دعوه الى للكل لطرح المشوره (أنا بكالوريوس كيمياء وأرغب بماجستير محاسبة)

[ام تيم]

ياحلوين اريد مشورتكم في موضوع جداً جداً مهم .. ومتعبني ومو مخليني أنام ..
وياليت الاستاذ فيصل"اظن اسمه كذا" المسؤول عن الدراسات العليا والاستاذ عماد الحسن يقرءون موضوعي..

انا متخرجه بكالوريوس كيمياء تقريبا لي سنه.. ماكان عندي أدنى نية بعد تخرجي إني أدرس ماستر في الكيمستري .. مع ان مستواي فيه مرتفع ولله الحمد ..
ومع محاولات عده من صديقاتي إلي كملو إني ا قدم ..ففكرت بتخصص غير الكيمياء

لان عندي رغبة كبيره اني ادخل مجال الادارة او أي تخصص يناسبني في كلية الاقتصاد والإداره.. وبما اني احب الرياضيات كثير حتى كنت اتمنى ادخله بدل الكيمياء.. بس مستقبله خلاني افضل الكيمياء عليه..

ففكرت في

قسم المحاسبة

إني آخذ الماستر فيه .. بس مترددة ، ماني عارفة كيف المنهج؟؟ وكم سنة اخذ فيه؟؟..بما إني بكالوريوس كيمياء.
وكيف حتكون الرساله او البحث ؟؟ اسئلة كثيره تدور في رااسي ياناس وخايفه من هالخطوه
ودي أحد يوضح لي الصوره أكثر

يمكن تسألون ليش متاخذين ماستر في الكميستري .. لاني عارفه انه في النهايه حكون يافنية مختبر او أدرس بالقسم وهالشيء لايتوافق مع طموحي..

طموحي اني اخدم هالبلد .. اني اعمل تغير ملموس فيه.. ومااتوقع ابد اني بلقا هالشىء في تخصصي

اتمنى اني القى المشوره الي تبرد ع قلبي

[ام تيم]

معقولة المشاهدات 8 ولا احد رد علي

ياناس من نفس عن مؤمن كربة من كرب الدنيا نفس الله عنه كربه من كرب يوم القيامة

[الجــرحq8]

والله لو عندي فكرره .. سااعدتج .. بس بالنسبه هالوقت .. المحااسبه حيل طيبه خصوصا .. تقولين إنج شاطره في الرياضيات < ماشاء الله عليج : )

توكلي على الله .. وادخلي المحااسبه .. والله يسهل عليج

نصيحه : لا تسمعين أكثر من راي لان بيكون في تشتت ويروح الوقت وإنتي ماصفيتي على راي ..

موفقه خير .. ان شاء الله

[ام تيم]

مشكور ع الرد والله يعطيك العافيه

[الشامخ101]

للرفع

[عماد الحسن]

السلام عليكم ورحمة الله وحياكم الله في المنتدى.

توكلي على الله ولا داعي للتردد، فالماجستير العام بعد شهر ونصف، والخاص في شهر 4 وخلال هذا الوقت حددي رغبتك.
ولو حابة تغيري الكيمياء لماجستير المحاسبة فهذه فكرة طيبة وتعتمد على رغبتكم الشخصية ولكن عليكم بالتقديم على الماجستير الخاص لأنه أضمن لقبولكم من العام ، ولكن يجب الاختيار من الآن لأن نظام الجامعة لا يسمح بالتقديم مرتين، ومن المقبولين بإذن الله.

[لبابه]

اذا كانت هذي رغبتك توكلي على الله

وبالتوفيق ان شاء الله

[ام تيم]

مشكور اخي عماد الحسن والاخت لبابه ع المرور والنصيحه
بس بالنسبه لي

هل سنوات الدارسه حطول عن المعتاد للماجستير المحاسبه

[عماد الحسن]

سنوات الدراسة للماجستير هي سنتين وقد تزيد قليلاً في الماجستير العام
وللتفاصيل راجعي الموضوع:

http://www.skaau.com/vb/showthread.php?t=124037

[ام تيم]

مشكور يااخ عماد بس انت مافهمتني
انا الي اعرفه انه لمن تجي طالبه متخرجه من كليه مثلا وجايه تدرس ماستر بالجامعه في نفس تخصصها تقوم تدرس في البدايه المواد التكميليه الي تعتيبر من مقررات القسم بالجامعه ولم تدرسها في الكليه وبذلك تطول عليها السنوات

فكيف الحال فيني انا بكالوريوس كيميستري في الشرق والمحاسبه في الغرب تتوقع كم سنه اخذ؟؟؟؟