د/ عبد الهدي الغامدي يبشر الطلاب والطالبات

[المهم أبن المهم]

السلام عليكم ورحمه الله وبركاته

كيفكم إن شاء الله طيبين
طلاب وطالبات القانون التجاري bl211
طبعا الكلام اللي هكتبه صار لنا اليوم الإثنين الساعه واحده ظهرا
لأانه أعتقد في شعب يدرسها غيرنا
ادخل في الموضوع على طول بالنسبه للي درجاتهم طايحه زي حالتي >> فرحان

بشرنا اليوم الدكتور عبد الهادي الغامديوالله سعدنا كطلاب وطالبات بهذا كثيرا

المهم اللي جايب في الإختبار الاول 30 درجه على سبيل المثال وجاب في الثاني 40 درجه

يكون الفرق بينهم 10 درجات صح العشره درجات هذه اضربها بأثنين = 20 درجه زياده لك

وخمس درجات من عند الدكتور زياده غير الدرجات اللي يضربها في اثنين

يعني يطلع مجموعه في هذا المثال 95 درجه وربي ونااااااااسه

المهم الشي الثاني المهم

طبعا محذوف علينا مواضيع وذه للي مو عارفها
1 / إجراءات تأسيس شركات المساهمة
2 / شروط إجراءات إصدار السندات

وبالنسبه لشركه المسؤوليه المحدوده لخصها لنا في 16 نقطه قال اللي يحفضها الله يعطيه العافيه يعني ماراح تطلع منها اسئله الإختبار اللي تجي بخصوص الشركات ذات المسؤوليه المحدود
اي طالب ولا طالبه ماهي عندها الـ16 نقطه علموني وانا أكتبها لكم

ويارب وفقنا في الإختبارات

وياليت ماأكون طولت عليكم

[المهم أبن المهم]

تقريبا نفس كلام الأخ
ويبدو أنو ي شعبه غير اللي انا فيها

يعني شكلو على كل الشعب

اي والله الله يعطيه العافيه وماقصر الدكتور

انا يمكن زودت شي بسيط

ويارب اننا ننجح في الإختبارات ونجيب درجات حلوووه

[mhawe]

الله يبشركم بالخير انت والأخ طارق على هدا الخبر ..

أنا اليوم ماحضرت ياليت تنزلنا ال16 نقطة ..

وهل في محاضرة السبت الجاي ولا دي اخر محاضرة ؟

وكمان الدكتور اليوم تكلم عن الحضور والغياب ولالا؟

ومرة تانية الله يجزاكم خير على هدا الخبر ..

[المهم أبن المهم]

المشاركة الأصلية كتبت بواسطة mhawe الله يبشركم بالخير انت والأخ طارق على هدا الخبر .. أنا اليوم ماحضرت ياليت تنزلنا ال16 نقطة .. وهل في محاضرة السبت الجاي ولا دي اخر محاضرة ؟ وكمان الدكتور اليوم تكلم عن الحضور والغياب ولالا؟ ومرة تانية الله يجزاكم خير على هدا الخبر ..

طيب خيتو تكرمي
هذه الـ16 نقطه :
طبعا كلها تخص الشركات ذات المسؤولية المحدوده
1/ هي من الشركات المختلطه (تجمع بين بعض خصائص شركات الأشخاص وبعض خصائص شركات الأموال)

2/ لا يوجدحد أدنى لرأس المال (حسب مايتفق علية الشركاء )

3/ الحد الأدنى للشركاء شريكين

4/الحد الأعلى للشركاء خمسين شريكا

5/كل شريك مسؤول عن ديون الشركة بمقدار الحصة التي ساهم فيها

6/ لايجوز لهذه الشركه أن تلجأ للإكتتاب أو للإقتراض

7/الحصص فيها تكون إما عينيه أو نقدية (اي لايوجد حصة بعمل )

8/ الشركاء مسؤولين مسؤوليه تضامنيه في حاله واحده فقط لاغير وهي عندما يقيموا الحصة العينيه بأنفسهم وتكون مدة التقييم ( المده التي يكونوا فيها متضامنين ) ثلاث سنوات من إنشاء الشركه.

9/ سجل الشركاء : يسجل فيه اسم كل شريك والحصه التي ساهم فيها

10/ تداول الحصص في هذه الشركه يكون بحسب عقد الشركة

11/ حقق الإسترداد لمصلحة الشركة (ان الشريك الذي يريد بيع حصته فأولوية والأفضلية للشركاء أولا ) حيث يقوم بإعلان انه سوف يبيع حصته ويكون مدة الإعلان ثلاثين يوما إذا مالقى اي استجابه من الشركاء يحق له التصرف في بيعها .

12/ تنتقل الحصة للورثة أو عن طريق الوصية .
13 / يجب على هذه الشركه تكوين احتياطي نظامي 10% من صافي ارباح العام ( ويحق للشركه وقف عمل الإحتياطي النظامي اذا بلغ الإحتياطي النظامي نصف راس المال ويحق لها ايضا الإستمرار في تجميعه).

14/ تنقضى الشركه ذات المسؤوليه المحدوده بالأسباب العامه فقط

15/ اسم الشركة يكون مضافا لأحد الشركاء او على حسب نشاطها

16 / كتابة عقد الشركة الزاما على الشركاء (وهذه تأكدو منا انا مو متأكد منها اللي عندو خبر عنها يعلمنا )

سوري زادت وحده
17/ يجب الوفاء برأس مال الشركه عند التأسيس .



بالنسبه للمحاظرات ماعاد فيه ولا محاظره

اما الحظور والغياب هو قال على الزياده الخمس درجات انو اللي غايب خمس محاظرات ماراح أحطها له وبعدين رجع بكلامه وقال سبعه محاظرات ورجع وقال الامور مفتوح للنظر فيه يعني إن شاء الله خير

وإذا تتذكرو في مباراة الإتحاد وناجويا كان في طلاب غايبين وطالبات طبعا أخذ اسماء الطلاب وأرقام الطالبات التسلسلي ونقص وقتتها خمس درجات بس آخر محاظره اليوم قال ماني منقص

وياليت اكون ماطولت بالرد

[نتعب لعيون ابومتعب]

الله يعطيه الصحه والعافيه و يعطيك العافيه خيووووو
اذا ماعليك امر ممكن تكتب نقطة رقم 5

[mhawe]

وكمان ياليت تحدد لنا الصفحات المحذوفة ..

[المهم أبن المهم]

المشاركة الأصلية كتبت بواسطة mhawe وكمان ياليت تحدد لنا الصفحات المحذوفة ..

هذه الصفحات المحذوفة

بس قبل ماأكتبها زي محنا عارفين الكتاب معنا من النظريه العامة للشركات
تحديدا من صفحة 117 مع التمهيد إلى آخر الكتاب
بإستثناء موضوع إجراءآت تأسيس الشركة المساهمة صفحة 241 إلى 251 أي المبحث كامل وهو المبحث الثاني تنبيه الفرع الثالث معنا من صفحة 251

وأيضا شروط وإجراءات إصدار السندات من صفحة 262 إلى صفحة 263

وفية في صفحة 257 جزاء مخالفة القيود النظاميه هذا محذوف

وفيه كمان صفحة 119 تقسيم الشركات في الفقه الإسلاميه معنا والباقي قراءة من التمهيد


واللي ماتعجبكم احذوفها أو انقزوووهاا >> أمزح

يالله بالتوفيق يارب

[بنت من الجامعه]

مررة مع نفسو
صحيح انو عرض كوويس
بس أفرض إنو طالبه /طالب جابو في الدوري الثاني علامه أقل !!!
خصوصا انو اسألتو مرررة حالتها حاله
وكمان الخمسه درجات زياده ما تكفي في طالبات درجاتهم ناقصه باقيلها شويه على الرسوب
إيش بتفيدها ال 5 درجات
صراحه احنا ما نبغى منو الا تصحيح تمااام ويكون من جد كل طالبه اخدت العلامه حقتها اللي تستحقها :s
لانو صراحه شاااكه أصلا انو صحح ألاوراق أصلا هع
ياليت بس لو نقدر نراجع أوراقنا
بس برضو في النهايه جزاه الله خير إنو ساعدنا أحسن من دكاترة تانيين

[المهم أبن المهم]

المشاركة الأصلية كتبت بواسطة بنت من الجامعه مررة مع نفسو صحيح انو عرض كوويس بس أفرض إنو طالبه /طالب جابو في الدوري الثاني علامه أقل !!! خصوصا انو اسألتو مرررة حالتها حاله وكمان الخمسه درجات زياده ما تكفي في طالبات درجاتهم ناقصه باقيلها شويه على الرسوب إيش بتفيدها ال 5 درجات صراحه احنا ما نبغى منو الا تصحيح تمااام ويكون من جد كل طالبه اخدت العلامه حقتها اللي تستحقها :s لانو صراحه شاااكه أصلا انو صحح ألاوراق أصلا هع ياليت بس لو نقدر نراجع أوراقنا بس برضو في النهايه جزاه الله خير إنو ساعدنا أحسن من دكاترة تانيين

ابشرك أختي
يقول وعلى حسب كلامه راح أجيب الأسئله مباشرة ماهي زي الإختبار الأول فيها لفه على الطلاب
وكمان يقول راح اجيب جزء صح وخطأ وجزء أختيارات
وإن شاء الله انها تكوووون سهله

يعني إن شاء الله نجيب كلنا درجات حلووووووووه ياااااارب
وعلى قولك أحسن من بعض الدكاتره

[طارق المحمد]

بالنسبة للحضور اليوم اخر محاضرة وهو ماحضر اخر محاضرتين
بالتوفيق للجميع..