عن سحب الترم دا..بليز اللي يعرف يقولي..:(

[smooth Hanno]

مرحبا..

بليز ابغا اعرف شي بس ولازم وضروري اعرفو..انا دحين وسط اختبارات واختبرت ماده وباقيلي 3 مواد اختبرها..ولازم اسحب لاني محا اقدر احضر باقي المواد لظروف سارتلي..بس مدري يقبلو اني اسحب او لا :(

بلـــــــــــــــــــــــــــــــــــــيز بلـــــــــــــــــــــــــــــــــــــيز اللي يعرف لايبخل عليا ويقولي..

وفضلا لا امرا:بســـــــــــــــــــــــرعه :(

[XxX..sMHr..XxX]

اهليييييين سيس..
بصرااحه بحكم انك انتسااب ف ماادري ايش وضع هالامور عندكم بالضبط
بس انو ليييه تسحبي مو في شي اسمو اعتذار عن السمستر ولا مافي عندكم..

ان شالله غيري يفيدك ..ربي يوفقك

[smooth Hanno]

اللا في وي..بس مدري يقبلوه دحين او لا..:(

[XxX..sMHr..XxX]

طيب الاعتذااار يصير عن طريق موقع الأودوز ..يعني اعتقد مو لازم تروحيلهم شخصيا..
بس لو اعتذرتي رااح يروح عليكي السمستر كامل يعني ترجعي بعدين من جديد تبدأي ثاااني..


ان شالله تتم افااادتك في الموضوع اكثر من غيري..

[smooth Hanno]

ايوا عارفه ياقلبي..بس المصيبه فين..انو الاوبشن حق الاعتزار مهو في دحين..وخايفه انو حتى لو رحتلهم يقولولي مافي..:(

[XxX..sMHr..XxX]

الله يعييينكـ ويسهل عليكي..
شوووفي هذا الرابط ..رااجعي فيه شروط الاعتذار والتأجيل..
http://www.skaau.com/vb/showthread.php?t=57311

والافضل لكي اسألي العمااادة احسن ..

[smooth Hanno]

تسلميلي ياقمر..جزاكي الله خير..:)

[hofy]

السلام عليكم ورحمة الله وبركاته .. حبيت اسأل عن الاعتذار ترمين ورا بعض ..وبعد كذا متى اقدر ادرس المواد اللي راحت عليا .. لاني اول مره اقدم اعتذار ومني عارفه النتائج المترتبه عليه .. ارجو الرد مع جزيل الشكر ..

[XxX..sMHr..XxX]

المشاركة الأصلية كتبت بواسطة hofy السلام عليكم ورحمة الله وبركاته .. حبيت اسأل عن الاعتذار ترمين ورا بعض ..وبعد كذا متى اقدر ادرس المواد اللي راحت عليا .. لاني اول مره اقدم اعتذار ومني عارفه النتائج المترتبه عليه .. ارجو الرد مع جزيل الشكر ..

اعتقد والله اعلم انو تقدري تعتذري بس عن تلات سمسترات او اتنين فقط >>المهم انو في مدة معينه بس

لما ترجعي تبدأي دراااسه تااني عااادي رااح تدرسي المواد زي ماهيا مثلا في خطتك لا شي يزييد ولا شي ينقص ..
هذا اللي اعررفه وان شالله يفيدك غيري
بالتوفيييق

[همس الحزن]

عزيزتي ..

نصيحة لا تقدمي إعتذار قدمي شئ إسمه تأجيل .. عشان المكافأة ما تنخصم منك لمن ترجعي ..

انا قدمت اعتذار لمدة سنة كاملة بعد ما حولت انتظام لأني كنت مسافره .. ولمن رجعت كملت سنتين دراسه.. الآن يقولولي هذا آخر ترم لك مكافأة لأنه مدتك الدراسيه انتهت سواء اعتذرتي او حضرتي ..
بس التأجيل خذي قد ما تقدري من أترام ومكافأتك تنتظرك لمن ترجعي تاخذيها بنفس مدتك..



بالتوفيق..ْ~