيها
المهم جات عيني على رقم النموذج لقيتها مغيرة الرقم من 1 الى 2 حتى زميلتي نفس الشي ونفس الدرجة بأي حق تغير رقم النموذج ؟
قلنا لها إحنا نموذج 1 مو 2 قالت لا كلو نفس الشي كيف نفس الشي ؟وبعدين كيف تغير رقم النموذج وتصحح لي على اساس نموذج 2 وانا 1
طبعا ما هي راضية تجيب ورقة اسئلتي طبعا لان مكتوب فيها اسمي ورقم النموذج كان 1 وفي شي تاني نسيتو الأستاذة ان نموذج 2 سقطت منو الورقة 7 وقالو للبنات سيبو الفقرات فاضية طيب انا ورقتي محلولة كيف لأني نموذج 1 مو 2
يابنات روحو عندها واتأكدو من رقم النموذج واذا مسوية لكم زيي خلينا نشتكيها وناخد حقنا بإذن الله
يعني حرام المعدل ينزل
مستنية ردودكم يابنات