لطلاب خطة ( أ )>> الله يسعدكم

[MOHJA]

السلام عليكم و رحمة الله و بركاته ..

اللي كنتوا خطة " أ ".. الله يسعدكم و يفتح لكم يارب ..

ممكن الله يخليكم تقولوا لنا طرق المزاكرة لكل مادة .. عشان نبدأ من البداية نزاكــر صح ..

كيف نزاكر و من فين ؟؟ و مشكووووورين ...

جزاكم الله خير ..ِ

[سيسيليفينيا]

شوفي المذاكره بالاول والاخير تعتمد عليكي ...... والمذاكره اول باول
الماث لاتشتتي نفسك بالملخصات ...الكتاب موضح كل شئ بطريقه مبسطه اهم شئ افهمي مع الاستاذه
وارجعي ذاكريه واذا مافهمتي شئ ارجعيلها وترى كلو حق الثانوي يعني اذا عندك كتاب الثانوي ارجعيله
وحل التمارين نهايه كل درس اول باول وكثييييييييير يجيبوا منها في الاختبار ....
الفزكس ... اعتمدي على كتابك وفهمك ... افهمي لا تحفضي ...بس اول 3 ابواب ذاكريها من ملخص
بس ابدا ماانصحك تذاكري بقيه الابواب من ملخصات لانو مايجي شئ منها ...تتعبي نفسك ع الفاضي
واحضري السكاشن.. وترى مره متعاونات استاذات السكاشن ويوصولولك المعلومه بأمانه ..واسأليهم عن اي
شئ مو فاهمته.............وبالتوفيق

[غلا قلبه]

اول شي حبيت اقول لك ان خطه أ رائعه وراح تستمتعي فيها ان شاء الله
شدي حيلك وركزي مررره على الرياضيات هي سهلة والمنهج مكرر بس حاولي تتدربي على اسئلة السنين اللي راحت واسئلة شوي معقده لان تمارين الكتاب مرره مباشرة ومايجي منها كثير الاغلب تكون شوي معقده
الفيزياء مره روعه وبالنسبه لي كانت مادة التنفيس في خطة أ ذاكري من الكتاب ولا تشتتي نفسك بالملخصات اول ماتاخذي محاضرة ارجعي البيت ذاكريها واحفظي القوانين زي اسمك وبإذن الله راح تجيبي علامة حلوة بالفيزياء
المهارات كنت آخذ المحاضرة وارجع البيت احفظها بس اذا مافي وقت وهالشي صار على نهاية الترم يوم الخميس او الجمعة اذاكر المحاضرات اللي اخذتها خلال الاسبوع وهي 2
الحاسب ركزي عليه لان الاسئلة غريبة يجيبون مصطلحات مو في الكتاب وبالانجليزي يعني فلللله :) بعد كل محاضرة امسي الكتاب والجهاز وطبقي عشان ترسخ براسك المحاضرة
ووووبس هذا كل اللي ببالي
بالتوفيق والله يسهل عليكِ
ودي..

[سوار]

جزاكم الله خير

[MOHJA]

مشكورين و الله يا بنات .. ما قصرتوا و ربنا ان شاء الله يوفقكم في خطة ب ..

اذا تبوا اي شي انا موجودة ..

جزاكم الله خير .