سؤال بخصوص الإختبار في الرياض

[um shahdodh]

السلام عليكم ورحمة الله وبركاتة

أنا أخطط إن شاء الله إني أسجل السنة الجاية

إنتساب

بس حبيت أستفسر
أنا سمعت إنه بس السنة الأولى أقدر أختبر بالرياض والباقي لا

هل هذا صحيح؟
أبغى خبر موثوق

[علوم نشمي]

نعم الي سمعته صحيح
السنه التحضيرية الاولى فقط اما باقي السنوات الثلاثه الله يعينك في جده

[um shahdodh]

أجل أحلامي تحطمت

[الـتـمـيـمـي]

وليه احلامك تحطمت وانا اخوك ؟

اول شي التوفيق من الله والله لو الإختبارات في نفس المدينه اللي انتي فيها ونفس الحاره اللي انتي ساكنتها وما كتب ربي نجاحك ما راح تنجحين .. ولو كانت الإختبارات في كوكب عطارد جنب المحطه الثانيه من مدخل الكوكب وربي كاتب تنجحين راح تنجحين هذا اولاً .

والشي الثاني مهما كانت ظروفك سواء كانت بإستحالة سفرك لجده لأداء الإختبارات هناك او كانت لأسباب ثانيه .. انتي الحين سجلي واذا قبلوك اختبري اول سنه بالرياض .. وما تدرين ممكن من بداية الترم الثاني للسنه هذي او بداية السنه الجايه تعتمد الجامعه نظام اختبار المناطق بشكل رسمي لكل سنوات الجامعه .

انتي بس توكلي على الله وقدمي اوراقك للتسجيل .. وإن شاء الله المسأله تساهيل .

لا تخلين حاجه بسيطه مثل هذي توقف أمام طموحاتك .

الله يوفقنا وياك والجميع ان شاء الله .