الردود السلبيه على مواضيع السنه التحضيريه

[DANoOo.R]

السلام عليكم جميعاً
إن شاء الله يكون الكل بخير والكل حل في الاختبارات كويس
اليوم الموضوع اللي راح أتكلم عنه أتوقع أنه كثير من أعضاء المنتدى بيعانوا منه وبيتأثروا بيه ومنهم أنا وهو
(الردود السلبيه على المواضيع المطروحه في المنتدى من قبل الأعضاء الآخرين)
يعني بـ إختصار الكل عارف أنه احنا في فتره اختبارات ومو أي اختبارات اختبارات راح تحدد مصيرنا ومستقبلنا والكل لازم يشد حيله ويجتهد عشان يحقق اللي هو يبغاه..
هذه الردود اللي أنا بتكلم عليها بتأثر على نفس الشخص اللي كتبها وعلى الأعضاء اللي بيقروها يعني مثلا من بعض هذه الردود لما يجي عضو ويكتبلك أنا بكره لازم أغلط في الاختبار لأنه صعب أو الغلط في الاختبار شي لابد منه فبالتالي اللي راح يقرأ هذا الرد راح يبرمج في عقله أنه ايوا صح كلامه احنا لازم في كل اختبار نغلط أو مستحيل أجيب الفل مارك لأنه الاختبار صعب.. احنا في هذا المنتدى محتاجين لأحد يحفزنا ويرفع معنوياتنا مو نحبط أنفسنا وبعدين نحط غلطنا على غيرنا أو نلوم أحد تاني سواء دكتور/ة أو أستاذ/ة أو حتى أسئله..هذا الشي ماراح ينفعك في النهايه وأنت أو أنتي اللي راح تضيعي بسبب كلام مالوا أي قاعده أو معنى.
فياريت أنه نغير ردودنا السلبيه إلى ردود إيجابيه حتى لو كان في شي انت/ي مضايق/ة منه تقدر تطرح ردك بطريقه ثانيه بحيث أنه مايأثر سلبياً على اللي يقراه..
أتمنى تكون وصلت فكرتي ورسالتي للجميع..وهذا الكلام أعتبروه نصيحه وأتمنى الكل يتقبلها وإذا كان في أحد عنده اعتراض على الموضوع أتمنى أنه يكتب رده وأنا راح أتقبل أرآئكم وإذا كان فيها نقاش راح نناقشها سوا.
أسفه على الإطاله وأتمنى الكل يتوفق في الإختبارات ويجيب الفل مارك في النهائي وإن شاء الله ربنا يحقق لكل واحد اللي يبغاه ودايماً أتذكروا أنه ربنا مستحيل يضيع تعب أحد وراح يعوضنا خير

نهاية كلامي أشكر الأخ مراد الجنيد لأنه كان أول عضو دعم فكرتي واوحى لي بطرح هذا الموضوع
شكراً لك أخي مراد الجنيد وربنا يوفقك في اختباراتك ويحقق لك اللي في بالك

أختكم..DANoOo.R

[مراد الجنيد]

اولا انا سعيد لاني من اول الردود واشكرك على تفهمك لي وعلى دعواتك الحلوة واتمنى من الاعضاء انهم يقرؤا ويطبقوا
وشكرا على الموضوع الرائع

[Roo7i]

يسلموووووو ياقلبووو نصايحك زي العسل تسلمين
بس الواحد مايحطم نفسة بس يتكلم ويفضض عن الي بداخلة وبس
وبالتوفيق للجميع ياارب

[طيوف الحب]

مشكووووووووورة ع الموضوع يا قمر

بس انا عندي تعليق
لما الواحد يكتب انا غلطت او الاخطاء لابد منها مو معناته انوو يبغى يحبط الباقين هوه يتكلم عن شي جواته في نفسه زي ما قالت روحي والله كلامها صح
بس المشكلة في اللي يفهمها كذا طيب انا ما اقول اللي في نفسي علشان هوه ما يحبط لا هوه لا يقرا هذي الردود ولا يصير له احباط ولا حاجة
ولو اخذناها من باب الدعااابه والمزح وانو هذا كلامنا مع بعض زي الاخووووووووووان ما راح يصير شي

اتمنى تتقبلي ردي بصدر رحب يا قمر
وانت كمان يا اخ مراد

ويسلموو مره تانية ع الموضوع

[Man Of The Love]

المشاركة الأصلية كتبت بواسطة roo7i يسلموووووو ياقلبووو نصايحك زي العسل تسلمين بس الواحد مايحطم نفسة بس يتكلم ويفضض عن الي بداخلة وبس وبالتوفيق للجميع ياارب

نفس الي كنت بقولة بالضبط
مجرد فضفضة

[DANoOo.R]

أشكر كل اللي ردوا على الموضوع سواء اللي كانوا مؤيدين أو معترضين
وأحب أذكر أنه هذي كانت مجرد نصيحه
وأحب أرد على العضاء اللي قالوا إنها فضفضه مو شرط إنك تفضفضي بطريقه سليبه فضفضي بطريقه إيجابيه
وشكراً مره تانيه على الردود الحلوة

DANoOo.R

[شموخ لاينتهي..!!]

كل واحد يفضفض بالطريقه اللي تعجبه ..
اذا غلط بالاختبار يدخل المنتدى ويكذب ويقول انا حليت ومتاكد من الفل مارك..
مستحيل صح..
مجرد فضفضة لااقل ولا اكثر..
تقبلي مروري..

[love me for me]

مررررره حلو الموضوع
وتسلم :)
هوا صح الواحد لمن يتكلم مو معناتو يبغا يحطم الي قدامو بس يفضفض
بس بجد في ناس يتأثرو بالكلام
زي انا عندي برمجه كلاميه واللهي لمن تكون الماده مزاكرتها ميه مره وبس يجي احد يقلي صعبه خلاص اشوفها اخاف واشوف من جد كل شي صعب

مره تانيه اشكرك على الموضوع مره حلو ^_^

[ميعاد]

كل واحد يفضفض بالطريقه اللي تعجبه .. اذا غلط بالاختبار يدخل المنتدى ويكذب ويقول انا حليت ومتاكد من الفل مارك.. مستحيل صح.. مجرد فضفضة لااقل ولا اكثر.. تقبلي مروري..

صح..

بس صح لازم كماان نحااول بلاشي احباطات ..

بالتوفييق للجميع.

[غروري ذبحهم]

مشكووووووووووووورهـ يآعسل ع آلنصآيح وزي مآقلتي كل وآحد ولو وجة نظرهـ ..
بس آنآ مآ آعتبرهآ سلبيه لآنهآ مو صدق بس لمآ آلوآحد يكون مرهـ مقهور ومتضآيق تخرج كلمآت منه بس مو قصدهـ .. آكيد من إللي حس فيه بس عشآن يريح نفسه مو عشآن شيء ثآني ..
وبآلتوفييق يآآرب ..