استفسار بخصوص تكملة البكالوريوس بعد الدبلوم

[سما الوجدان]

السلام عليكم ورحمة الله وبركاته

انا مخلصة دبلوم محاسبة وودي اكمل بالجامعة ...سؤالي نظام المعادلة يعني معادلة المواد متوفر بالجامعة ولا لا ؟؟؟؟يعني في امكانية اني اقدر اكمل الدبلوم ؟؟
ياليت تردون علي
اختكم
سما الوجدان

[سما الوجدان]

يؤؤؤؤؤ ......بليزززز ردو علي ؟؟؟؟؟؟؟

[M!Ss.Dudi]

اتوقع ممكن ,, لان دكتورة الحاسب قالت لنا الي ماخذا icdl في مركز معتمد ودرجاتها كويسه تراجع الجامعه عشان يعادلوا لها وبلاش تدرس الحاسب
فأتوقع ممكن يعادلوا لك المواد المشتركة لو دبلومك معتمد و أفضل لو تتصلي على الجامعه ولا ترسلي لهم على الاسئلة المتكرره في الموقع وتستفسري

[السلمي 2010]

وعليكم السلام ورحمة الله
أهلا أختي سما الوجدان بالنسبه للمعادله أنا مثلك
عندي شهادة icdl وأبغى أعادلها ولم أجد الحل إلى الان
وأتمنى من الأعضاء والمراقبين أن يفيدونا بذلك
عشان يمدينا نسوي المعادله
وبالتوفيق للجميع

[سما الوجدان]

مشكووورين على ردكم واهتمامكم
بس على فكرة انا تخصصي محاسبة متخرجة من كلية التقنية ...يعني مو حاسب !!
طيب كم الرسوم على الماده الوحدة ؟؟؟

[السلمي 2010]

هلا بك أختي أنا أدري إن تخصصك محاسبه
لاكن على فكره بالنسبه للتعليم عن بعد لايوجد تخصص محاسبه الى الآن
والرسوم 4000 للترم الواحد
بالتوفيق

[سما الوجدان]

هلا اخوي
طيب انتساب موجود تخصص المحاسبة ؟؟؟

[السلمي 2010]

على حسب علمي لايوجد حتى عند الإنتساب
وإذا أنتي مهتمه راح أتأكد لك من العمادة

[سما الوجدان]

ياليت والله اخوي السلمي تتاكد لي
واكون شاكرة لك

[السلمي 2010]

اختي سما الوجدان


اتصلت على عمادة القبول والتسجيل لكي اسألهم عن التخصص ولم يردعلي احد

واتصلت بعد ذلك على عمادة التعليم عن بعد وردوا سألت الموظف عن تخصص المحاسبه
وقال لايوجد بالتعليم عن بعد تخصص محاسبه
بالنسبه للإنتساب نفس الوضع على ماأعتقد لايوجد

اتمنى التوفيق لنا ولكم