اللهم عسر علي من عسر علي عبادك ويسر لمن يسر لهم

[محمد الهاجري]

السلام عليكم ورحمة الله وبركاته

البارح اختبار الثقافة الاسلاميه لطلاب الرياض كان يوحي بأن اللي حاط الاسئله كان متهاوش مع زوجته او انه عليه قرض او دين او فيه شي مضيق صدره لان احس ان الهدف من الماده ثقافة عامه ومبدئيه اسلاميه ماهي ماده تخصصيه في اصول الدين والا العقود والبيوع ماده مدخل وسهله ثقافه عامه كل مسلم يعرفها حتى بدون قراية المنهج لكن الاخ حاط لنا اسئله ماشفت مثلها في نماذج السنين اللي راحت !! حتى لون الورقه وطريقة ترتيب الاسئله جابت لنا العمى والصداع وكل الاسئله خمس اختيارات وكل سؤال لازم فيه فقرتين صح وطريقة الاسئله ملتويه بطريقه غريبه مافيه ولاسؤال سهل ومباشر !!

انا وسط الاختبار وقفت وتسائلت : ياولد انت ماتعرف شي عن دينك والا وش القصه ؟

يوم ألتفت علي الطلاب اللي حولي اللي كان يعض شفايفه والا كان يلعب بالقلم بين اصابعه واللي يطالع الساعه يبي يسلم الورقه ويفتك من الصداع ؟

السؤال : فيه المنهج توضيح لسهوله الدين ويسره ووضوحه ؟ طيب يادكتورنا الفاضل وينك انت من السهوله وين انت من الحديث يسروا ولا تعسروا ؟

اولا حنا طلاب انتساب ماحضرنا شرحك ولاكان التحصيل العلمي عندنا تراكمي بحيث يسمح لنا نحفظ كل شي بسهوله

ثانيا حتى طلاب الانتظام اتوقع يضيعون في هالاختبار لانه كل لف ودوران واسئله من وسط السطور

ثالثا هذا مثال علي التواء الاسئله : فرض الكفايه ... هل هو مطلوب : من جميع المسلمين لا مجموعهم , او من مجموع المسلمين لا جميعهم ؟
!!! فرض الكفايه اسهل شي دارسينه من الابتدائي ونعرف انه اذا قام به البعض يسقط عن الكل .... ليه ما تسائل بشكل مباشر انا متاكد اكثر الطلاب تلخبطوا في كلمه مجموع وجميع ..... طبعا هو يقصد انها مطلوبه من مجموع المسلمين يعني من جماعة المسلمين كلهم مو من جميعهم فرد فرد بس ليه التصعيب في اسلوب السؤال ؟.... خاصه الاسئله تحتاج تركيز وكثيره والوقت ضيق ناقصين يعني تحط لنا اسئله تخلي المخ يهنق !!!!

الخلاصه انا كثرت كلام بس من قهري حطيت هالرساله هنا يمكن يوصل الصوت واذكرك يااللي حطيت الاسئله انك منت احسن من الشيخ عبدالحميد كشك فارس المنابر وهو يقول في احد خطبة سهلوا علي الطلبة يسهل الله عليكم ........ وانا اقول من قلب : يارب من يسر علي عبادك يسر عليه ومن عسر عسر عليه

انتهي الكلام علي امل توصل هالرساله مبتغاها

[somaa]

لاحول ولاقوة الا بالله والله اني حزنت يوم قريت الموضوع بس الله يوفق الجميع وان شاء الله تعدون هذي الماده ياااارب
انا مثلك امس كان علي اختبار تحليل احصائي وللاسف نفس الوضع الاسئله قمممممه في التعقيد ماادري هم يحسبون اننا نحضر ماجستير او دكتوراه يوم يحطون لنا هذي الاسئله ؟؟؟؟
للاسف احتمااااااااااال كبييييييير احمل هذي الماده لاني ماعرفت احل الا يمكن 5 اسئله فقط لاغير والباقي كللللللللللله غلط
على العموم دعائي للجميع بالتوفيق والنجاح
تحياتي

[محمد الهاجري]

الله يوفقك يا سومه .... اتذكر اختبار الاحصاء الترم اللي راح خلص الوقت وانا في السؤال 12 كان باقي اسئله صح وخطا حطيتها كلها خطاء من باب يمكن يصدف نصها والله حتى ماقريت الاسئله لان الوقت خلص ههههه مدري كيف سؤال رياضيات مطلوب تحله في دقيقتين !! الظاهر مدرسين حنا مو طلبه ....... ع العموم التوفيق من الله ولاتخافين وربي يمكن تجيك درجة تفاجئك .... الله يوفق الجميع امين

[@ندى@]

خوفتوني وربي باقي الثقافة احنا السبت نختبرها والاحصاء بكرة ربي يستر يارب ويسهل كل عسير علينا وعليك ويارب انك تعدي المادة يارب العباد

[كيان]

انا اقول اللي ما اختبر في الثقافة يركز في المذاكرة .. مثل ما قال اخوي الهاجري اسئله فيها لف ودوران

[الــخــطــاف]

السلام عليكم ورحمة الله وبركاته ،،،
ياخي ذكرتني بسالفه صارت مع واحد من الشباب في ثقافه 2 . رسب في المادة ولاتوقع وراح للمسؤلين في الجامعة ووش قالهم تدرون وش قال ..
..
قال (أنا مسلم ) وارسب في مادة الثقافه الإسلامية ههههههههههههههههه