سؤال عن تصديق الشهادة الثانوية

[ahmadalamri]

السلام عليكم ورحمة الله وبركاته

اخواني اود ان اسألكم عن تصديق الشهادة الثانوية

عندي صورة من الشهادة الثانوية ومصدقة من المدرسة هل تقبلها الجامعة لانه مااعرف اش معنى التصديق هل هو التصديق من عن طريق المدرسة او عن طريق الوزارة افيدوني جزاكم الله خير

اود ان اسمع ردوركم باسرع وقت اذا ممكن اليوم لانه ماعندي اجازة غير بكرة الاثنين اخلص اموري كلها الله يفتح عليكم وينور دربكم ويسهل اموركم

ملاحظة انا اود ان اتقدم للانتساب السنة القادمة
وفقني الله ووفقكم فيما يحبه ويرضاه

[خالد9876]

اخوي انا ما ادري هم يقبلون الشهادة المصدقة لاكن التصديق على العموم من الوزارة هذا اول شي والشي الثاني اذا كنت بتروح للوزاره سو بدل فاقد ازين لك ولا تاخذ عندهم وقت للتقديم على ما اعتقد تقدم اليوم وتاخذها بكره او شي زي كذا... فالافضل انك تطلع شهادة بدل فاقد... وتقدر تستفسر من الجامعه اذا كانو يقبلون الصوره المصدقة والا لا افضل.

والله يوفق الجميع

[الهوى غربي]

وعليكم السلام ورحمة الله

بالنسبه لتصديق الشهادة لابد ان يكون من وزارة التربيه والتعليم ولا تشيل هم اول ما تدخل الوزارة اسئل عن المكتب المختص وبيدلونك عليه وما راح تأخذ وقت انشاءالله

وانصحك خذ معك عشر صور او اكثر وصدقها من عندهم يمكن يوم تحتاج صورة مصدقه فتريحك من المشوار

اتمنى لك التوفيق

[الطاير]

يتم التصديق عن طريق ادارة التعليم في المدينة التي تسكن بها
وذلك بوضع ختم لونه أخضر مكتوب عليه صورة طبق الأصل

[عبدالله بن سليمان]

اذا كنت بالرياض

خذ صور من شهادتك

وروح لإدارة التربية والتعليم (بنين) بالرياض

في شارع الجامعة بالملز

خلف مبنى الادارة بالطبط

فيه مبنى مدرسي هذي ادارة الامتحانات

تابعة للادارة

هناك تختم شهادتك وانت واقف ماتحتاج الى وقت

لاني ختمت شهادتي من هناك

وقبلوها

اضمن لك تختمها من هناك

اتمنى اكون افدتك

وبالتوفيق